Osea 10
10
Noravana ny ôtely fanompoan-tsampin’i Israely
1Voaloboka mirobona erỳ i Israely,
efa mavesatry ny voany.
Araka ny habetsahan’ny voany
no ampitomboany ny ôteliny;
araka ny hatsaran’ny taniny,
no hatsaran’ny tsangam-bato nataony.
2Mpihatsaravelatsihy ny fony;
ka efa hivesatra ny valin’izany izy.
Hanjera ny ôteliny izy,
handrava ny tsangam-batony.
3Tsy ho ela no hilazany hoe: Tsy mana-mpanjaka isika,
noho isika tsy natahotra an’i Iaveh;
fa hahavita inona ho antsika moa izay mpanjaka#10,3 Hahavita inona ho antsika moa izay mpanjaka? Izany hoe, ny mpanjakantsika dia mpisandoka fahefana sady mpanompo sampy, ka tsy nisy vitany ho antsika na dia kely akory aza.?
4Hanonona teny izy ireo,
manao fianianana tsy misy antony,
sy mandraikitra fanekena;
ary ny fitsarana kosa hiposaka toy ny fivelatry ny pavôty
eny amin’ny saha voasoritsoritra.
5Noho ny ombivavy kely ao Betavena#10,5 Ombivavy kely ao Betavena: Ny zanak’omby volamena fivavahan’i Israely ao Betavena.
no atahoran’ny mponina ao Samaria,
satria ny vahoakany misaona ny sampiny,
ary ny mpisorona mangovitra noho ny aminy,
noho ny voninahiny, fa efa niala taminy.
6Hoentina any Asiria koa izy,
hatao fanatitra ho an’ny mpanjaka mpamaly#10,6 Ny mpanjaka mpamaly: Ny mpanjakan’i Asiria izay entin’Andriamanitra manasazy ny vahoakany.;
ho azon’ny henatra i Efraima,
hangaihay noho ny hevitra voakasany i Israely.
7Levona i Samaria;
ny mpanjakany dia toy ny tapak’ahitra
eo ambonin’ny rano.
8Ho rava ny fitoerana avon’i Avena,
izay fahotan’i Israely;
handadian’ny tsilo amam-boarointsaka ny ôteliny.
Ny tendrombohitra hilazany hoe#10,8 Ny tendrombohitra hilazany hoe: Saròny izahay; izany hoe, saròny izahay mba tsy hahitanay ny famaizana mahatsiravina. I Jesoa Kristy dia nampiasa io teny io koa, tamin’ny nilazany tamin’ny Jody ny famaizan’Andriamanitra, izay tsy maintsy hihatra aminy, hoentin’ny tafiky ny Rômanina (Lk 23,30; Apôk 6,16).: «Saròny izahay!»
Famelezana an’i Gabaà
9Efa nanota hatramin’ny andro, fony tany Gabaà, ianao, ry Israely;
mikiribiby aman-keloka izy ireo.
Moa tsy hahatratra azy ireo koa any Gabaà
ny ady voalaza hatao#10,9 Ny ady voalaza hatao. Nikambana i Israely rehetra hanafay, araka izay mendrika an’ireo meloka tao Gabaà. Toy izany koa no hikambanan’ny vahoaka mpanompo sampy hanasazy ny Israelita. Ka ity ady hamely ny Israelita voalaza eto ity, dia ho mafy lavitra fa tsy tahaka ilay tao Gabaà; satria i Samaria koa dia tsy maintsy ho fongana, tsy hasian’ny Asirianina miangana. amin’ny zanaky ny faharatsiana?
10Hofaizako araka ny sitrapoko izy ireo:
ary ho tafangona hamely azy ny firenena,
rehefa hafatotra amin’ny fahotany roa#10,10 Fahotany roa: Izany hoe, a) ny fanevatevana nataony tamin’Andriamanitra; b) ny fivavahana nataony tamin’ny sampy, na ireo zanak’omby volamena anankiroa natsangan’i Jerôbôama izay nivavahany; ny iray tao Dana, ny iray tao Betela. izy ireo.
Fanambanana sy fiantsoana hibebaka
11I Efraima dia ombivavy kely tsara folaka,
finaritra ny hively vary.
Izaho kosa hanisy jioga ny vozony tsara tarehy;
i Efraima hampitarihiko kodiarana
i Jodà hiasa;
i Jakôba hitarika fihogo famakiam-bainga.
12Afafazo araka ny fahamarinana ny voanareo;
ataovy araka ny famindram-po ny fijinjànareo;
miasà tany vao ho anareo;
fa efa fotoana hitadiavana an’i Iaveh izao,
mandra-piaviny#10,12 Mandra-piaviny: Ilay teny kely farany hoe ny, eto, araka ny filazan’ny Rain’ny Eglizy sy ny ankabeazan’ny mpivaofy ny Soratra Masina dia milaza an’i Jesoa Kristy izay tena Tompon’ny fahamarinana. handatsaka ny fahamarinana ao aminareo.
Izay no izy!
13Fa ianareo niasa ny faharatsiana,
nijinja ny faharatsiana,
nihinana ny vokatry ny lainga.
Nitoky tamin’ny lalanao ianao,
sy tamin’ny hamaroan’ny lehilahy maherinao.
14Indro velona ny tabataba ao amin’ny vahoakanao,
ary horavana avokoa ny tanàna mimandanao,
tahaka ny nandravan’i Salmanà#10,14 Salmanà: i Salmanazara, angamba; na hoe Salmanò, mpanjakan’i Moaba tamin’ny andron’i Osea. an’i Beta-Arbela#10,14 Beta-Arbela: Tanàna, ao Galilea; na Beta-Arbela any Perea.,
tamin’ny andron’ny ady
izay nahatorotoro ny reniny teo ambonin’ny zanany.
15Izany no nataon’i Betela taminareo,
noho ny haratsianareo loza loatra.
Vao tonga ny maraina dia levona teo ny mpanjakan’i Israely.
Voafantina amin'izao fotoana izao:
Osea 10: MBC
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Baiboly Katolika © La Société Biblique Malgache, 2003.