Tononkiran'i Salômôna 8
8
1Raha mba no anadahiko moa ianao,
ka ninono tamin’ny nonon’i neny!
Ho afaka manoroka anao aho,
rehefa tojo anao eny ivelany eny,
ary tsy hisy sahy hanakiana ahy.
2Hoentiko any an-tranon’i Neny ianao
mba hampianatra ahy ny fitiavana;
dia divay nolaroina zava-manitra
sy ranon’ampongabendanitro
no hampisotroiko anao.
3Manondana ahy ny sandriny ankavia
ary mamihina ahy ny sandriny ankavanana.
4«Ry tovovavin’i Jerosalema ô,
miangavy mafy anareo aho hoe:
Aza tairina na fohazina ilay tiako#8.4 Jereo 2.7 sy nta.
raha tsy efa sitrapony!»
(Ireo tovovavy)
5Iza moa irỳ miakatra avy any an-taniefitra
mitehina amin’ny malalany?
Ny herin’ny fitiavana
(Ravehivavy)
Eo ambanin’ny hazo paoma
no amohazako anao,
fa toerana nahatorontoronina anao
sy toerana niterahan-dreninao anao.
6Ataovy eo ambonin’ny fonao aho
toy ny tombokasenao manokana;
ary tazony eo an-tsandrinao aho
toy ny vato voasokitra ho anao.
Fa mahery toy ny fahafatesana ny fitiavana,
tsy mifaditrovana toy ny toeran’ny maty
ny fitiavana mirehidrehitra.
Lelafo miredareda tokoa izy
ary mahery vaika toy ny varatra#8.6 ny varatra na hoe ny lelafon’ny Tompo..
7Na dia ny ranomasimbe aza
tsy mahafaty ny afon’ny fitiavana;
ary ny ranoben’ireo ony
tsy mahasarona azy ho rendrika.
Na dia misy aza olona hanome
ny fananany rehetra ao an-tranony
mba hividianana ny fitiavana,
dia ho afa-baràka fotsiny izy.
(Ireo anadahin-dravehivavy)
8Manana anabavy iray izahay,
saingy mbola kely tsy misy nono izy.
Hataonay ahoana ny anabavinay,
raha tonga ny andro hangatahana azy?
9Raha no manda fiarovana izy,
dia tilikambo volafotsy
no hatsanganay eo an-tampony;
Fa raha no varavara-mivoha izy,
dia bara hazofisaka sedera no hanidianay azy.
(Ravehivavy)
10Manda fiarovana aho;
ireo nonoko no toa tilikambo.
Eo imason’ny malalako aho
dia ilay hampiadam-pinaritra azy.
(Ralehilahy)
11Manan-tanimboaloboka iray
ao Bahala-Hamôna#8.11 Bahala-Hamôna: toerana tsy fantatra. i Salômôna;
nahofany tamin’ny mpiandry voly izany
ka sekela volafotsy arivo no sandany.
12Masi-mandidy amin’ny ahy aho,
dia ny tanimboaloboko izany;
ny sekela arivo kosa no anao, ry Salômôna,
ary ny sekela roanjato ho an’ireo mpiandry voly.
13Ry ilay tsaratarehiko
izay mitoetra ao an-jaridaina,
misy namako te hihaino ny feonao;
kanefa dia izaho ihany
no ampandreneso anao miteny hoe:
14«Mandosira, ry malalako;
ary aoka ianao ho mailamailaka
toy ny gazela na ny diera tanora
no manketỳ Ambohimanitra#8.14 Ambohimanitra na hoe an-tendrombohitry ny zava-manitra: enti-milaza ny tenan’ny ampakarina izany. Jereo 2.17 sy nta..»
Voafantina amin'izao fotoana izao:
Tononkiran'i Salômôna 8: DIEM
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Dikanteny Iombonana Eto Madagasikara © Malagasy Bible Society, 2004.