Mikà 2
2
Ny amin’ireo mpanampatra fahefana
1Lozan’izay manoman-keloka,
sy mikasa hanao ratsy eo am-pandriany amin’ny alina;
ka nony maraina ny andro,
dia manatanteraka izany izy
satria misy hery eo am-pelatanany.
2Mitsiriritra saha izy, dia mangalatra izany;
na mitsiriritra trano, dia mahalasa azy;
alainy ankeriny na ny loham-pianakaviana
sy ny ankohonany
na ny olona mbamin’ny fananany.
3Koa izao no lazain’ny TOMPO:
«Indro Aho manomana loza
hamelezana ny karazan’olona toa anareo;
tsy ho azonareo ialana io loza io,
ka tsy handeha miandranandrana ianareo
satria andron’ny loza izany.»
4Amin’izany andro izany
no hanaovana oha-teny mandatsa anareo,
sy hiventesana hiran-toloko ka hilazana hoe:
«Levona tanteraka izahay!
Lasan’olon-kafa ny anjaran’ny firenenay!
Nahoana no nesorin’ny Tompo taminay ny taninay
ka zarainy ho an’ny mpanohitra anay#2.4 Levona... anay: maizimaizina ny hevitry ny RM amin’io and io ka manalasala ihany ny dkt.?»
5Noho izany, dia tsy hisy amin’ny taranakareo
hahazo zara tany
rehefa hatao indray ny fizaràna
eo amin’ny vahoakan’ny TOMPO#2.5 Noho... vahoakan’ny Tompo: toa hita taratra eto ny fizaràna ny tany isaky ny taona voafetra ao amin’ny ankohonana maromaro amin’ny tanàna iray..
Ny amin’ireo tsy manaiky ny tenin’ny mpaminany
6Hoy ny rediredin’ny sasany amiko:
«Aza be rediredy aminay intsony ianao!
Aoka izay ny rediredy toy ny hoe:
tsy hay sakanana ny fahafaham-baràka.
7Fa voaozona ve ny taranak’i Jakôba#2.7 Fa voaozona ve ny taranak’i Jakôba: tsy mazava ny RM eto; dkt hafa Dia ho azo lazaina ve izany, ry taranak’i Jakôba? ?
Malaky tezitra ve ny TOMPO?
Izany ve no fomba fanaony?»
Ny teniko dia feno halemem-panahy
amin’ireo miaina araka ny hitsiny;
8fa hoy kosa ny TOMPO aminareo:
«Nitsangan-ko fahavalon’ny vahoakako ianareo#2.8 fa... vahoakako ianareo: araka ny dkt tranainy; tsy mazava ny RM.;
ka ny lehilahy miverina avy any an’ady
sy mandalo tsy manana ahiahy
no endahanareo ny akanjobeny.
9Ny vehivavy eo amin’ny vahoakako
dia roahinareo hiala amin’ny trano tsy foiny;
esorinareo hiala mandrakizay amin-janany
ny hasambarana nomeko azy.
10Mitsangàna ka mialà,
fa tsy misy fitsaharana ho anareo intsony eto.
Satria ny fahalotoanareo hahatonga fandringanana,
dia fandringanana mahatsiravina.»
11Raha misy olona iray mpanao kobaka am-bava
sy mpamoron-dainga ka miteny hoe:
«Lazaiko aminareo fa divay sy toaka
no hatobaka ho anareo»,
dia izy no mpaminany mirediredy
mendrika an’ity vahoaka ity!
Hangonin’ny Tompo izay sisa velona amin’ny Israely
12Hoy ny Tompo hoe:
«Hangoniko tokoa ianareo rehetra,
ry taranak’i Jakôba;
hovorîko tokoa ianareo sisa velona
amin’ny Israely.
Hatambatro ho iray
tahaka ny ondry ao am-balany#2.12 taranak’i Jakôba, sisa velona amin’i Israely: ny Israelita rehetra, tavaratra sy tatsimo, no resahina eto. –tahaka ny ondry ao am-balany: rijan-teny heverina ho mitombina; dkt hafa tahaka ny ondrin’i Bôtserà. ianareo,
tahaka ny ondry andiany eny an-tsaha fiandrasana azy
no hisian’ny olona maro hifanaretsaka eto.»
13Miakatra eo alohanareo ny mpamaky lalana;
dia hamaky ny vavahady ianareo
ary hivoaka ny tanàna.
Izy TOMPO, mpanjakanareo,
no mandeha mitarika eo alohanareo.
Voafantina amin'izao fotoana izao:
Mikà 2: DIEM
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Dikanteny Iombonana Eto Madagasikara © Malagasy Bible Society, 2004.