Isaià 52
52
Mifohaza, ry Jerosalema
1Mifohaza ianao, ry Tsiôna ô,
mifohaza ka tafio indray ny herinao;
tafio indray ny fitafianao tsara tarehy,
ry Jerosalema tanàna masina!
Satria tsy hiditra ao aminao intsony ny tsy mifora
sy ny olona maloto ara-pivavahana#52.1 Ampit Apôk 21.2, 27..
2Ahintsano ny vovoka nandrakotra anao, ka mitsangàna;
dia aoka ho amin’ny sezafiandriananao indray
no hipetrahanao, ry Jerosalema ô!
Ny fatorana mangeja ny tendanao
dia aoka hovahanao, ry Tsiôna babo!
3Fa izao no lazain’ny TOMPO amin’ny vahoakany: «Maimaim-poana no nanolorana anareo handevozina, ka tsy handaniana vola ny hanavotana anareo.» 4Izao koa no lazain’ny Tompo ANDRIANANAHARY: «Tamin’ny voalohany dia nidina tany Ejipta ny vahoakako mba hivahiny; avy teo dia ny Asirianina no nampahory azy tsy amin’antony. 5Ary amin’izao toe-javatra ankehitriny eto izao, inona no tombony azoko?» Ka hoy ny teny hentitry ny TOMPO hoe: «Natao babo maimaimpoana ny vahoakako. Mirehaka manakora ny mpanjakazaka mampahory azy; ary hamavoina isan’andro ny anarako#52.5 Ity andalana farany ity dia voatsiahy ao amin’ny Rm 2.24 araka ny dkt tranainy grika.. 6Noho izany, dia ho avy ny andro hahalalan’ny vahoakako ny anarako; ka amin’izay no hahafantarany fa Izaho mihitsy no Ilay miteny hoe: Inty Aho.»
Ny fiverenan’ny Tompo ao Jerosalema
7Endrey tsara tokoa erỳ an-tendrombohitra
ny famindran’ilay mpitondra hafatra#52.7 Ampit Na 2.1; Ef 6.15. –Ny fiandohan’ny and 7 dia voatsiahy ao amin’ny Rm 10.15.,
izay manambara fiadanana
sy mampita hafatra mahasambatra
ary manambara famonjena
ka manao amin’i Tsiôna hoe:
«Mpanjaka ny Andriamanitrao.»
8Injany ny feon’ireo napetrakao ho mpitily!
Manandra-peo izy ka miara-mihorakoraka-pifaliana,
satria mahita maso ny fiverenan’ny TOMPO ao Tsiôna.
9Manaova horakora-pifaliana
ka redòny ny hiram-pihobiana,
ry toerana rava ao Jerosalema,
satria efa nampahery ny vahoakany ny TOMPO
sady efa nanavotra an’i Jerosalema!
10Nahariharin’ny TOMPO
teo imason’ny firenen-kafa rehetra
ny hery maneho ny fahamasinany
ka hahita ny famonjen’Andriamanitsika
ny vazan-tany rehetra.
Ilaozy i Babilôna.
11Mialà ianareo mpitondra ny fanaky ny TOMPO,
mialà, mivoaha avy ao Babilôna.
Aza mikasika izay maloto#52.11 And voatsiahy ao amin’ny 2Kôr 6.17 araka ny dkt tranainy grika.,
fa aoka hadio ianareo no mivoaka tao!
12Satria tsy hikoropaka ianareo
raha miainga hivoaka ny tanàna,
ary tsy hihorohoro raha miala teto;
fa ny TOMPO no hialoha lalana anareo
ary ny Andriamanitr’i Israely no ho vodilalanareo.
Ilay Mpanompon’ny Tompo
(tononkira fahefatra)
13Indro fa hahomby ny Mpanompoko;
hisandratra ho avo izy ka hapetraka
eo amin’ny toeram-boninahitra ambony indrindra.
14Maro be ny olona no tsiravina raha nijery azy
satria niova loatra ny endriny
ka tsy toy ny endrik’olona akory;
ary ny tarehiny tsy toy ny tarehin’olombelona intsony.
15Firenen-kafa maro kosa no ho talanjona ny aminy;
ka hitampim-bava eo anatrehany aza ireo mpanjaka,
satria izay tsy mbola notantaraina taminy no hitany
ary izay tsy mbola reny akory no saintsaininy#52.15 Ny faran’ny and 15 dia tsiahivina ao amin’ny Rm 15.21 araka ny dkt tranainy grika..
Voafantina amin'izao fotoana izao:
Isaià 52: DIEM
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Dikanteny Iombonana Eto Madagasikara © Malagasy Bible Society, 2004.