Juan 14

Re Jesús nubij che re xtiniman richin xtapon riq'uin re Dios

1Man tisatz ic'o'x, xcha' re Jesús chaka yoj re yoj ru-discípulos. Yen can ntaman che yex ibanon confiar-ivi' riq'uin re Dios. Can quire' chuka' tibana' viq'uin yen. Can tibana' chuka' confiar-ivi' viq'uin. 2Re chila' chicaj anche' c'o-va re Nata', c'o lugar re anche' xque'c'ue-va#2 Co 5.1; Ap 3.12. re ye'bapon riq'uin. Vo xa man-ta katzij che quire', yen jun-ta chic-va rubixic ximban-ta-apo chiva. Yen yimba chin ne'mbana' rubanic re i-lugar chila' chicaj riq'uin re Nata'. 3Chubanic re' tak yimba, y can xquimpa chic jun bey,#Hch 1.11. y yixinc'uaj viq'uin, chin che anche' yinc'ue-va yen, chire' chuka' xquixc'ue-va yex.#1 Ts 4.17. 4Y can itaman-va re bey re nic'uan ivichin re anche' yimbo-va yen, xcha' re Jesús chaka.

5Jac'a re jun kachibil rubini'an Tomás xubij cha re Jesús: Ajaf, yoj man kataman-ta anche' yabo-va rat.#Jn 13.36. ¿Ancha'l tak xtakatamaj anchique bey nakac'uaj-a yoj?

6Y re Jesús xubij: Ja yen re bey,#He 9.8. yen re katzij,#Jn 1.17; 8.32. y ja yen chuka' re c'aslen.#Jn 1.4; 6.35. Xaxe c'a re xtiniman vichin, xtapon riq'uin re Nata'.#Ro 5.2. 7Vo xa can itaman noch yen, can itaman chuka' rach re Nata'.#Jn 8.19. Re vocame can itz'eton chic, y chuka' itaman chic rach reja', xcha' chaka.

8Y can ja chuka' re' tak jun chic chaka yoj, re rubini'an Felipe xubij cha re Jesús: Ajaf, tac'utu' c'a re Arta' chakavach, xaxe riq'uin re' can xkojqui'cot, xcha'.

9Y re Jesús xubij cha: Felipe, ¿la man como ataman-ta noch? Yen can q'uiy-yan tiempo quinc'ue-va iviq'uin. Re tz'eteyon vichin yen, rutz'eton chuka' re Nata'.#Col 1.15, 16; He 1.3. ¿Anchique roma tak rat nabij che ninc'ut re Nata' chivach? 10¿Man nanimaj-ta rat che re Nata' c'o viq'uin yen, y yen yinc'o riq'uin reja'?#Jn 10.38; 17.21. Re ch'abal re xintzijoj chivach, can riq'uin re Nata' pitinak-va, roma can viq'uin yen c'o-va. Can ja reja' re nibano re samaj re'. 11Can quininimaj che yen yinc'o riq'uin re Nata' y reja' c'o viq'uin yen. Y vo xa man yininimaj-ta roma re nimbij chiva, titzu' c'a re nusamaj y quininimaj.#Jn 5.36. 12Tic'axaj jabal re xtimbij chiva: Re can xtuban confiar-ri' viq'uin, can xque'rubanala' chuka' re samaj xe'mban yen, y camas c'a nima'k tak samaj xque'rubanala'. Roma jare' tak yinc'o chic chila' chicaj riq'uin re Nata', 13y ronojel re xtic'utuj pa nube' yen, can xtinya-va.#1 Jn 3.22. Chin quire' nik'alajin ruk'ij re Nata', voma yen. 14Vo xa c'o jun cosa xtic'utuj pa nube' yen, can xtinya-va-pa chiva.

Tak re Jesús xubij che re Dios xtutak-pa re Espíritu Santo

15Vo xa can yinijo', can tibana' re nubij re nu-mandamientos re ye'mbij chiva.#1 Jn 5.3. 16Y yen xtinc'utuj cha re Nata', y reja' can xtutak-pa jun chic#Ro 8.15. re nita'o ivichin, Jun re can xtic'ue-va iviq'uin chin nojel tiempo. 17Y re' can ja re Espíritu Santo, re nitijon ivichin cha re katzij.#1 Jn 2.27. Y re vinak re man quiniman-ta re Dios, man ye'tiquir-ta niquic'ul re Espíritu Santo. Roma re Espíritu Santo xa man nitz'et-ta y man quitaman-ta chuka' rach. Jac'a yex re can iniman chic, man quire-ta. Yex can itaman chic rach, roma c'o chic chi'icojol. Y reja' can xtoc pa tak ivánma. 18Yen man xquiximalij-ta can astapa' xquimba, man xquixc'ue-ta can ancha'l jun re manak rute-rutota', roma xa can yimpa chic iviq'uin.#Mt 28.20. 19Jac'a re vinak re man quiniman-ta re Dios, xa can ba' chic-oc re xquinquitz'at. Pero yex can xquinitz'at-va, roma can xtic'ue' chic jun bey nuc'aslen.#1 Co 15.20. Y yex can xtic'ue' chuka' ic'aslen quire'. 20Y chupan re k'ij re' tak xtik'alajin jabal chivach che yen can yinc'o-va riq'uin re Nata',#Jn 10.38; 17.21. yex yixc'o viq'uin yen y yen iviq'uin yex. 21Re c'o re nuch'abal pa ránma y can nuban re nubij ronojel re nu-mandamientos, can yinrajo-va.#1 Jn 2.5; 5.3. Y re nijovan vichin yen, can xtijovax roma re Nata', y yen chuka' can xtinjo' y xtinc'ut-vi' chach, xcha' re Jesús.

22Jare' tak re Judas#Lc 6.16. re jun kachibil, pero mana-ta re Judas Iscariote, xuc'utuj cha re Jesús: Ajaf, ¿anchique roma che xaxe chakavach yoj xtac'ut-va-avi'? ¿Y anchique roma tak man nac'ut-ta-avi' chiquivach re vinak re man quiniman-ta re Dios?

23Y re Jesús xubij cha: Re can yinrajo-va, can nuban re nubij re nuch'abal cha. Re jun re xtibano quire', can xtijovax-va roma re Nata' chuka'. C'are' re Nata' y yen can xkojpa riq'uin y xtakaban kachoch pa ránma. 24Jac'a re man nijovan-ta vichin, man nuban-ta re nubij re nuch'abal cha. Y re ch'abal re ic'axan viq'uin yen, man xe-ta c'a vichin yen. Can jac'a re Nata' re takayom-pa vichin, ja reja' re ya'yom-pa re ch'abal re' chua.#Jn 7.16.

25Y ronojel re ch'abal re', can xe'mbij c'a chiva. 26Y tak yen man chic yinc'o-ta iviq'uin, re Nata' xtutak-pa re Espíritu Santo#Lc 24.49; 1 Jn 2.27. chin yixruto'. Y ja reja' re xtic'ue' iviq'uin pa nuq'uixel. Y can jac'a chuka' reja' xquixtijon y xtunataj ronojel re ch'abal re je'mbin can yen chiva.

27Y can ancha'l nuna' re vánma yen che otz c'o, can quire' chuka' nimban can cha re ivánma yex.#Fil 4.7. Y can katzij otz xtuna' re ivánma, roma yen man nimban-ta ancha'l niquiban re vinak re man quiniman-ta re Dios, tak niquibij che re ivánma otz nuna', y xa man katzij-ta. Man tisatz ic'o'x y chuka' man tixibij-ivi'. 28Xa can ic'axan viq'uin che nbin: Yen can xquimbo-va, pero yimpa chic iviq'uin. Y vo xa yex camas-ta yinijo', niqui'cot-ta re ivánma, roma yen can riq'uin re Nata' yintzolaj-va-a.#Jn 14.12. Reja' camas-va ruk'ij que chinoch yen. 29Re' ninya-yan can rutzijol chiva, chin quire' tak xtapon re k'ij che xquixinya' can, man-ta jun cosa xtinojij, xa can xtinimaj-va re nbin can chiva.

30Y re vocame xa man q'uiy-ta chic tzij re xtimbij can chiva, roma re tiempo xa man q'uiy-ta chic. Re itzel re tz'amayon re ruch'ulef#Jn 12.31. xa nipa-yan. Pero astapa' can ja reja' re tz'amayon re ruch'ulef, man jun ruk'a' chua yen.#He 4.15. 31Re nimban yen, can jac'a re Nata' Dios re xintako-pa chubanic.#Fil 2.8; He 5.8. Y quire' nimban chin che re vinak re man quiniman-ta reja', tiquitamaj che yen ninjo' re Nata' Dios. Kojyacataj y kojel-a vova', xcha'.

Voafantina amin'izao fotoana izao:

Juan 14: cakY

Asongadina

Hizara

Dika mitovy