Levitîka 5
5
f. Ohatra vitsivitsy momba ny ota vitan’ny olona
1«Raha misy olona mandre ny antso avo ataon’ny fampanoavana ho an’ireo vavolombelona ka ny tenany dia vavolombelona nahita na nahalala nefa tsy manambara, dia manota izy ary itambesaran’ny heloka#5.1 Ampit Ohab 29.24..
2«Raha misy olona mahakasika tsy nahy zavatra maloto, toy ny fatim-biby maloto rehetra na bibidia na biby fiompy na biby mandady, dia manjary voaloto izy ary meloka#5.2 Jereo 11.24-40..
3«Raha misy olona mahakasika tsy nahy olona maloto na inona na inona fahalotoana, ka mahafantatra izy avy eo, dia manjary meloka#5.3 Jereo Lev 12–15..
4«Raha misy olona manao vava latsaka mianiana hanao ratsy na hanao soa, na inona na inona vava latsaka nombàny fianianana, ka mahafantatra izy avy eo, dia manjary meloka#5.4 Ampit Sal 15.4; Nom 30.2-9. –Amin’ny faran’ity and ity, ny rijan-teny hebreo dia manampy teny anankiroa nindramina tamin’ny and manaraka..
5«Izay olona meloka tamin’ny anankiray amin’ireo karazan-javatra ireo, dia aoka izy hiaiky ampahibemaso ny zavatra nanotany. 6Ary hitondra fanonerana amin’ny TOMPO izy noho ny ota vitany, dia ondrivavy na osivavy mba ho sorona fanalana ny ota; dia hataon’ny mpisorona amin’ilay olona ny fombam-pivavahana famelana, noho ny ota vitany.
g. Ny sorona sy fanatitra sahaza ny mahantra
7«Raha tsy takatry ny fananan’ny olona kosa ny ondrivavy na osivavy iray, dia domohina roa na voromahailala roa no hoentiny amin’ny TOMPO ho fanonerana ny ota vitany ka ny anankiray ho sorona fanalana ny ota, ary ny anankiray kosa ho sorona dorana manontolo. 8Hoentin’ilay olona ireo vorona ireo ho eo amin’ny mpisorona. Ka ny hatolotry ny mpisorona aloha dia ilay sorona fanalana ny ota: hofolahiny amin’ny hoho ny lohany, eo akaikin’ny hatony, saingy tsy hataony tangarana; 9hamafazany eo amin’ny rindrin’ny alitara ny ran’ilay vorona, ary ny ra sisa dia hofiaziny eo am-pototr’io alitara io ihany: sorona fanalana ny ota izany. 10Ny vorona anankiray kosa dia sorona dorana manontolo araka ny fomba fanao; ary rehefa nataon’ny mpisorona tamin’ilay olona ny fombam-pivavahana famelana, dia voavela ny otany.
11«Raha tsy takatry ny fananan’ny olona indray ny domohina na voromahailala roa, dia koba lafarinina tsara, milanja telo kilao, no hoentiny ho fanatitra fanalana ny ota; tsy handrarahany menaka sady tsy hasiany vovoka zava-manitra izany#5.11 Ampit 2.1., satria fanatitra fanalana ny ota. 12Hoentin’ilay olona izany koba izany ho eo amin’ny mpisorona ka handraofan’ny mpisorona eran-tanana ila mba ho fanati-pahatsiarovana#5.12 Jereo 2.2 sy nta.; dia hodorany hanetona eo amin’ny alitara io fanati-pahatsiarovana io, miaraka amin’ny sorona levonina amin’ny afo ho an’ny TOMPO: fanatitra fanalana ny ota izany. 13Ary rehefa nataon’ny mpisorona tamin’ilay olona ny fombam-pivavahana famelana noho ny ota vitany momba ny anankiray amin’ireo lafin-javatra ireo, dia voavela ny otany.
«Araka ny fanao amin’ny fanatitra vokatry ny tany no hataon’ny mpisorona amin’izany#5.13 Araka...mpisorona: dkt hafa, araka ny dkt grika tranainy Septoazinta. Ny sisa dia ho anjaran’ny mpisorona, toy ny amin’ny fanatitra. .»
Ny sorom-panonerana
14Dia niteny tamin’i Mosesy ny TOMPO nanao hoe:
15«Raha misy olona manao fanazimbana ny zavatra voatokana ho an’ny TOMPO ka manota tsy nahy momba izany, dia hitondra sorom-panonerana amin’ny TOMPO izy, dia ondrilahy tsy misy kilema, tombanana sekela volafotsy vitsivitsy araka ny sekela fampiasa ao amin’ny Toeramasina: sorom-panonerana izany. 16Ny zavatra namonoany antoka ny Toeramasina dia honerany sady hampiany ny ampahadimin-tombany, ka homeny ny mpisorona. Ary rehefa voatolotry ny mpisorona ilay ondrilahy sorom-panonerana ka nataony tamin’ilay olona ny fombam-pivavahana famelana, dia voavela ny otany.
17«Raha misy olona manota satria manao tsy nahy ny anankiray amin’ny zavatra noraran’ny TOMPO, dia manjary manan-tsiny izy sady itambesaran’ota. 18Ondrilahy, tsy misy kilema, avy amin’ny andian’ondriny sady tombanana araka ny maha sorom-panonerana azy, no hoentiny ho eo amin’ny mpisorona. Ary rehefa nataon’ny mpisorona tamin’ilay olona ny fombam-pivavahana famelana noho ny ota tsy tandrina sady tsy nahy nahavoa azy, dia voavela ny otany. 19Sorom-panonerana izany, satria meloka tamin’ny TOMPO tokoa izy.»
20Dia niteny tamin’i Mosesy ny TOMPO nanao hoe#5.20 Amin’ny dkt sasantsasany, ny and 5.20-26 dia voalahatra ho 6.1-7.:
21«Mety misy olona manota ka diso tamin’ny TOMPO satria mandainga amin’ny namany momba ny zavatra nampitahirizina azy, na zavatra nindraminy, na zavatra nangalariny, na zavatra nalainy an-keriny, 22na zava-bery hitany, na koa manao fianianana tsy marina momba izay mety ho fahotana fanaon’ny olona. 23Noho izy nanota ka meloka, dia haveriny ny zavatra nangalariny na nalainy an-keriny, na nampitahirizany azy, na zava-bery hitany, 24na izay rehetra nanaovany fianianana tsy marina. Haveriny manontolo izany sady hampiany ny ampahadimin-tombany, ka homeny an’ilay tompon-javatra, vantany vao tsapany fa meloka izy. 25Ho sorom-panonerana amin’ny TOMPO, dia ondrilahy no hoentiny ho eo amin’ny mpisorona: ondrilahy tsy misy kilema, avy amin’ny andian’ondriny sady tombanana araka ny maha sorom-panonerana azy. 26Ary rehefa nataon’ny mpisorona teo anoloan’ny Toeramasin’ny TOMPO kosa ny fombam-pivavahana famelana, dia voavela ny otan’ilay olona na inona na inona hadisoana vitany#5.26 And 20-26: jereo Nom 5.5-8..»
Voafantina amin'izao fotoana izao:
Levitîka 5: DIEM
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Dikanteny Iombonana Eto Madagasikara © Malagasy Bible Society, 2004.