1Timote 2
2
Ny vavaky ny Fiangonana
1Ny angatahiko voalohany indrindra àry, dia ny hanaovana fivavahana, fangatahana, fifonana, ary fisaorana ho an’ny olona rehetra, 2ho an’ny mpanjaka sy ny manam-pahefana rehetra, mba hiainantsika amim-piadanana sy fandriam-pahalemana, amim-panajana an’Andriamanitra sy fahamaotonana tanteraka. 3Izany no tsara sy ankasitrahina eo imason’Andriamanitra Mpamonjy antsika, 4Izay tia ny hahavoavonjy ny olona rehetra, sy ny hahatongavany amin’ny fahalalana ny marina. 5Fa iray monja Andriamanitra, ary iray ihany no Mpanalalana amin’Andriamanitra sy ny olombelona, dia i Kristy Jesoa tonga olombelona, 6izay nanolotra ny Tenany ho avotry ny olombelona rehetra: zavatra voaambara tamin’ny fotoany izany, 7ary ny hitory izany no nametrahana ahy ho mpitory sy Apôstôly ary ho mpampianatra ny Jentily amin’ny finoana sy ny fahamarinana; milaza ny marina aho, fa tsy mandainga.
8Koa ny lehilahy tiako hivavaka na aiza na aiza, manandra-tanana madio, tsy amim-pahatezerana na tabataban-tsaina.
Ny tokony hataon’ny vehivavy
9Toy izany koa ny vehivavy, mitondra fitafiana mendrika, miravaka am-pahamaotonana sy fahendrena; tsy randram-bolo, na volamena, na vato soa, na fitafiana sarobidy no atao, 10fa asa soa araka ny mety amin’ny vehivavy mpivavaka.
11Aoka hangina ny vehivavy raha ampianarina, ka hanaiky tsara; 12fa tsy avelako hampianatra ny vehivavy, na handidy ny lehilahy, fa hangina ihany. 13Satria i Adama no natao voalohany, vao i Eva; 14ary tsy i Adama no voafitaka, fa ny vehivavy voafitaka#2,14 Ny vehivavy voafitaka. Malemy saina sy moramora fitahina kokoa izy, ka aleo manaiky sy mangina izy. no tonga nanota; 15nefa hovonjena ihany izy, noho ny fiterahan-jaza#2,15 Noho ny fiterahan-jaza; tsy dia hoe ny fiterahana fotsiny, fa ny fitaizana sy fampahendrena ny zanany koa, araka ny tohiny hoe raha maharitra, sns. Amin’ny Grika misy hoe: raha maharitra, sns. izy ireo, dia ny zanany; izany hoe, hoy i Md Jean Chrysostome: raha karakarainy ny haharetan-janany, sns., raha tahiny maharitra amin’ny finoana sy ny fitiavana ary ny fahamarinana amam-pahalalana onony.
Voafantina amin'izao fotoana izao:
1Timote 2: MBC
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Baiboly Katolika © La Société Biblique Malgache, 2003.