Hôsea 11
11
Ny fitiavan’Andriamanitra diso fanantenana nefa mandresy
1«Fony mbola tanora i Israely,
dia notiaviko, hoy Izaho Tompo;
ary zanako izy ka nantsoiko hiala tany Ejipta#11.1 Jereo Eks 4.22; Mt 2.15..»
2Nefa arakaraka ny niantsoako azy
no vao mainka nanalavirany Ahy#11.2 arakaraka... nanalavirany Ahy: araka ny dkt grika tranainy; hebreo: nanalavitra ireo izay niantso azy izy..
Nanatitra sorona ho an’i Bahala izy
ary nandoro vovo-javamanitra ho an’ny sampy.
3Izaho no nampiana-mandeha an’i Efraîma
sady nitondra azy an-trotroana.
Kanefa tsy fantany
fa Izaho no nikarakara azy.
4Notahitahîko ny fitarihana azy
tamin’ny mahazakam-pitiavana;
ary ho azy Aho dia toy ny reny
izay manainga ny zanany
hatehika amin’ny takolaka
sady niondrika namahana azy.
5«Tsy hiverina any Ejipta
ny vahoakan’i Israely;
fa i Asiria kosa no hanjaka aminy,
satria tsy nety niverina tamiko izy.
6Hisy ady mafotaka ao an-tanànany,
ka handrava ny fiarovany
ary hahatonga fandripadripahana;
izany no vokatry ny pôlitikan’i Israely.
7Minia miodina amiko ny vahoakako;
ary antsoina mba hanatona Ahy ilay Avo izy
fa tsy misy mety miainga izy rehetra.
8«Hataoko ahoana anefa
no hahafoy anao, ry Efraîma,
na hamadika anao, ry Israely?
Hataoko ahoana koa no hahafoy anao
ho tahaka an’i Admà sy i Tsebôima#11.8 i Admà sy i Tsebôima: tanàna roa teo akaikin’i Sôdôma sy Gômôra (jereo Deot 29.22) ary niara-devona taminy (jereo Gen 19.23-28).?
Onena anao ny foko ato amiko
fa indray miontana ny fitiavako.
9Tsy hanampatra fahatezera-mirehitra Aho
na ho avy handringana an’i Efraîma;
tsy olombelona Aho fa Andriamanitra
dia Ilay Masina eo aminao;
ka tsy ho avy amim-pahatezerana mafy Aho.»
10Ny TOMPO Izay hierona tahaka ny liona
no harahin’ireo voasesitany hody.
Ary rehefa mierona ny TOMPO,
dia ireo zanany no hihazakazaka hanatona
avy any ampitan-dranomasina any.
11Avy any Ejipta koa izy
no hanatona amin-kovitra toa voronkely,
ary avy any Asiria
no hanatona amin-kovitra toa domohina;
ka dia hoentiko miverina
any an-tranony indray izy.
Izaho TOMPO no manao izany teny hentitra izany.
Voafantina amin'izao fotoana izao:
Hôsea 11: DIEM
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Dikanteny Iombonana Eto Madagasikara © Malagasy Bible Society, 2004.