Efezianina 1
1
Fiarahabana
1I Paoly, Apôstôlin’i Jesoa Kristy, noho ny sitrapon’Andriamanitra, dia mamangy ny olona masina (any Efezy#1,1 Efezy. Tanàna malaza fahiny i Efezy, ary voalaza ao amin’ny Asan’ny Apôstôly izay nataon’i Md. Paoly tao (toko 18,19. 20). -Araka ny filazan’ny tenany ihany (3,1; 4,1; 6,20), «mifatotra» an-tranomaizina izy no nanoratra an’ity ho an’ny Efezianina, dia tao Rôma, ary tokony ho tamin’ny fanindroany naha-mpifatotra azy izany (taona 61-63). - Toy ny itovian’ny an’ny Galata amin’ny an’ny Rômanina no itovian’ilay ho an’ny Kôlôsianina amin’ity ho an’ny Efezianina: izay fohifohy no natao aloha ka novelabelarin’ny nanaraka ity. Ny foto-kevitra amin’ity dia ilay «lahatr’Andriamanitra miafina» nandaharany ny hamonjena amin’ny Evanjely ny olona rehetra tsy an-kanavaka sy ny hanakambanany azy ho iray amin’ny Kristy (1-3). - Vita io, dia lazainy ny toe-piainana masina tandrifin’izany tsy maintsy ananan’ny kristianina (4-6). ), mbamin’ny mpino ao amin’i Kristy Jesoa; 2ho ao aminareo anie ny fahasoavana amam-piadanana avy amin’Andriamanitra Raintsika sy i Jesoa Kristy Tompo.
I. NY MISTERY MOMBA NY FAMONJENA SY NY FIANGONANA
Rafitr’Andriamanitra momba ny famonjena
3Hisaorana anie Andriamanitra, Rain’i Jesoa Kristy Tompontsika, Izay nitso-drano antsika tao amin’i Kristy, amin’ny tso-drano rehetra ara-panahy#1,3 Ara-panahy, asan’ny Fanahy Masina indrindra. Any an-danitra, ambony noho ny tso-drano fahiny, izay teto an-tany indrindra. any an-danitra, 4sy nifidy antsika tao aminy talohan’ny nahariana izao tontolo izao, mba ho masina sy tsy manan-tsiny eo anatrehany isika, 5ary nanendry antsika rahateo tamim-pitiavana araka ny sitraky ny fony, mba ho zanaka hatsangany amin’ny alalan’i Jesoa Kristy isika; 6nampamirapiratra ny voninahitry ny fahasoavany izany, dia ny fahasoavany nanasoavany antsika ao amin’i Ilay Malalany.
7Izy no ahazoantsika ny fanavotana amin’ny Rany, sy ny famelana ny fahotantsika, araka ny haben’ny fahasoavany, 8izay nomen’Andriamanitra be dia be ho antsika tamin’ny fahendrena amam-pahalalana rehetra, 9fa nampahafantariny antsika ny lahatra lalin’ny safidim-pony, izay nofidin’ny hatsaram-pony hotanterahiny, 10rehefa feno ny andro#1,10 Rehefa feno ny andro nalahatr’Andriamanitra ho fiomanana alohan’ny hahatongavan’ny Mpamonjy. Ny hanakapohana. Teny avy amin’ny hoe loha no teny grika eo, ka voasan’i Md Jean Chrysostome toy izao ny heviny: Nataon’Andriamanitra Filohan’ny voaary rehetra, na Anjely na olombelona i Kristy.: dia ny hanakapohana ny zavatra rehetra ho iray ao amin’i Kristy, na ny any an-danitra, na ny etỳ an-tany. 11Tao aminy ihany koa no nandraisantsika ny lovantsika, rehefa voatendry rahateo isika, araka ny fikasàn’Ilay manao ny zavatra rehetra manaraka ny hevitry ny Fony, 12mba ho fankalazana ny voninahiny isika, dia isika izay nanantena an’i Kristy rahateo. 13Tao aminy ianareo no nino, rehefa nahare ny tenin’ny fahamarinana, ny Evanjelin’ny famonjena anareo, ka nasiana ny tombokasen’ny Fanahy Masina#1,13 Nasiana tombokase, sns. Tamin’ny fandraisana ny Fanahy Masina sy ny fahasoavana, izay toa manamarika sy manamafy ny kristianina. Noho izany, nantsoina hoe tombokase sy fanamafisana ilay Sakramenta (Kônfirmasiô) andraisana ny Fanahy Masina., izay nampanantenaina, 14sy santatry ny lovantsika, mandra-pahatanteraky ny fanavotana#1,14 Ny fanavotana, sns.; Ny hahazoany famonjena eto an-tany sy voninahitra any an-danitra. an’izay rehetra nofidin’Andriamanitra ho fankalazana ny voninahiny.
Fandresen’i Kristy sy ny maha ambony Azy noho ny hafa
15Noho izany, nony reko ny finoanareo an’i Jesoa Kristy sy ny fitiavanareo ny olona masina rehetra, 16dia tsy mitsahatra ny manao fisaorana noho ny aminareo aho, sy mahatsiaro anareo amin’ny fivavahako, 17mba homen’ny Rain’ny voninahitra, Andriamanitr’i Jesoa Kristy Tompontsika, anareo, ny fanahy fahendrena amam-panambaràna hahalalana Azy tsara; 18ary mba hampahiratiny tsara ny masom-panahinareo hahalala izao: ny fanantenana niantsoany anareo, ny haben’ny voninahitry ny lova nomaniny ho an’ny olo-masina, 19ary ny halehiben’ny fahefany mihoa-pampana ho an’izay mino, hita amin’ny fiàsan’ny heriny tsitoha. 20Naharihariny tao amin’i Kristy izany heriny izany, tamin’ny nananganany azy ho velona, sy nametrahany Azy teo ankavanany any an-danitra, 21ambony lavitra noho ny fiandrianana rehetra, ny fanapahana rehetra, ny fahefana rehetra, ny fanjakana rehetra, ary ny anarana rehetra azo tononina, tsy amin’izao fiainana izao ihany, fa amin’ny fiainana ho avy koa, 22fa napetrany eo an-tongony ny zavatra rehetra, ary nataony filohany ambony indrindra Izy amin’ny Eglizy, 23izay tenany, famenon’Izy mpameno tena an-davany sy an-tsakany amin’ny rantsam-batany rehetra#1,23 Izay tenany, famenony, sns. Tenan’i Kristy ny Eglizy ka tsy maintsy ho famenony, satria hoy i Md. Jean Chrysostome: Mifameno ny loha sy ny tena, fa ny vatana dia fitambaran’ny zavatra rehetra eo aminy sady mila azy rehetra tsirairay avy. Mpameno tena, izany hoe mitombo ao amintsika rehetra i Jesoa Kristy, «toy ny fitombon’ny mpanjaka raha mitombo isan’andro ny tafiny sy ny tany manaiky azy,» hoy i Md. Jérôme..
Voafantina amin'izao fotoana izao:
Efezianina 1: MBC
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Baiboly Katolika © La Société Biblique Malgache, 2003.