Levitîka 26
26
1«Aza manao andriamani-tsiizy, aza manangana sarin-tsampy voasokitra na manao tsangambaton-tsampy, aza manorina vato voaravaka hiankohofana eo amin’ny taninareo#26.1 Jereo 19.4 sy nta.; fa Izaho no TOMPO Andriamanitrareo.
2«Tandremo ny sabata nodidiako hitsaharana ary hajao ny Toeramasina onenako. Izaho no TOMPO.
Tsodrano amam-pitahiana
3«Raha manaraka ny lalànako ianareo ka imasoanareo hotanterahina ny didiko, 4dia homeko ny ranonorana sahaza anareo amin’ny fotoanandrony mba hahavokaran’ny tany ary hamoazan’ny hazo eny an-tsaha. 5Ho tratry ny fiotazam-boaloboka ny fivelezam-bary eo aminareo, ary ho tratry ny famafazana ny fiotazam-boaloboka; dia hihinana ianareo ka ho voky, ary handry feizay eo amin’ny taninareo#26.5 And 3-5: jereo Deot 11.13-15.. 6Hasiako fiadanana eo amin’ny tany, ka handry tsy hisy hanaitra ianareo; fa hofongorako ny biby masiaka eo amin’ny tany, ary tsy mba handalovan’ady intsony izy. 7Hataonareo mandositra ny fahavalonareo ka ho lavon-tsabatra eo anoloanareo; 8hampandositra zato ny dimy aminareo ary hampandositra iray alina ny zato aminareo ka ho lavon-tsabatra eo anoloanareo ireny. 9Hijery anareo am-pitiavana Aho ka hahamaro ny taranakareo sy hampitombo anareo ary hitazona ny fanekempihavanako aminareo. 10Ho be ny vokatra miakatra ka haharitra hihinananareo ny vokatra tranainy ary hisy sisa hatao varo-boba fotsiny aza mba hasiana ny vao. 11Hiorim-ponenana eo afovoanareo Aho ary tsy ho tofoka aminareo. 12Handeha miaraka aminareo Aho, ka Izaho ho Andriamanitrareo ary ianareo ho vahoakako#26.12 Jereo 2Kôr 6.16; Apôk 21.3.. 13Izaho no TOMPO Andriamanitrareo, Ilay namoaka anareo hiala tany Ejipta mba tsy hanandevozany anareo intsony; notapahiko ny zioga izay teo aminareo mba hitrakanareo fandeha.
Loza aman’antambo
14«Fa raha tàhiny tsy henoinareo kosa Aho, ka tsy tanterahinareo ireo didy rehetra ireo, 15raha hamavoinareo ny lalànako na halanareo ny fitsipiko, ka tsy tanterahinareo ny didiko rehetra fa ivadihanareo ny fanekempihavanako taminareo, 16dia izao no hataoko anareo: loza mampivarahontsana no halefako hamelezana anareo, dia areti-mahasaozanina sy tazo mahery izay mahalali-maso sy mandreraka aina anareo; ary hafafinareo foana ny voa famafinareo, fa ny fahavalonareo no hihinana azy. 17Dia hohandriniko ianareo ka ho resy eo anoloan’ny fahavalonareo; ireo mpankahala anareo no hanapaka anareo; ary handositra ianareo, na dia tsy misy mpanenjika aza.
18«Raha amin’izany no tsy henoinareo ihany Aho, dia mbola hofaiziko impito henin’izany ianareo noho ny fahotanareo. 19Horavako ny hery ireharehanareo, ka ny lanitra tandrifinareo hataoko mafy toy ny vy ary ny tany volenareo hataoko mafy toy ny varahina. 20Ho lany foana ny herinareo, fa tsy hahavokatra ny tany volenareo ary tsy hamoa ny hazo.
21«Raha mbola toherinareo ihany Aho ka tsy henoinareo, dia hokapohiko impito henin’izany koa ianareo araka ny fahotanareo. 22Halefako hamely anareo ny bibidia, ka hamono ny zanakareo sy handringana ny biby fiompinareo; ary hahavitsy isa anareo ireny ka ho tonga taniefitra ny lalambenareo.
23«Raha amin’izany no tsy raisinareo ny anatro fa mbola toherinareo ihany Aho, 24dia Izaho mihitsy kosa no hamely anareo ka hokapohiko impito henin’izany ianareo noho ny fahotanareo. 25Ady no harongatro hamelezana anareo, ho sazin’ny nivadihanareo ny fanekempihavanako. Ary rehefa tafangona hialoka ao anaty tanànanareo ianareo, dia handefasako areti-mandringana eo aminareo#26.25 Ny ady sy areti-mandringana (and 25) ary mosary (and 26) no kapoka telo mahabango ny loza mianjady amina tanàna atao fahirano; jereo Jer 21.7; Ezek 7.15. ary ho voatolotra eo an-tanan’ny fahavalo ianareo. 26Hotapahiko ny vary tohan’ainareo, ka lafaoro anankiray fanendasa-mofo ihany no hanendasan’ny vehivavy folo ny mofonareo; ary an-danjany kely dia kely no hizaràny azy, ka hihinana ianareo fa tsy ho voky.
27«Raha amin’izany no tsy henoinareo indray Aho fa mbola toherinareo ihany, 28dia hamely anareo amin’ny fahatezerako Aho; ka Izaho mihitsy no hitondra famaizana impito henin’izany noho ny fahotanareo. 29Ho mosarena ianareo ka hihinana ny nofon-janakalahy aman-janakavavinareo. 30Haharikoriko Ahy ianareo, ka horavako ny toerana anajànareo sampy, hazerako ny tsangambato anompoanareo ny masoandro, ary ny fatinareo hampifanongoaviko eo ambonin’ny sampy rava. 31Horavako ny tanànanareo, ka hataoko tonga lao ny trano fivavahanareo, ary tsy hankasitrahiko velively ny hanitry ny soronareo. 32Hataoko tonga lao ny taninareo ka ho talanjon’izany ireo fahavalonareo, dia ireo fahavalo hiorim-ponenana ao. 33Ianareo kosa, ady no hapoakako hamelezana anareo ka haeliko any amin’ny firenen-kafa ianareo; dia ho lao ny taninareo ary ho rava ny tanànanareo.
34«Amin’izany ny taninareo hahazo fitsaharana mandritra ny taona rehetra hahafoana azy rehefa any amin’ny tanin’ny fahavalonareo any ianareo; amin’izay tokoa ny taninareo no hiala sasatra ka hahazo fitsaharana#26.34 Raha tsy tandrovin’ny Israelita ireo fe-potoana tokony hahazoan’ny tany fialàn-tsasatra (25.4-5), dia horoahin’Andriamanitra teo amin’ilay tany nampanantenaina izy ireo ary hahazo fialàn-tsasatra fanonerana kosa ny tany.. 35Eny, mandritra ny taona rehetra hahafoana azy, dia hiala sasatra izy mba ho solon’izay fitsaharana tsy azony, fony ianareo mbola nonina teo aminy.
36«Izay sisa velona aminareo, any amin’ny tanin’ny fahavalony any, dia hampidirako fahareraham-po ka na ny fipikan’ny ravinkazo anankiray paohin-drivotra aza dia hampandositra azy; handositra ireo toy ny mandositra fahavalo mitan-tsabatra, ary ho lavo ireo na dia tsy misy mpanenjika aza. 37Ho lavo mifanindry ireo toy ny rehefa mandositra fahavalo mitan-tsabatra, na dia tsy misy mpanenjika aza, koa tsy hahatoha ny fahavalony akory. 38Ho lany ringana any amin’ny firenen-kafa ireo, ka ho lanin’ny tanin’ny fahavalony ihany. 39Noho ny heloka vitany sy ny heloka vitan’ny razany, ireo sisa velona aminareo dia ho levona any amin’ny tanin’ny fahavalony any.
Hotsarovan’Andriamanitra ny fanekempihavanany
40«Kanefa ireo sisa velona aminareo kosa hiaiky ny heloka vitany sy ny heloka vitan’ny razany, dia ny fahadisoana nataony tamiko; eny, hiaiky ireo fa noho ny fanoherany Ahy 41no nanoherako azy sy nandefasako azy ho any amin’ny tanin’ny fahavalony. Noho ny fony tsy voatokana ho Ahy, dia hietry tena ireo ka hanefa ny sazin’ny heloka nataony. 42Amin’izay no hahatsiarovako ny fanekempihavanako tamin-dry i Jakôba sy i Itsehàka ary i Abrahama razambeny sady hahatsiarovako ny fampanantenana momba ilay taniny#26.42 Jereo Gen 12.7;17.7-8; 26.3-4; 28.13-14.. 43Ilay tany, izay nilaozan’ireo Israelita, dia hahazo fitsaharana mandritra ny fotoana hahafoana azy; fa hanefa ny sazin’ny heloka vitany kosa ireo Israelita, satria nandà ny fitsipiko ary nankahala ny lalànako. 44Kanefa, na amin’izany fotoana itoerany any amin’ny tanin’ny fahavalony any izany aza, dia tsy holaviko tanteraka izy ary tsy ho halako hataoko lany ringana na ho halako hanapahako ny fanekempihavanako taminy, satria Izaho no TOMPO Andriamaniny. 45Eny, hotsarovako hanasoavana azy ny fanekempihavanana nataoko tamin’ny razany, izay navoakako hiala tany Ejipta teo imason’ny firenen-kafa mba hahatonga Ahy ho Andriamaniny. Izaho no TOMPO.»
46Ireo no lalàna sy fitsipika ary fampianarana izay ifampitondran’ny TOMPO amin’ny Israelita, ka nomen’ny TOMPO azy tamin’ny alalan’i Mosesy tany an-tendrombohitra Sinay.
Voafantina amin'izao fotoana izao:
Levitîka 26: DIEM
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Dikanteny Iombonana Eto Madagasikara © Malagasy Bible Society, 2004.