Isaià 11
11
Ilay mpanjakan’ny fiadanana sy ny fanjakany
1Misy rantsana misandrahaka avy amin’ny fototr’i Jisay#11.1 Jisay: rain’i Davida (1 Sam 16.18-19); jereo Apôk 5.5; 22.16.;
misy solofo mipoitra avy amin’ny fakany.
2Ny Fanahin’ny TOMPO no mitoetra eo aminy,
dia Fanahy manome fahendrena sy fahaiza-manavaka
Fanahy mahay mamolavola sy manatanteraka,
Fanahy ahalalana sy anajana ny TOMPO;
3ary io no hanoro azy ny fanajana ny TOMPO.
Tsy hitsara araka ny ivelany fotsiny izy
na hanapaka araka izay ren’ny sofiny,
4fa hitsara ny malahelo ara-drariny
ary hamoaka didy araka ny hitsiny
ho an’ny mahantra eo amin’ny tany.
Ny teniny no toy ny tsorakazo
hikapohany ny tany
ary ny fofonain’ny vavany
no hamonoany ny olon-dratsy#11.4 Jereo 2Tes 2.8..
5Ny rariny no ho fisikinany
ary ny toetra hentitra no ho fehikibony#11.5 Jereo Ef 6.4..
6Koa ny amboadia hiara-mipetraka amin’ny zanak’ondry,
ny leôparda hiara-mandry amin’ny zanak’osy;
ny zanak’omby sy ny liona tanora hiara-mihinana
ka zazalahy kely no hitarika azy.
7Ny ombivavy sy ny orsavavy hiara-miraoka;
ary ny zanak’izy ireo hiara-matory.
Hihinam-bilona toy ny omby ny liona.
8Ny zaza mbola minono
hilalao eo an-davaky ny bibilava;
ary ny zaza misara-nono
hanatsofoka ny tanany
ao an-davaky ny menarana.
9Tsy hisy hanimba na handratra
manerana ny tendrombohitra masina,
satria ny fahalalana ny TOMPO
no hanenika izany tany izany
tahaka ny anaronan’ny rano
ny fanambanin’ny ranomasina#11.9 And 6-9: jereo Is 65.25. –And 9: jereo Hab 2.14..
10Amin’izany andro izany ny solofon’i Jisay
dia hatsangana ho fanevan’ny firenena rehetra;
ka hitady azy ny firenen-kafa#11.10 Jereo Rm 5.12.,
ary hanjary be voninahitra ny fonenany.
Ny fiverenan’ireo voasesitany
11Amin’izany andro izany ny Tompo
dia haninjitra ny tanany indray#11.11 Haninjitra ny tanany indray ny Tompo tahaka ny efa nataony fahiny tamin’ny fampialana ny Israelita tany Ejipta.
mba hanavotra izay sisa velona amin’ny vahoakany,
dia izay sisa velona avy any Asiria,
avy any Ejipta ambany sy ambony ary avy any Etiôpia,
avy any Helama sy Babilônia ary avy any Hamata
na avy amin’ireo tany amoron-dranomasina.
12Hanangana faneva ny Tompo
mba hahafantaran’ny hafa firenena
fa hamory ireo sesitany tamin’i Israely Izy
ary hanangona ireo niely patrana tamin’i Joda
avy any amin’ny vazan-tany efatra.
13Hitsahatra ny fialonan’i Efraîma
ary ho foana ny fankahalàn’i Joda:
i Efraîma tsy hialona an’i Joda intsony
ary i Joda tsy hankahala an’i Efraîma intsony#11.13 I Efraîma (jereo 7.2 sy nta) dia matetika ao amin’ny Test.Tal. no anondroana ny fanjakan’i Israely na ny fanjakana Avaratra..
14Dia hiara-kirohotra hiankandrefana
eny amin’ny havoan’ny Filistinina izy roa tonta
ary handeha hiantsinanana
handroba ny foko any an-taniefitra,
ka hanitatra ny fahefàny amin’i Edôma sy i Môaba
ary hametraka ny Hamônita ho eo ambany fifehezany#11.14 Ny Edômita sy ny Môabita ary ny Hamônita dia firenena mifanila amin’i Israely ary nampaneken’i Davida fahizany (jereo 2 Sam 8.12)..
15Handritra ny helo-dranomasin’i Ejipta ny TOMPO;
haninji-tanana handrahona ny ony Eofrata Izy,
ka ny rivo-mahery avy aminy no hizaràny azy
hisampantsampana ho sakeli-drano fito
izay ho azo diavin-tongotra#11.15 ny rivo-mahery avy aminy: misy fahatsiahivana ny Eks 14.21; 15.8. –izay ho azo...kapa: jereo Eks 14.22,29; Apôk 16.12. tsy miala kapa.
16Hisy lalana ho an’ny sisa velona amin’ny vahoakany,
dia izay sisa velona avy any Asiria,
tahaka izay niseho fahiny tamin’i Israely
fony izy niakatra avy tany Ejipta.
Voafantina amin'izao fotoana izao:
Isaià 11: DIEM
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Dikanteny Iombonana Eto Madagasikara © Malagasy Bible Society, 2004.