Yokana 1

1 # 1 Yok 1:1,2; Yok 17:5; Apu 19:13. Kageunet ajai Akirot, ajai Akirot mama ejai Edeke, korai Akirot Edeke, 2#Awa 8:22. Kojai ŋol kageunet mama ejai Edeke. 3#Kol 1:16,17; Bur 1:2. Kesubio iboro kere kanukeŋ; kemamei ŋesi mam kesubi ibore kere yenikesubio. 4#Yok 5:26. Kojai aijar tomakeŋ; korai aijar ŋin aica naka ituŋa. 5#Yok 3:19. Ecai aica kamuton, ido mam amuton ipikorit,

6 # Mat 3:1; Mk 1:4; Luk 3:1-2; 1:13-17,57-80. Kobu etuŋanan, lokijukuni Edeke, ekekiror Yokana. 7#Luk 3:3. Kobu ŋol araut ekajenan, tetere itejenuni nuka aica kaŋin, tetere iyuunete kere kanukeŋ, 8#Yok 1:20. Mam ŋol kerai aica ŋin, dimarai kobu tetere itejenuni nuka aica,

9Kejai aica nakabeit naecaikini ŋinituŋanan ebunit toma akwap, 10#Yok 1:3-5. Kejai ŋesi toma akwap, kesubio akwap kanukeŋ, ido mam akwap abu kojenu ŋes, 11Abu kobu obukeŋ, ido ŋul lukeraas iketuŋa mam apotu kisukunyut, 12#Gal 3:26. Konye ŋul kere lukisukunyunete ŋes, koinak apedor araut idwe luka Edeke, kes ŋul luiyuunito ekekiror: 13#Yok 3:5,6. lumam keurio kaokot, karaida koipud loka akuan, karaida koipud loka ekiliokit, dimarai kanuka Edeke.

14 # Isa 7:14; 2 Pet 1:16,17; Isa 60:1; Luk 9:32. Koraun akirot akuan, kiboiororoi kamawok, (kaanyut oni da akeibuses, aibuses naka eteluna lokebuni kama ka Papa,) ileleba asianut ka abeit. 15#Yok 1:27,30; Mat 3:11. Etejenuni Yokana nukeŋ, eworoi ebe, “Ŋol ŋes loabu eoŋ kabala ebe, ŋol loebunit kokaukaŋ arau lokageikini; naarai ajai ŋesi sek ageikin eoŋ.” 16#Yok 3:34; Kol 1:19. Ido kotoma ailelebake kipou kere kadumutu, asianut da itia asianut. 17#Rom 6:14; 10:4; Any 34:6; Sab 25:10; 40:10; 85:10. Naarai ikisila etorunere neejai Musa, konye asianut ka abeit etorunere neejai Yesu Kristo. 18#Yok 6:46; 1 Yok 4:12; Mat 11:27; Luk 10:22; 1 Tim 6:16. Emamei ituŋanan yeneanyunit Edeke kapakio kere; Okoku loteluna, loejai atorob naka Papa, ŋol ŋes etejenuni.

19 # Luk 3:15,16. Na ŋes aitejenunet naka Yokana, naejukakiniata lyudayan isasedotin ka Ilebin anyoun koYerusalem, aiŋit ŋes ebe, “Iŋai bo ijo?” 20#Asw 13:25. Kolimo, mam abu kogir, konye kolimo ebe, “Mam eoŋ arai Kristo.” 21#Ikis 18:15,18; Mal 4:5; Mat 17:10; Yok 6:14; 7:40. Kiŋita ŋes ebe, “Inyo bo do? Irai kereka ijo Eliya?” Kotema atiar, “Mam arai,” “Irai kereka ijo enabi je?” Koboŋok ebe, “Mam.” 22Kanuka ŋun kotemasi ŋes atiar, “Iŋai bo do ijo? Kaboŋokisi kwi lukiijukunete. Ibala bo ijo ai kanukon?” 23#Isa 40:3; Mat 3:3; Mk 1:3; Luk 3:4. Kotema atiar, “Arai eoŋ eporoto loka yeniworoi kamodiŋ ebe, ‘Kitetenata erot loka Ejakait,’ kwape kineritor enabi Isaia.”

24Ejukunitai kes kama ejaas Iparisayon. 25#Mat 21:25. Kiŋita ŋes, kotemasi atiar, “Kanukinyo ibatisaa, arai mam jo irai Kristo, arai Eliya, karaida enabi je?” 26#Mat 3:11; Mk 1:7,8. Koboŋok Yokana kotema atiar, “Ebatisai eoŋ kakip; konye ebwoi kokidiŋikus lomam yes ijenete, 27#Yok 3:26; Asw 13:25. ŋes ŋol loebunit kokaukaŋ, lomam kebusakinit eoŋ ailac arukan naka amukatake.” 28#Mat 3:6,13. Eswamao ŋun koBetaniya okekwa Yorodan, neajai Yokana ibatisai.

29 # Yok 1:36; Isa 53:7. Kapaaran naatupakini koany Yesu ebunit mamake, kotema atiar, “Koany Imerekek yenika Edeke, yenelemari adiakar naka akwapin! 30#Yok 15:27. Ŋol ŋes loabu eoŋ kenerite ebe, ‘Ebunit kokaukaŋ etuŋanan lokageikini, naarai ajai ŋesi sek ageikin eoŋ.’ 31Kwabo mam abu kajeni ŋes; konye abu eoŋ kabu ebatisai kakipi tetere itodikinio ŋes Isirael.” 32#Mat 3:16; Mk 1:10; Luk 3:22. Kitejen Yokana ebe, “Aany Emoyo edokuni kokuju kwape kajele, kosal mamakeŋ. 33#Luk 3:2; Mat 3:16. Kwabo mam abu kajeni ŋes; konye kabala ŋes lokejukuni eoŋ aibatis kakipi ebe, ‘Ŋol loianyuni Emoyo edokuni mamakeŋ kosalak, ŋes ŋol loibatisai kEmoyo Lokalaunan.’ 34#Mat 3:17. Aany eoŋ, etejen da ebe erai ŋol Okoku loka Edeke.”

35Bobo da kapaaran naatupakini kobwoi Yokana nepepe kikekesisiak iarei; 36#Yok 1:29; Isa 53:7. kosesen Yesu elosi, kotema atiar, “Koany Imerekek yenika Edeke!” 37Kiirasi ikesisiak ŋul iarei inera ŋesi, kotupasi Yesu. 38Kibelokin Yesu koany etupito ŋes, kotema kes atiar, “Imoete inyo?” Kotemasi ŋes atiar, “Rabi, (apolouke Ekesisianakinan,) iboie kai?” 39Kotema kes atiar, “Kopotu ianyunete.” Koloto, koanyutu nekiboio; kosalakis mamakeŋ apaaran ŋin, naarai kerai bala esawa lokitomonet. 40#Mat 4:18-22. Anderea, onaceke ka Simon Petero, ŋes arai ediopet kaluarei lueirarete Yokana, kotupasi Yesu. 41#1 Sam 2:10; Sab 2:2. Kodum ber ŋesi Simon onaceke, kotema ŋes atiar, “Kidumu Mesia,” (apolouke ebe Kristo), 42#Mat 16:18; Mk 3:16. Koyaŋa ŋes mama ejai Yesu. Kosesen Yesu ŋes, kotema atiar, “Ijo Simon okoku loka Yokana, Kinyarao Kepa” (apolouke ebe Petero, arai Amoru),

43 # Mat 8:22; Mk 2:14. Kapaaran naatupakini kokoto alosit Galilaya, kodum Pilip kotema ŋes atiar, “Kotupunai.” 44Kerai Pilip loko Betesaida, ere loka Anderea ka Petero, 45#Ikis 18:18; Isa 7:14; 53:2; Yer 23:5; Esk 34:23. Kodum Pilip Natanael, kotema ŋes atiar, “Kidum ŋol lokiwadikai Musa kotoma okisila, ka inabin da, Yesu loko Nasaret, okoku loka Yosep.” 46#Yok 7:41,52. Kotema Natanael ŋes atiar, “Epedori tope ibore yenejok alomun koNasaret?” Kotema Pilip atiar, “Bia koany.” 47#Sab 32:2; 73:1; Age 25:27. Koany Yesu Natanael ebunit mamakeŋ, kiner nuke ebe, “Koany, lokIsirael obe, loemamei aimod kotomakeŋ!” 48Kotema Natanael ŋes atiar, “Kikonakini ai kijenuni eoŋ?” Koboŋok Yesu ebe, “Eriŋa Pilip kenyarauna jo, naijaar kwap ketini abu kaany jo.” 49#2 Sam 7:14; Yok 6:69; Sab 2:7; Mat 14:33; 16:16. Koboŋok Natanael ebe, “Rabi, irai ijo Okoku loka Edeke! Irai ijo Ekabaka loka Isirael!” 50Koboŋok Yesu ebe, “Naarai kalimok jo ebe abu kaany jo kwap ketini, ŋes iyuunia? Ianyuni akiro nuepolok aitelekarit nu.” 51#Age 28:12; Mat 4:11; Mk 1:13. Kotema ŋes atiar, “Abeit, abeit, katemari yes atiar, Ianyunete akuj eŋaara, ka imalaikan luka Edeke edokarete edokunete da mama ejai Okoku loka etuŋanan.”

Voafantina amin'izao fotoana izao:

Yokana 1: AOV1961

Asongadina

Hizara

Dika mitovy