Matio 19:23-29

Tamin’izay i Jesoa dia niteny tamin’ny mpianany hoe: –Lazaiko marina aminareo fa sarotra amin’ny mpanankarena ny hiditra ao amin’ny Fanjakàn’ny lanitra. Ary hoy koa Aho aminareo: moramora kokoa ny hidiran’ny rameva ao amin’ny vodifanjaikely noho ny hidiran’ny mpanankarena ao amin’ny Fanjakàn’Andriamanitra! Talanjona tokoa ny mpianatra raha nandre izany ka vaky vava hoe: –Iza àry no mety ho voavonjy? Fa nojeren’i Jesoa tsara ireto mpianany sady nataony hoe: –Raha amin’ny olombelona, dia zavatra tsy hainy izany; fa raha amin’Andriamanitra, dia hainy avokoa ny zavatra rehetra. Tamin’izay i Petera dia niteny tamin’i Jesoa hoe: –Indro izahay efa nahafoy ny zavatra rehetra, ary dia izao miaraka aminao izao; ka inona àry no ho azonay? Dia hoy i Jesoa tamin’ny mpianany: –Lazaiko marina aminareo fa rehefa hohavaozina tanteraka izao tontolo izao ka hipetraka eo amin’ny sezafiandrianany be voninahitra ny Zanak’olona, ianareo 12 lahy niaraka tamiko dia samy hipetraka amina sezafiandrianana mba hitsara ny foko 12 amin’i Israely. Ary izay rehetra mahafoy trano na mpiray tampo na ray aman-dreny na zanaka na tany noho ny fitiavana Ahy dia hahazo injato henin’izany ary hanana anjara amin’ny fiaina-maharitra mandrakizay.

Planina sy fampaherezam-panahy maimaim-poana mifandraika amin'ny Matio 19:23-29