Salamo 110
110
SALAMO Sady mpanjaka no mpisorona
1 Salamo nataon’i Davida.
Ny TOMPO Andriamanitra dia niteny hentitra
tamin’ny Mpanjaka Tompoko hoe:
«Mipetraha amin’ny sezafiandrianana eto ankavanako.
Izaho kosa hanao ny fahavalonao ho fitoeran-tongotrao#110.1 eto ankavanako: jereo Sal 16.11 sy nta. –fitoeran-tongotra: jereo Sal 99.5 sy nta; Sal 18.39 sy nta. –Ity and ity dia matetika voatsiahy ao amin’ny Test. V.: Mk 12.36; 14.62; 16.19; ary ao amin’ny and mirazotra raketin’ny Mt sy Lio; Asa 2.34-35; Rm 8.34; 1 Kôr 15.25; Ef 1.20; Kôl 3.1; Heb 1.3,13; 8.1; 10.12-13; 12.2..»
2Avy eo Tsiôna anie ny TOMPO Andriamanitra
no hanitatra ny fahefàm-pitondranao!
Enga anie hiharan’ny fanapahanao
eo anivon’ireo fahavalonao manodidina Anao!
3Miaramila voafantina no miaraka aminao
amin’ny andro amorianao ny tafikao.
Eny amin’ny tendrombohitra masina
no hanatona Anao ireo zatovolahinao
toy ny ando napoitran’ny mazavatsinanana.
4Nataon’ny TOMPO Andriamanitra taminao
sady tsy mba hiverenany intsony
izao tenim-pianianana izao:
«Ianao no Mpisorona mandrakizay
araka ny fomban’i Melkitsedèka#110.4 Melkitsedèka: jereo Gen 14.18; Heb 5.6,10; 6.20; 7.3,17.21..»
5Andriamanitra ô, efa eo ankavananao
ilay Tompo Mpanjaka;
dia mpanjaka maro no haripany
amin’ny andro fahatezerany.
6Hampiharany famaizana ireo firenena
ka hataony feno faty ny toeram-piadiana;
filoha maro no haripany manerana ny tany.
7Dia ny sakeli-drano ao an-dohasaha
no hisotroan’ity Mpanjaka eny an-dalana#110.7 Toa mampahatsiaro fanokanana mpanjaka izany: jereo 1 Mp 1,9.33-35..
Izany sy izany no hampitraka Azy ho mpandresy.
Voafantina amin'izao fotoana izao:
Salamo 110: DIEM
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Dikanteny Iombonana Eto Madagasikara © Malagasy Bible Society, 2004.