Lioka 8:22-25

Indray andro, niondrana an-tsambokely i Jesoa mbamin’ny mpianany, ka hoy Izy tamin’ireo: –Andeha isika hankeny ampitan’ny farihy! Dia niainga Izy mianakavy. Teny am-pandehanana, dia azon’ny torimaso i Jesoa. Ary nisy tafio-drivotra niantonta teo amin’ny farihy ka nila ho feno rano ny sambokely ary efa am-bava loza izy ireo. Dia nohatonin’ny mpianany i Jesoa ary nofohaziny sady nataony hoe: –Mpampianatra ô, Mpampianatra ô, ho faty isika! Dia nifoha Izy ka niteny mafy ny rivotra sy ny onjan-drano; dia nitsahatra ireo ary nanjary tony tsara ny andro. Dia hoy i Jesoa tamin’ny mpianany: –Fa aiza ny finoanareo? Izy ireo koa raiki-tahotra sy gaga sady nifampilaza hoe: –Iza moa ity? Fa baikoiny hatramin’ny rivotra sy ny rano, dia manaiky Azy!

Planina sy fampaherezam-panahy maimaim-poana mifandraika amin'ny Lioka 8:22-25