Hôsea 10
10
Ny fitsaran’Andriamanitra an’i Israely
1Voaloboka misandrahaka
sady namoa tsara i Israely.
Arakaraka ny hamaron’ny voany
no nanamaroany ny alitarany;
arakaraka ny nandrosoan’ny taniny
no nanaovany tsangambaton-tsampy#10.1 Miaraka amin’ny alitara sy ny tsatokazo ho an’i Aserà, ny tsangambaton-tsampy dia anisan’ny fitaovana ampiasainy amin’ny fivavahana kanahanita; jereo Deot 16.22; 2 Mp 17.10-11; 23.14.
tsara tarehy kokoa hatrany.
2Feno fitaka ny fony,
ka hianjady amin’ireo olona ireo
ny vesatry ny heloka vitany.
Izy TOMPO mihitsy
no hamotika ny alitaran’ireo
sy handrava ny tsangambaton-tsampiny.
3Ankehitriny hiteny ireo hoe:
«Tsy mana-mpanjaka izahay
noho ny tsy nanajanay ny TOMPO.
Sady soa inona ho anay moa
no ho vitan’izay mpanjaka?»
4Miteniteny foana izy
no mianian-tsy tò
sady manao fifanekena,
ka ny rariny dia nitrebona
toy ny zava-maniry misy poizina
eny an-tsaha voaasa eny.
5Ny mponin’i Samaria dia manaja
ilay sarin’ombilahikely
izay ao Bety-Avena,
satria misaona azy ny vahoakany
mbamin’ireo mihambo ho mpisorony#10.5 Samaria: jereo 8.5 sy nta. –Momba ilay ombilahikely volamena napetraka tao Betela dia jereo 8.5 sy nta. –Bety-Avena: jereo 4.15; 5.8, sy nta Ham 5.5. –misaona azy: ny fanajana an’i Bahala* dia misy fanompoam-pivavahana fisaonana. Tahaka ny voaary ihany i Bahala ka noheverina fa maty ary velona indray araka ny fivadibadihan’ny fizaran-taona. Ho an’i Hôsea mpaminany, ireny fombam-pivavahana fisaonana an’i Bahala ireny dia fambara sahady ny fisaonana hataon’ny vahoaka rehefa hoentina any Asiria ilay ombilahikely volamena..
Ny voninahitr’ilay ombilahikely anie
no aoka hiravoravoany,
amin’izao izy lasa babo
ho lavitra antsika izao!
6Satria io ombilahikely io koa
dia hoentina any Asiria ho fanomezana
ho an’ilay Mpanjaka lehibe;
hahafa-baràka an’i Efraîma izany;
eny, hangaihay i Israely
noho ny sain-dratsiny.
7Vita hatreo ny amin’i Samaria,
fa ny mpanjakany dia toa sila-kazo
mitsingevaheva eny ambonin’ny rano.
8Ho rava ireo toeram-panasinana:
izany no hadisoana sy fahotan’i Israely.
Songosongo aman-tsilo
no handadina ny alitarany.
Amin’izay no hitenenana hoe:
«Ry tendrombohitra, saròny izahay!»
«Ry havoana, mianjerà aminay#10.8 Ampit Lk 23.30; jereo koa Apôk 6.16.».
Izay nafafin’i Israely no hojinjainy
9Hatramin’ny andron’ilay raharaha
izay niseho tao Gibehà
no efa nanota i Israely,
ary tsy niova tamin’izany izy.
Koa tsy rariny ve raha ao Gibehà ny ady
no hahatratra ireo olon-dratsy ireo?
10Sitrako ny hanafay azy, hoy Izaho TOMPO:
ireo firenena no hifamory hamely azy
ho valin’ny heloka roa nataony.
11I Efraîma dia ombivavy kely
efa voafolaka tsara
ary tia mively vary.
Raha nahita ny vozony tsara tarehy aho,
dia nanisy zioga azy:
ka i Joda hiasa tany
ary i Israely handravona.
12Mamafaza fahamarinana,
dia hijinja fitiavana ianareo.
Miasà tany vaovao#10.12 Ampit Jer 4.3.
fa izao no fotoana hitadiavana ny TOMPO,
mandra-piaviny handatsaka aminareo ny famonjena.
13Faharatsiana kosa no nambolenareo
ka nijinja heloka ianareo
ary nihinana ny vokatry ny lainga.
«Ry Israely ô, ny herinao no nitokianao
ary koa ny habetsahan’ny miaramilanao.
14Koa hitrangan-tabataban’ady ny vahoakanao,
ary ho rava avokoa ny tanànamimandanao,
tahaka ny nandravan’i Salmàna
an’i Bety-Arbèla
tamin’ny andro niadiana
izay nahatorotoro ireo reny
mbamin’ireo zanany#10.14 Bety-Arbèla: tanànan’i Transjôrdania. –Salmàna: angamba mpanjaka môabita, voalazan’ny tahirin-tsoratry ny mpanjakan’i Asiria Teglaty-Pilesera III (747-727) tal J.K. –Faran’andininy: momba izany fitondrana nampiharina tamin’ireo resy izany, dia jereo Sal 137.9; 2 Mp 8.12; Is 13.16. Dkt hafa izay nanorotoro ny tanàna reniny mbamin’ireo tanàna manodidina. .
15Toy izany no hanjo anareo,
ry vahoakan’i Israely#10.15 vahoakan’i Israely: araka ny dkt grika tranainy; Betela: teny hebreo.,
noho ny haratsiana mihoa-pampana vitanareo.
Vao maraina ny andro,
dia ho faty ny mpanjakan’i Israely.»
Voafantina amin'izao fotoana izao:
Hôsea 10: DIEM
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Dikanteny Iombonana Eto Madagasikara © Malagasy Bible Society, 2004.