Salamo 6
6
SALAMO Aza melohinao aho, ry Tompo
1 Tao amin’ny tahirin-kiran’ny filohan’antoko-mpihira. Hampiarahina amin’ny valiha torifolo#6.1 valiha torifolo: jereo 1 Tan 15,21; Sal 12,1.. Salamo nataon’i Davida.
2TOMPO ô, tezitra amiko Ianao nefa aza faizina aho;
vinitra amiko Ianao nefa aza sazîna aho#6.2 Jereo Sal 38,2..
3TOMPO ô, iantrao aho fa reraka;
TOMPO ô, sitrano fa lany hery#6.3 lany hery: jereo Sal 32.3..
4Mangorohoro aoka izany aho;
fa Ianao kosa re, TOMPO ô,
aza mampiandry ahy ela loatra!
5TOMPO ô, miverena hanafaka ahy,
vonjeo aho noho ny fitiavanao.
6Fa ny maty tsy hahatsiaro Anao;
any amin’ny fonenany, tsy hisy hidera Anao.
7Trotraky ny sento aho; ka isan’alina
dia kotsan’ny tomaniko ny fandriako
ary vonton-dranomaso ny kidoroko.
8Jembin’ny alahelo tokoa ireto masoko,
efa pahina noho ny ataon’ny fahavaloko.
9Mialà amiko ianareo rehetra mpanao ratsy#6.9 Jereo Mt 7.23; Lk 13.27.,
satria efa ren’ny TOMPO ny fitomaniako.
10Eny, ren’ny TOMPO tokoa ny tarainako
ary noraisiny ny vavaka nataoko.
11Aoka ho menatra avokoa ny fahavaloko;
ho azon’ny horohoro izaitsizy anie ireo
ka hiverina ilalana, feno henatra tampoka!
Voafantina amin'izao fotoana izao:
Salamo 6: DIEM
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Dikanteny Iombonana Eto Madagasikara © Malagasy Bible Society, 2004.