Hôsea 7
7
1ka te hanasitrana an’i Israely,
dia miseho amiko ny heloky ny Efraîmita
sy ny haratsian’ny olon’i Samaria.
Fa manao fisolokiana ireo;
miditra an-trano ny mpangalatra,
manendaka an-dalambe ny jiolahy#7.1 Jereo 4.17 sy nta..
2Ary tsy mba misy mieritreritra
fa tsaroako avokoa ny haratsiany.
Ankehitriny mangeja azy
ny asa ratsy fanaony,
ka mby eo anatrehako izany.
3Manafim-paharatsiana sy fiokoana izy
no mamalifaly ny mpanjaka sy ny mpifehy#7.3 Jereo ohatra 1 Mp 16.9-10..
4Samy mpanitsakitsa-bady avokoa izy,
ka toy ny lafaoro voafana loatra
izay tsy soronan’ny mpanendy mofo intsony
hatramin’ny namolavolany ny koba
ka mandra-pibontsiny#7.4 Ny sary ao an-tsain’i Hôsea eto dia tsy amin’ny heviny ara-pivavahana fa ara-pôlitika (jereo 2.4 sy nta.).
5Amin’ny andro fankalazana
ny fetin’ny mpanjakany#7.5 Ny fetin’ny mpanjaka dia ny tsingerin-taonan’ny fanandratana azy ho mpanjaka.
dia ny herin’ny divay
no mamparary ireo mpifehy;
ka olona mpaniratsira
no raisin’ny mpanjaka tanana,
6rehefa manatona azy ny mpifehy.
Tahaka ny lafaoro tokoa
ny fo feno fitaka ananan’ireo:
mandritra ny alina
dia matory ny fahatezerany;
ary nony maraina dia mirehitra
tahaka ny afo midedadeda.
7Mahamay toa lafaoro izy rehetra
ka mandringana ireo filohany.
Lavo avokoa ireo mpanjakany,
nefa tsy mba nisy niantso Ahy akory.
8«Miharoharo amin’ny firenen-kafa i Efraîma
ka toy ny endi-mofo tsy voavadika.
9Tsentsefin’ny vahiny ny heriny
nefa tsy fantany akory izany;
ary mihafotsy ny volon-dohany,
nefa tsy fantany akory izany.
10Vavolombelona manameloka azy
ny avonavon’i Israely.
Kanefa izy tsy niverina
tamiko TOMPO Andriamaniny;
ary, na teo aza izany rehetra izany,
dia tsy mba nitady Ahy izy.
11I Efraîma dia tahaka ny domohina
izay adaladala sady tsy manan-tsaina;
miantso an’i Ejipta izy,
ary mankany Asiria.
12Iny izy mankany iny kosa
no velariko aminy ny haratoko,
ka ataoko izay hilatsahany ao
toy ny voromanidina;
avy eo dia faiziko izy
araka ny zavatra ratsy nataony.
13«Lozan’ireo olon’i Efraîma,
satria nandositra Ahy izy.
Faharavana no eo aminy,
satria nikomy tamiko izy!
Ny tenako dia te hanavotra azy;
fa izy kosa milaza lainga,
isaky ny miteny momba Ahy.
14Tsy mba vokatry ny fony
no iantsoany vonjy amiko;
fa mitoloko eo am-pandriany izy,
ary mandidy tena#7.14 Jereo Jer 41.5 sy nta. mba hahazoana
vary sy divay vaovao;
fanoherana Ahy no ialany amiko.
15Izaho no nanazatra
sy nampatanjaka ny sandriny;
nefa izy kosa ny amiko
dia nisaintsain-dratsy hatrany.
16Raha misy ny fiverenany,
dia tsy ho amiko ilay Avo izany;
fa mandiso fanantenana
tahaka ny tsipîka ketraka izy.
Ho lavon-tsabatra ny mpifehy azy
noho ny fitsaontsaom-bavany;
izany no handatsana azy any Ejipta!
Voafantina amin'izao fotoana izao:
Hôsea 7: DIEM
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Dikanteny Iombonana Eto Madagasikara © Malagasy Bible Society, 2004.