Hôsea 6
6
1Hoy ianareo roa tonta hoe:
«Ndeha hiverina amin’ny TOMPO isika;
fa Izy no nahatonga ny ratrantsika,
nefa Izy ihany no hahasitrana antsika.
Izy no nikapoka antsika
nefa Izy no hitsabo ny ferintsika.
2Rehefa afaka roa andro,
dia hovelominy indray isika;
amin’ny andro fahatelo
dia hatsangany indray isika
ho velona eo anatrehany.
3Amin’izay aoka hiaiky ny TOMPO isika;
eny, aoka hiezaka hiaiky Azy isika!
Azo antoka toy ny mazava atsinanana
ny firotsahany hanao izany.
Fa toy ny oram-baratra no hiaviany amintsika,
dia toy ny oran-dohataona manamando tany.»
4Ny TOMPO kosa mamaly anareo hoe:
«Inona no hataoko aminao, ry Efraîma?
Inona no hataoko aminao, ry Joda?
Fa ny fitiavanareo Ahy
dia toy ny zavona maraina
na tahaka ny ranon’ando
izay levona vetivety!
5Koa ny hafatr’ireo mpaminany
no ikapohako anareo;
ny vavako no milaza
fa entiko hovonoina ianareo.
Ary ny didim-pitsarako ny aminareo
dia hipoitra tahaka ny hazavan’ny andro.
6Fitiavana no sitrako fa tsy sorona#6.6 Andininy ataon’i Jesoa tonon-tsiahy ao amin’ny Mt 9.13; 12.7.;
ary ny fiekena Ahy ho Andriamanitra
dia tiako noho ny sorona dorana manontolo.»
Zava-mahatsiravina tao Israely
7Tao Adama#6.7 Adama dia heverina ho anaran-toerana iray eto (jereo Jos 3.16). kosa ianareo
no nandika ny fanekempihavanana
tao ianareo no namadika Ahy.
8I Gilehada#6.8 Gilehada: tanàna any an-dafy atsinanan’i Jôrdàna (jereo 2 Mp 15.25). dia tanànan’ny mpanao ratsy,
izay mamela dian-dra amin’ny falehany.
9Tahaka ny jiolahy manotrika
no ataon’ny andia-mpisorona
ka amonoany olona ho faty
eny an-dalana mankany Sekema#6.9 Sekema: foibe tranainy ara-pivavahana ho an’ny foko israelita 12 (jereo Jos 24.1) sady tanàna fialofana (Jos 20.1-7).;
zava-mahatsiravina afitsony!
10Zava-maharikoriko no hitako
tao amin’ny fanjakan’i Israely.
Ny fivarotan-tenan’i Efraîma#6.10 Jereo 1.2; 2-4; 4.17 sy nta. no ao
ka mahaloto an’i Israely.
11Ny aminao koa, ry Joda,
dia efa voatendry ny fijinjana anao#6.11 Ampit Jer 51.33..
Korontana sy loza mananontanona
Rehefa Izaho TOMPO kosa
hanarina indray ny vahoakako
Voafantina amin'izao fotoana izao:
Hôsea 6: DIEM
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Dikanteny Iombonana Eto Madagasikara © Malagasy Bible Society, 2004.