Isaià 21
21
Ny faharavàn’i Babilôna
1Hafatra momba ny taniefitra amoron-dranomasina.
Tahaka ny tadio mamakivaky an’i Negeba#21.1 Ny taniefitra amoron-dranomasina dia toa enti-manondro an’i Babilônia. –Negeba: faritra ngazana, efa somary taniefitra, ao atsimon’i Palestinina.
no fiavin’ny fahavalo avy any an-taniefitra,
avy any amin’ny tany anankiray mahatahotra.
2–Misy fahitana mahatsiravina
naseho tamiko ny amin’izany.
Lasa mpamadika fatra-pamadika
sy mpandrava fatra-pandrava tokoa
ny firenena sakaiza fahiny.
«Miakara hanafika, ry Helamita;
ataovy fahirano ny tanàna, ry Medianina,
fa hatsahatro ny fampihorohoroana rehetra nafitsony#21.2 Helamita, Medianina: mponina niaina tamin’ny faritr’i Iran ankehitriny. –ny fampihorohoroana rehetra nafitsony: ampit 13.11; Ezek 7.24.,
hoy ny Tompo.»
3Izany no nahafeno fanaintainana
ny tehezako manontolo.
Nahatsiaro naharary aho
toy ny fahararin’ny vehivavy mihetsi-jaza;
taitra mafy aho nony nandre izany,
raiki-tahotra aho nony nahita.
4Very hevitra aho
ary nangovitra noho ny tahotra;
nandrasako ny hariva hampangatsiatsiaka ahy,
kanjo nivadika ho fampihorohoroana ahy izany.
5Naroso ny sakafo, navelatra ny lambanana,
dia nihinana sy nisotro ny olona.
Kanjo vetivety teo nisy niantso hoe:
«Mitsangàna, ry mpitari-tafika,
hosory menaka ny ampinga#21.5 hosory menaka ny ampinga: jereo 2 Sam 1.21.; hosora-menaka ny ampinga mba hikorisa fotsiny eo ny zana-tsipîka fa tsy hitsatoka hilentika.!»
6Fa izao tokoa no nolazain’ny Tompo tamiko:
«Ndeha mametraka mpitily ianao,
ka aoka io no hanambara izay hitany!
7Raha kalesy tarihin-tsoavaly no tazany
na koa boriky na rameva manao andiany,
dia tokony ho mailo izy,
eny, tokony ho mailo tsara.»
8Teo dia niantso ilay mpitily nanao hoe:
«Teo amin’ny toeram-piambenako, tompoko,
no nijanonako tontolo andro,
ary teo amin’ny toeram-pitiliako
no nijoroako nandritra ny alina.
9Ka indro erỳ tamy ny lehilahy iray
mitaingin-kalesy tarihin-tsoavaly
sady niloa-bava niteny hoe:
Rava, rava i Babilôna!
Torotoro miraraka amin’ny tany avokoa
ny sarivongan’ny andriamaniny rehetra#21.9 Rava i Babilôna: jereo Apôk 14.8; 18.2.!»
10Ry fireneko, izay voavely
toy ny vary eo am-pamoloana,
izany no reko tamin’ny TOMPOn’izao rehetra izao,
dia ilay Andriamanitr’i Israely,
ka ampahafantariko anareo.
Toy inona alina izao?
11Hafatra momba an’i Domà.
Nisy niantso ahy avy ao Sehîra#21.11 Domà: toerana misy rano sy kirihitr’ala na vondron-javamaniry, any Arabia avaratra, eo atsinanan’ny tanin’ny Edômita. –Sehîra: faritra afovoany eo amin’ny tanin’ny Edômita, ka andalovan’ny lalana avy any Jerosalema ho any Domà. hoe:
«Ry mpiambina ô, toy inona alina moa izao?
Ry mpiambina ô, toy inona alina moa izao?»
12Dia namaly ny mpiambina hoe:
«Tonga ny maraina nefa mbola alina ihany!
Raha mbola te hanontany ianareo,
dia miverena indray.»
Ny mpandositra avy any Dedàna sy Kedara
13Hafatra milohateny hoe «Eo an-tany lavavolo».
Any an-kirihitr’ala, eo an-tany lavavolo,
no aoka handrianareo amin’ny alina,
ry andian’olona avy any Dedàna!
14Ianareo mponin’ny faritr’i Temà#21.13 Dedàna (and 13), Temà (and 14): toerana misy rano sy kirihitr’ala na vondron-javamaniry any Arabia avaratra andrefana. –Ny amin’ireo mponina ao Arabia, dia jereo Jer 49.28-32.,
ndeha tsenao ireo mangetaheta
ka itondray rano,
ndeha atreho ireo mpandositra
ka omeo hanina.
15Fa nandositra teo anoloan’ny sabatra ireny,
teo anoloan’ny sabatra tsy nitsitsitsitsy
sy teo anoloan’ny tsipîka nihenjana
ary teo anoloan’ny ady mahery vaika.
16Fa izao no voalazan’ny Tompo tamiko: «Amin’ny herintaona toy izao anio izao, dia ho levona avokoa ny voninahitr’i Kedara#21.16 Kedara; anarana faritra sady foko any Arabia avaratra.. 17Ho vitsy kely sisa no tavela amin’ireo mpandefa tsipîka sy ireo miaramila voafantin’i Kedara.» Izany no tenin’ny TOMPO Andriamanitr’i Israely.
Voafantina amin'izao fotoana izao:
Isaià 21: DIEM
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Dikanteny Iombonana Eto Madagasikara © Malagasy Bible Society, 2004.