Salamo 82
82
SALAMO Andriamanitra no miantoka ny rariny ho an’ny rehetra
1 Salamo nataon’i Asafa.
Mijoro eo anivon’ny fivoriam-be Andriamanitra;
eo afovoan’ireo andriamanitra Izy
no mitsara ka miteny hoe:
2«Mandra-pahoviana no hanaovanareo fitsarà-mitanila
ka hanafahanareo foana ny olon-dratsy?
Fiatoana
3Omeo hitsiny ny mahantra sy ny kamboty,
omeo rariny ny ory sy ny fadiranovana;
4vonjeo ny mahantra sy ny malahelo,
ka afaho tsy ho voatanan’ny olon-dratsy.
5Tsy mahalala na mahazo an-tsaina velively ianareo;
ao anatin’ny haizim-paharatsiana no iraparapanareo,
ka voahozongozona avokoa ny fanorenan’ny tany.
6Andriamanitra ianareo#82.6 Izany fanambaràna izany dia tsiahivin’i Jesoa ao amin’ny Jôh 10.34., hoy Aho fahiny;
ankohonan’ilay Avo Indrindra ianareo rehetra.
7Kanefa ho faty toy ny olombelona ihany ianareo,
samy hiongana tahaka ireny manampahefana ireny.»
8Andriamanitra ô, mijoroa hitsara ny tany
fa Ianao no tompon’ny firenen-drehetra.
Voafantina amin'izao fotoana izao:
Salamo 82: DIEM
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Dikanteny Iombonana Eto Madagasikara © Malagasy Bible Society, 2004.