Ohabolana Sava lalana
Sava lalana
–Ity boky ity dia ahitana amboaran’ohabolana na fampianarana maromaro voaangona momba ny fahendrena, ka ny fitambarany dia apetraka eo ambany fahefàn’i Salômôna mpanjaka, ilay noheverina ho nanam-pahendrena ambony indrindra teo amin’i Israely.
Ny bokin’ny Ohabolana dia anisan’ny karazan-dahatsoratra niroborobo nanerana ny faritra Atsinanana Tranainy iny; nanan-danja tamin’izany toerana izany manko ny mampitapita ny traikefa azo isaky ny taranaka mifandimby. Ireo amboara voatambatra anatin’ity boky ity dia avy tamin’ny fotoana samy hafa. Azo sokajina ho fizaràna telo lehibe izany:
Ny fizaràna voalohany dia fitarihan-teny lava momba ny Ohabolana, ka miendrika famelabelarana mitohy anazavana ny andraikitra mavesa-danja tanan’ny fahendrena (toko 1–9). Imbetsaka ao no iheverana ny fahendrena ho toy ny olona; ary ao amin’ny pôezia tena kanto iray (8.12-31), dia izy mihitsy no mitonona ho mpiara-miasa amin’Andriamanitra.
Ny fizaràna faharoa no vontoatin’ny boky sady nanome azy ny lohateniny (toko 10–29). Amboaran’Ohabolan’i Salômôna no ao (10.1–22.16 sy 25.1–29.27), miampy amboara samihafa avy amin’olon-kendry hafa (22.17–24.23-34).
Ny fizaràna fahatelo (toko 30–31) dia ahitana ohabolana andiany efatra mahaleotena ka ny andiany roa no mampita amintsika ny eritreritra na torohevitry ny olon-kendry tsy israelita (30.1-14 sy 31.1-9).
Voafantina amin'izao fotoana izao:
Ohabolana Sava lalana: DIEM
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Dikanteny Iombonana Eto Madagasikara © Malagasy Bible Society, 2004.