Salamo 36:5-10

Ao am-pandriany no isainany ny heloka heveriny hatao; mikiribiby amin’ny fanao tsy mety izy ary tsy laviny akory ny ratsy. TOMPO ô, mahatakatra ny lanitra ny fitiavanao; mipaka eny amin’ny rahona ny toetranao mahatoky. Avo toy ireo tendrombohitra ny fahamarinanao; lalina toy ny ranomasina izany fitsarànao. TOMPO ô, samy vonjenao na olombelona na biby. Sarobidy loatra ny fitiavanao, Andriamanitra ô, ka mitady fialofana eo ambany elatrao ny olona; Fenoinao harena avy ao an-tranonao izy, ka diboka ny zava-tsoa mandriaka toy ny ony. Fa ao aminao ny loharanon’aina; ny fahazavanao no manazava anay.