Salamo 12
12
SALAMO Ny Tenin’ny Tompo eo anivon’ny fahalòvan’izao tontolo izao.
1 Tao amin’ny tahirin-kiran’ny filohan’antoko-mpihira. Hampiarahina amin’ny valiha torifolo#12.1 Jereo Sal 6.1 sy nta.. Salamo nataon’i Davida.
2Mba vonjeo re, TOMPO ô,
fa miharingana ny mpivavaka marina;
ary dia tsy misy intsony
ny olona azo itokiana.
3Lainga hatrany no ifampilazana:
ny teny mandoka fa ny fo tsy azo antoka.
4Hofoanan’ny TOMPO avokoa anie
ny mpandoka sy ireo avo vava,
5dia ireo izay manambara hoe:
«Ny filàzanay no handresenay lahatra;
hainay ny miteny, ka tsisy atahoranay!»
6Hoy kosa ny TOMPO hoe:
«Hirotsaka an-tsehatra Aho izao
noho ireo mahantra ampahorîna
sy ireo malahelo mitaraina;
hovonjeko ireo voavingavinga#12.6 ireo voavingavinga: jereo Sal 10.5..»
7 Madio ny tenin’ny TOMPO:
toa volafotsy voarendrika
tamin’ny memy anaty tany
ka voadio impito miantoana.
8TOMPO ô, mitana ny teninao Ianao
ka hiambina anay mandrakariva
tsy ho azon’ny karazan’olona toy izany,
9na dia mihaodihaody aminay aza
ireny ratsy fanahy ireny
ary na dia mihalò hatrany aza
ny toetran’ny olombelona.
Voafantina amin'izao fotoana izao:
Salamo 12: DIEM
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Dikanteny Iombonana Eto Madagasikara © Malagasy Bible Society, 2004.