Hezrà 5
5
1Indray andro, ny mpaminany Hagay sy ny mpaminany Zakarià#5.1 Jereo Hag 1.1; Za 1.1. zanakalahin’i Hidao dia nitondra hafatra ho an’ny Jiosy tao Jerosalema sy Joda, tamin’ny anaran’Ilay Andriamanitr’i Israely, Izay nanentana azy. 2Dia niroso niasa indray i Zerobabela, zanakalahin’i Sealtiela, sy i Jesoa, zanakalahin’i Jôtsadaka, mba hanorina#5.2 Ny asa nataon’i Sesebatsàro, lehiben’ny andiany voalohany tamin’ny olona tafaverina avy any an-tsesitany (jereo 1.8,11), dia toa fiomanana fotsiny amin’ny fanorenana ny tempoly vaovao (jereo 5.16). –Momba an’i Zerobabela jereo Hag 1.12; Za 4.6-9. ny tranon’Andriamanitra ao Jerosalema ary nanampy azy roa lahy koa ireo mpaminanin’Andriamanitra.
3Tamin’izay ihany dia tonga teo amin’ireto mpanorina ny tranon’Andriamanitra i Tatenay governoran’ny faritra andrefan’ny ony Eofrata sy i Setara-Bôzenay mbamin’ireo namany ka nanontany azy hoe:
–Iza no nanome baiko anareo hanorina indray io trano io sy hanangana ny manda#5.3 manda ny hevitr’ilay voambolana aramianina voadika toy izany etoana dia tsy azo antoka; dkt hafa vatan-kazo na Toeramasina. ? 4Koa takînay aminareo ny anaran’ireo lehilahy manorina ny trano.
5Saingy nitsinjo an’ireto loholona jiosy hatrany Ilay Andriamaniny; ka tsy nahasakana azy hanohy ny asa ry i Tatenay sy ny namany, mandra-pahatongan’ny tatitra tany amin’i Dariôsa sy nahazoana taratasy ôfisialy momba izany toe-javatra izany.
Ampangaina amin’ny amperôra Dariôsa ny Jiosy
6Izao no kôpian’ny taratasy ho an’ny amperôra Dariôsa, taratasy nalefan’i Tatenay governora sy i Setara-Bôzenay ary ny namany mpifehy ny Afarsekita izay teo andafy andrefan’ny ony Eofrata. 7Nandefa tatitra ho an’ny amperôra ry zareo ka hoy ny voasoratra ao anatiny hoe:
«Ho an’ny amperôra Dariôsa,
«Mirary soa sy fiadanana feno ho anao izahay, ry Andriamanjaka. 8Aoka mba ho fantatrao fa teny amin’ny faritanin’i Joda sy tao amin’ny tranon’ilay Andriamanitra lehibe izahay. Aorina indray io trano io izao, ka vato vaventy no ampiasaina ary hazo matevina no alatsaka amin’ny rindrina#5.8 Momba izany teknika fanorenan-trano izany, jereo 1 Mp 6.36.; voakaly tsara ary mandroso haingana izany asa eo am-pelatanan’ny Jiosy izany. 9Nanontanianay ireo loholony hoe: Iza no nanome baiko anareo hanorina indray io trano io sy hanangana ny manda#5.9 Jereo and 3 sy nta.? 10Nanontanianay azy koa ny anarany mba hahazoanay manoratra aminao sy hampahafantatra anao ny anaran’ireo lehilahy mpitarika asa izao. 11Ka izao no teny navaliny anay: ‹Mpanompon’ilay Andriamanitry ny tany aman-danitra izahay; ary trano efa vita ela be ihany no amboarinay indray, fa mpanjaka lehibe anankiray tamin’i Israely#5.11 Ilay mpanjaka lehibe anankiray tamin’i Israely dia i Salômôna, jereo 1 Mp 6. no nanorina sy nahavita azy. 12Kanefa ny nampahatezeran’ireo razanay an’Ilay Andriamanitry ny lanitra no nanolorany azy ho eo an-tanan’i Nebokadnetsara ilay Kaldeanina mpanjakan’i Babilôna. Nandrava io trano io i Nebokadnetsara sady nitondra ny olona ho babo tany Babilôna#5.12 Jereo 2 Mp 25.8-12; 2 Tan 36.17-20; Jer 52.12-16.; 13ny fanaka volamena sy volafotsy momba ny tranon’Andriamanitra koa dia nalainy tao amin’ny tempolin’i Jerosalema ka nentiny ho any amin’ny tempolin’i Babilôna. Fa ny taona voalohany nanjakàn’i Kirôsa tamin’i Babilôna, dia namoaka didy ity amperôra ity mba haorina indray io tranon’Andriamanitra io#5.13 Jereo 1.1-4.. 14Navoakan’i Kirôsa tao amin’ny tempoli-tsampy koa ireo fanaka ireo ka natolony an’ilay atao hoe Sesebatsàro#5.14 Ny tempolin’i Babilôna dia ilay tempolin’i Mardòka izay andriamanitra sampy lehibe tao Babilôna. –Momba an’i Sesebatsàro, jereo 1.8. izay notendreny ho governoran’i Joda; 15dia nasainy noraisin’i Sesebatsàro ireo fanaka ireo mba hapetrany ao amin’ny tempolin’i Jerosalema rehefa voaorina indray eo amin’izay toerany taloha izany tranon’Andriamanitra izany. 16Dia tonga tao Jerosalema i Sesebatsàro ka nandatsaka ny fototr’ilay tranon’Andriamanitra; ary hatramin’izany andro izany ka mandraka ankehitriny dia natao ihany izy saingy tsy mbola vita.› 17Koa raha sitrakao, ry Andriamanjaka, aoka mba hozahana ny trano firaketan’ny amperôra any Babilôna, na misy didy navoakan’ny amperôra Kirôsa hanorenana indray io tranon’Andriamanitra ao Jerosalema io na tsia; ary aoka mba hambaranao, ry Andriamanjaka, ny fanapahan-kevitrao ny amin’izany zavatra izany».
Voafantina amin'izao fotoana izao:
Hezrà 5: DIEM
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Dikanteny Iombonana Eto Madagasikara © Malagasy Bible Society, 2004.