Bokin’i Daniela 7
7
NOFIN’I DANIELA: IREO ZAVA-MANANA AINA EFATRA
Fahitana an’ireo zava-manana aina
(Jereo Dan Gr 2; Apôk 13,1-8)
1Tamin’ny taona voalohany#7,1 Tamin’ny taona voalohany: Izany hoe, tamin’ny taona 540 talohan’i Jesoa Kristy; satria i Baltasara, izay novonoina tamin’ny taona 538, dia tsy nahavita ny raharahan’ny maha solo-mpanjaka azy afa-tsy taona vitsy kely foana. nanjakan’i Baltasara, mpanjakan’i Babilôna, nanonofy sy nahita fahitana tao an-tsainy i Daniela, nony tao am-pandriana izy. Dia nosoratany tatỳ aoriana ny nofy, notantarainy ny fotopototry ny zavatra.
2Dia niteny i Daniela ka nanao hoe: «Nahita tamin’ny fahitako tamin’ny alina aho, ka indro nibosesika tamin’ny ranomasina lehibe ny rivotra#7,2 Nibosesika tamin’ny ranomasina lehibe ny rivotra: Ny ranomasina manambara ny firenena mpanompo sampy sy ny fikorontanan’izy ireo. avy amin’ny vazantany efatra: 3ary niakatra avy eo amin’ny ranomasina ireto biby efatra lehibe#7,3 Biby efatra lehibe: Izany hoe, fanjakana efatra lehibe (and faha-17). Angamba ny voalohany, dia ny fanjakan’ny Kaldeanina; ny faharoa dia ny an’ny Meda sy ny Persa; ny fahatelo dia ny an’ny Grika; ary ny fahefatra dia ny an’ny Rômanina. samihafa. 4Ny voalohany ohatra ny liona, sady nanana ela-boromahery#7,4 Ny voalohany hoatra ny liona; nanana ela-boromahery: mahery sy mailaka, dia ny fanjakana babilônianina, izay nambaran’ny lohan’ny sariolona (2,32). Nongotany ny elany› nihena ny heriny.. Nibanjina teo aho mandra-panongotra ny elany sy nipaohana azy avy tamin’ny tany sy nampijoroana azy tamin’ny tongony hoatra ny olona, ary nomena fon’olombelona izy. 5Dia indro koa biby hafa, dia ny faharoa, hoatra ny orsa#7,5 Hoatra ny orsa: Ny fanjakan’ny Meda sy ny Persa, izay efa nambaran’ny tratran’ny sariolona (2,32-39). niainga ny ila tenany, nisy taolana tehezana telo teny am-bavany#7,5 Ny taolan-tehezana telo eo am-bavany: Dia fanjakana telo noreseny sy nampanekeny., tanelanelan’ny nifiny, ary izao no nolazaina taminy: Mitsangàna ianao, mihinàna nofo betsaka! 6Manaraka izany, nijery aho, ka indro nisy biby hafa koa hoatra ny leoparda, nanana ela-borona efatra#7,6 Ela-borona efatra...loha efatra: Angamba izany dia milaza ireo zanak’andriana efatra, izay nizaran’ny fanjakana, rehefa maty i Aleksandra (ampitahao amin’ny toko 8,8-22). izany biby izany, dia nomena azy ny fanapahana. 7Raha efa izany, nijery tamin’ny fahitana amin’ny alina aho, ka indro nisy biby fahefatra#7,7 Nisy biby fahefatra: Ny fanjakana rômanina. mahatsiravina; mampihoron-koditra, ary mahery indrindra; nana-nify vy lehibe izy io, nihinana sy nikepokepoka, ka ny sisa tsy lany nohoseny tamin’ny tongony; hafa noho ireo biby rehetra talohany izy, nanan-tandroka folo#7,7 Ny tandroka folo: Ny fanjakana folo avy amin’ny fizarazaran’ny fanjakana rômanina.. 8Nodinihiko ireo tandroka, ka indro nisy tandroka hafa kely#7,8 Tandroka...kely. Araka ny filazan’ny ankamaroan’ny mpivaofy Soratra Masina, dia izany no milaza ny fanjakan’ny Antikristy; ny sasany kosa mihevitra fa ny an’i Mahômeta no ambarany. nipoitra eo amin’izy ireo, ary nombotan’io ny telo tamin’ireo tandroka taloha, ary indro fa nana-maso hoatra ny mason’olona, sy vava nilaza zava-dehibe#7,8 Nilaza zava-dehibe. Ny teny toy izany, araka ny fomba fiteny amin’ny Baiboly Masina, dia milaza hoe, teny an’avona, feno lolom-po, fanevatevana an’Andriamanitra, fankahalana ny fivavahana (ampitahao amin’ny and faha-25 sy amin’ny toko 11,36). ity tandroka ity.»
Fahitana ilay Anti-dahy sy ny Zanak’olona
9«Nijery aho, mandra-pametraka ny seza fiandrianana, izay nipetrahan’ny anti-dahy anankiray#7,9 Anti-dahy anankiray: Andriamanitra izay hitsara ny velona sy ny maty (ampitahao 1Tim 1,17; Apôk 1,17).; fotsy hoatra ny oram-panala ny fitafiany; tahaka ny volon’ondry madio, ny volon-dohany; lelafo ny seza fiandrianany; afo mirehitra, ny kodiarany; 10ony afo no nivoaka nisononoka avy eo anatrehany, arivoarivo no nanompo azy, ary alinalina no nitsangana teo anatrehany. Dia nipetraka ny Mpitsara ka novelarina ny boky. 11Nijery aho tamin’izay noho ny fireondreon’ny teny mihoa-pampana nolazain’ilay tandroka. Nijery aho mandra-pamono ilay biby, sy nandevonana ny tenany natao teo amin’ny lelafo. 12Ireo biby hafa koa efa nesorina taminy ny fanapahany; ary noferana ny halavan’ny andro iainany, mandra-piavin’ny andro amam-potoana.
13Nijery tamin’ny fahitana amin’ny alina aho, ka indro nisy toy ny Zanak’olona#7,13 Zanak’olona: Ny ambaran’i Daniela amin’io teny io, dia i Jesoa Kristy mihitsy amin’ilay fiaviany faharoa (ampitahao amin’i Mt 8,20; 24,30, fa indrindra 26,64). tamy teny ambonin’ny rahon’ny lanitra; nandroso izy nankeo amin’ilay anti-dahy, ka nentina ho eo anatrehany; 14dia nomena azy ny fahefana sy ny voninahitra amam-panjakana, ary nanompo azy avokoa ny vahoaka amam-pirenena sy ny samihafa fiteny rehetra. Fanapahana mandrakizay tsy manam-pahataperana ny fanapahany ary tsy ho levona na oviana na oviana ny fanjakany.»
Fivoasana ilay fisehoana hita
15«Nitebiteby ny saiko tao anatiko, izaho Daniela, ary nahatsiravina ahy ny fahitan’ny lohako. 16Nanatona ilay anankiray tamin’ireo nitsangana teo aho, dia nanontany azy izay mba marina tokoa ny momba izany rehetra izany, ka niteny tamiko izay nilaza ny hevitr’izany: 17Ireo biby lehibe ireo, izay efatra no isany, dia mpanjaka efatra hitsangana avy amin’ny tany; 18nefa ireo olo-masin’ny Avo Indrindra#7,18 Ireo olo-masin’ny Avo Indrindra: Ny lazaina amin’izany dia ireo efa miara-manjaka amin’i Jesoa Kristy any an-danitra, hatramin’ny namohana ny fidirana ho azy ireo tamin’ny fitsanganan’i Jesoa Kristy ho velona; nefa amin’ny fara andron’izao tontolo izao, rehefa ho tonga miaraka amin’ny Mpamonjy izy ireo amin’ilay fitsarana farany, dia izay vao tena handray ny fanjakan’ny lanitra, ka hahalasa ho azy loaka an-davany sy an-tsakany (jereo Mt 25,34). no handray ny fanjakana sy hahalasa ny fanjakana ho azy mandrakizay doria alaovalo.
19Tiako ho fantatra marina tamin’izay, ny amin’ilay biby fahefatra, izay hafa noho izy rehetra, mahatsiravina indrindra, vy ny nifiny, varahina ny hohony, nihinana sy nikepokepoka azy ary nohoseny tamin’ny tongony ny sisa tsy laniny; 20sy ny amin’ireo tandroka folo teo an-dohany, mbamin’ilay tandroka iray hafa nisandratra, ka nisy telo no nitsingidina teo anoloany, dia ilay tandroka nana-maso, nanam-bava nilaza zava-dehibe, ary niseho ho lehibe noho ny namany. 21Nijery aho ka indro niady tamin’ireo olo-masina, sy naharesy azy ireo ilay tandroka, 22mandra-pahatongan’ilay anti-dahy izay nanomezana ny fitsarana an’ireo olo-masin’ny Avo Indrindra, sy nahatongavan’ny fotoana hahazoan’ireo olo-masina ny fanjakana. 23Izao no nolazainy tamiko: ‹Ilay biby fahefatra dia fanjakana fahefatra hisy eto an-tany, hafa noho ny fanjakana rehetra, hihinana ny tany rehetra, ary hanosihosy azy, sy hanorotoro azy. 24Ireo tandroka folo dia milaza mpanjaka folo hitsangana amin’izany fanjakana izany; hisy iray koa hitsangana manarakaraka azy ireo; ho hafa noho ireo talohany, ary hanongana mpanjaka telo. 25Hanao teny manohitra ny olo-masin’ny Avo Indrindra, sy hamoron-kevitra hanova ny fotoana aman-dalàna#7,25 Hanova ny fotoana aman-dalàna: Hanafoana ny fombam-pivavahana sy ny lalàna nodidian’Andriamanitra hotandremana., ary hatolotra ho eo an-tanany ireo olo-masina#7,25 Hatolotra ho eo an-tanany ireo olo-masina: Avelan’Andriamanitra hoenjehiny ny mpivavaka, mandritra ny taona iray sy ny taona roa ary ny antsasa-taona; dia telo taona sy tapany izany. Asa izay fanenjehana lazaina amin’izany? Angamba ilay nataon’i Antiôkosa sy Apôlôniosa (jereo Makabeo). mandra-pahatapitry ny fetr’andro iray, sy fetr’andro roa, ary ny antsasaky ny fetr’andro. 26Ary hatao ny fitsarana#7,26 Ary hatao ny fitsarana. Ny ankamaroan’ny mpivaofy Soratra Masina milaza fa ireo teny ireo, dia mihatra amin’ny faharavan’ny Antikristy sy amin’ny fitsarana farany., ka hoesorina aminy ny fahefany, mba handravana azy sy handevonana azy mandrakizay. 27Ary ny fanjakana sy ny#7,27 Ary ny fanjakana sy ny, sns. Tsy misy afa-tsy ny fanjakan’i Jesoa Kristy sy ny an’ny Eglizy ihany no hita ho tena tanteraka marina mihitsy, tamin’ireo faminaniana ireo. fanapahana amam-pahalehibeazan’ny fanjakana etỳ ambanin’ny lanitra rehetra, homena ny vahoakan’ny olo-masin’ny Avo Indrindra; fanjakana mandrakizay ny fanjakany, ary hanompo azy sy hanoa azy ny fahefana rehetra.›
28Izany no niafaran’ny teny. Nahatsiravina ahy i Daniela loatra ny eritreritro, ka nivaloarika ny tarehiko nefa notahiriziko tao am-poko izany zavatra izany.»
Voafantina amin'izao fotoana izao:
Bokin’i Daniela 7: MBC
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Baiboly Katolika © La Société Biblique Malgache, 2003.