Esdrasa 7
7
2. FANDAMINANA NY VAHOAKA NATAON’I ESDRASA SY I NEHEMIA
Asa nanirahana an’i Esdrasa sy ny maha-izy azy
1Tatỳ aorian’ireo zava-niseho ireo#7,1 Tatỳ aorian’ireo zavatra ireo: Tsy voafetra ny fotoana, na andro firy na taona firy taorian’ireo zavatra ireo; ka sarotra ny mametra azy marina; satria ity Artakserksesa lazaina eto ity dia tsy fantatra na Artakserksesa voalohany na Artakserksesa faharoa; fa nisy mpanjaka roa nitondra izany anarana izany., tamin’ny andro nanjakan’i Artakserksesa mpanjakan’i Persa kosa indray, i Esdrasa zanak’i Saraisa zanak’i Helkiasa 2zanak’i Seloma zanak’i Sadaoka zanak’i Akitoba 3zanak’i Amariasa zanak’i Azariasa zanak’i Maraiôta 4zanak’i Zarahiasa zanak’i Ozỳ zanak’i Boksỳ zanak’i Abisoe 5zanak’i Finea zanak’i Eleazara zanak’i Aarôna mpisorona lehibe; 6niakatra avy any Babilôna io Esdrasa io. Ary satria nomba azy ny tanan’i#7,6 Ny tanany, izany hoe: ny hery, ny fiarovana. Iaveh Andriamaniny, dia nomen’ny mpanjaka azy avokoa izay rehetra nangatahiny. 7Maromaro koa tamin’ny zanak’i Israely, mpisorona, Levita, mpihira, mpiandry varavarana, ary Natineanina, no niakatra ho any Jerosalema tamin’ny taona fahafito nanjakan’i Artakserksesa mpanjaka. 8Tonga tany Jerosalema i Esdrasa, tamin’ny volana fahadimin’ny taona fahafito nanjakan’ny mpanjaka. 9Tamin’ny andro voalohan’ny volana voalohany izy no niainga hiakatra niala tany Babilôna ary tamin’ny andro voalohan’ny volana fahadimy no nahatongavany tao Jerosalema, nomban’ny tanan’ny Andriamaniny manisy soa. 10Nandraikitra ny fony amin’ny fianaran’ny lalàn’i Iaveh i Esdrasa, ary nanaraka azy, ary nampianatra an’i Israely ny lalàna amam-pitsipika.
Didy nomen’i Artakserksesa
11Izao no kôpian’ny taratasy nomen’i Artakserksesa mpanjaka, an’i Esdrasa - izay mpisorona sy mpampiana-dalàna, mpampiana-dalàna mahay ny didy aman-dalàn’i Iaveh ny amin’ny momba an’i Israely#7,11 Taloha ny mpanora-dalàna dia mpanoratra fotsiny tokoa. Fa hatramin’ny fahababoana kosa io teny io dia milaza antokon’olona izay mikezaka mianatra ny lalàna sy mikely aina amin’ny fitandremana azy, ary koa nampianatra azy tamin’ny vahoaka..
12I Artakserksesa mpanjakan’ny mpanjaka, ho an’i Esdrasa mpisorona sy mpampiana-dalàna, mahay ny lalàn’ny Andriamanitry ny lanitra, sns.
13Efa nomena teny aho hoe: izay rehetra isan’ny vahoakan’i Israely, ny mpisorony sy ny Levitany, izay eto amin’ny fanjakako, ka te handeha ho any Jerosalema, dia mahazo miaraka aminao. 14Fa irahin’ny mpanjaka sy izy fito lahy mpanolo-tsaina ianao, mba handinika ny toetr’i Jodà sy i Jerosalema araka ny lalàn’ny Andriamanitrao izay eo an-tananao; 15sy hitondra ny volafotsy amana volamena nomen’ny mpanjaka sy ireo mpanolo-tsainy, an-tsitrapo, ho an’ny Andriamanitr’i Israely, izay manana ny fonenany ao Jerosalema; 16mbamin’ny volamena amana volafotsy rehetra mety ho azonao eran’ny faritanin’i Babilôna ary koa ny fanomezana an-tsitrapo avy amin’ny vahoaka sy ny mpisorona, izay atolony an-tsitrapo ho an’ny tranon’Andriamaniny any Jerosalema. 17Koa hoahianao ny hividianana amin’izany vola izany ny ombalahy, ondralahy, zanak’ondry, mbamin’izay hatao fanatitra amam-panatitra araraka momba azy, dia atero eo ambony ôtely ao an-tranon’ny Andriamanitrareo any Jerosalema izany. 18Ary ny volafotsy amana volamena sisa dia ataovy amin’izay heverinao sy ireo rahalahinao ho mety, manaraka ny sitrapon’ny Andriamanitrareo. 19Apetraho eo anatrehan’ny Andriamanitr’i Jerosalema ny fanaka natolotra anao, hanaovana ny fanompoana ao an-tranon’ny Andriamanitrao. 20Izay fanampiny mbola ilaina koa, ao amin’ny tranon’ny Andriamanitrao, dia hovonoinao avy amin’ny trano firaketan’ny mpanjaka. 21Izaho Artakserksesa mpanjaka manome didy ho an’ireo mpitahiry vola rehetra any an-dafin’ny ony, mba hanatanteraka tsy misy tomika izay rehetra hilain’i Esdrasa mpisorona sy mpanora-dalàna, mahay ny lalàn’ny Andriamanitry ny lanitra, aminareo, 22hatramin’ny talenta volafotsy zato, varimbazaha zato kora, divay zato bata, diloilo zato bata, ary sira araka izay tiany. 23Tanteraho an-tsakany sy an-davany izay rehetra andidian’ny Andriamanitry ny lanitra, ny amin’ny momba ny tranon’ny Andriamanitry ny lanitra, mba tsy hiharan’ny fahatezerany amin’ny fanjakan’ny mpanjaka sy ny zanany. 24Ampahafantarinay anareo koa, fa tsy misy angalana hetra, na haba na sara, ny mpisorona, ny Levita, ny mpihira, ny mpiandry varavarana, ny Natineanina, mbamin’izay rehetra manompo amin’io tranon’Andriamanitra io. 25Ary ianao, ry Esdrasa, araka ny fahendren’Andriamanitrao, izay eo an-tananao#7,25 Eo an-tananao, izany hoe: izay ao aminao, izay anananao., dia manendre mpitsara sy andriambaventy hitsara ny vahoaka rehetra any an-dafin’ny ony, amin’izay rehetra mahalala ny lalàn’ny Andriamanitrao, ary ampianaro izay tsy mahalala. 26Na zovy na zovy tsy mitandrina ny lalàn’ny Andriamanitrao, sy ny lalàn’ny mpanjaka, dia aoka izy hovaliana araka ny rariny, na hovonoina, na hasesitany, na hosazina vola, na hatao an-tranomaizina#7,26 Sady nahazo lalana hitarika ny Jody hiverina any Jerosalema i Esdrasa no nahazo fahefana feno sy vola ary ny zavatra rehetra ilaina hampanatanterahana tanteraka ny lalàn’i Môizy amin’ny Jody rehetra miverina any..
Dian’i Esdrasa avy ao Babilôna nankany Palestina
27«Hisaorana anie i Iaveh Andriamanitry ny razantsika izay nanome hevitra ny fon’ny mpanjaka mba hanome voninahitra ny tranon’i Iaveh ao Jerosalema toy izany, 28sy nampahita fitia ahy#7,28 Nampahita fitia ahy. Ny mpanoratra izany dia tsy maintsy ho i Esdrasa; na ny taratasy nosoratan’ny tanany sy navelany, no nokôpiazin’ny mpanoratra ity boky ity. teo anatrehan’ny mpanjaka sy ny mpanolo-tsaina ary ny manam-pahefana ambony rehetra ao amin’ny mpanjaka. Koa nahazo hery aho fa nomba ahy ny tanan’i Iaveh Andriamanitro, ka nanangona ny loholona amin’i Israely hiara-miainga amiko.»
Voafantina amin'izao fotoana izao:
Esdrasa 7: MBC
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Baiboly Katolika © La Société Biblique Malgache, 2003.