Zakarià 13
13
1«Amin’izany andro izany, dia hisy loharano mifantsitsitra hanasa ny loto amam-pahotan’ny taranak’i Davida sy ny mponin’i Jerosalema.»
Hofoanan’Andriamanitra ny sampy sy ny mpaminany sandoka
2«Amin’izany andro izany, hoy ny teny hentitra avy amiko Tompon’izao rehetra izao, dia hofoanako amin’ny firenena ny anaran-tsampy ka tsy hisy hahatsiaro izany intsony. Hoesoriko ihany koa ireo mihambo ho mpaminany ary horavako ny fitiavanareo hanompo sampy. 3Raha mbola misy mihambo haminany ihany, dia ny ray aman-dreniny niteraka azy no hiteny aminy hoe: «Ho faty tokoa ianao satria mihambo hiteny amin’ny anaran’ny Tompo, kanefa dia mandainga.» Ary ireo ray aman-dreniny hanomboka antsy azy mandra-pahafatiny, raha mbola maminany izy. 4Amin’izany andro izany, ny mpaminany ho menatra ny haminany sy hilaza ny fahitany, ka tsy ho sahy hamita-bahoaka intsony amin’ny fitafiana akanjo volom-biby, 5fa samy hiteny hoe: «Tsy mpaminany aho fa mpamboly. Hatramin’ny fahatanorako no efa nananako tany#13.5 Hatramin’ny fahatanorako no efa nananako tany: mety ho dikan’ny rijan-teny hebreo izay tsy dia mazava ny heviny.!» 6Ary raha misy manontany azy hoe: «Inona itony ratra amin’ny tratranao itony?», dia hovaliany hoe: «Ratra azoko tany an-tranon’ny namako ireny#13.6 tany an-tranon’ny namako: hebreo tany an-tranon’ireo tia ahy; dkt hafa koa tany an-tranon’ny sakaizako, izany hoe ireo andriamanitra sandoka izay nandratran’ireo mpaminany sandoka ny tratrany ho fanomezam-boninahitra azy (jereo 1 Mp 18.28).!»
Ny fanekempihavanana nohavaozina
7Dia hoy ny teny hentitry ny Tompon’izao rehetra izao hoe:
«Ry sabatra, mifohaza hamely
ity mpiandry sady lehilahy namako ity
Asio ny mpiandry, dia hiparitaka ny ondry#13.7 Asio ny mpiandry, dia hiparitaka ny ondry: io fehezanteny io dia voalaza ao Mt 26.31 sy Mk 14.27.;
ary hiverina hamely hatramin’ny madinika Aho.»
8Dia hoy indray ny teny hentitry ny Tompon’izao rehetra izao hoe: «Ho faty ny androatokon’ny mponina amin’ny firenena manontolo, fa ny ampahatelony ihany sisa no ho velona. 9Ary hotsapaiko io ampahatelony io ka hodioviko toy ny fandrendrika volamena sy volafotsy amin’ny afo. Koa hivavaka amiko izy, ary hamaly azy Aho. Dia hilaza aminy Aho hoe: ‹Ry vahoakako› ary izy hanao hoe: ‹Ny Tompo no Andriamanitray#13.9 Jereo 8.3; Fanaf 6.7; Deot 29.12; Jer 7.23; Ezek 11.20; Hôs 2.25.›. »
Voafantina amin'izao fotoana izao:
Zakarià 13: DIEM
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Dikanteny Iombonana Eto Madagasikara © Malagasy Bible Society, 2004.