Ezekiela 48
48
Ny anjaran’ireo foko any avaratra
1«Ireto no anaran’ireo foko mbamin’ny anjarany avy. Ny anjaran’i Dana dia any amin’ny farany avaratra, hiainga eo amin’ny Ranomasina Mediteranea ka hanamorona ny lalana mankany Hetlôna sy Lebô-Hamata ary Hatsara-Henôna, akaikin’ny fanjakan’i Damasy sy i Hamata, dia hihazo ny sisin-tany atsinanana ka ho tafapaka eo amin’ny Ranomasina Mediteranea any andrefana. 2Mifanolotra amin’ny faritanin’i Dana, hatrany atsinanana ka hatrany andrefana, no hisy ny anjaran’i Asera; 3mifanolotra amin’ny faritanin’i Asera no hisy ny anjaran’i Naftalỳ; 4mifanolotra amin’ny faritanin’i Naftalỳ no hisy ny anjaran’i Manase; 5mifanolotra amin’ny faritanin’i Manase no hisy ny anjaran’i Efraîma; 6mifanolotra amin’ny faritanin’i Efraîma no hisy ny anjaran’i Reobena; 7ary mifanolotra amin’ny faritanin’i Reobena no hisy ny anjaran’i Joda#48.7 Ny zaratany nomena ny foko tsirairay dia tany mifanindran-dalana milahatra manaraka ny sakan’ny tany; misy fito any avaratry ny anjara natokana ho an’ny Tompo sy ny faritr’ilay tanàna ary ny an’ny printsy (and 8-22) ary dimy kosa ny any atsimo..»
Ny anjaran’ny Tompo
8«Mifanolotra amin’ny faritanin’i Joda, hatreo amin’ny sisin-tany atsinanana ka hatrany amin’ny Ranomasina Mediteranea any andrefana, dia hanavahanareo zaratany iray mitovy halava amin’ny anjaran’ny foko tsirairay fa hirefy 12 km sy sasany ny sakany; ary ao afovoany no hisy ny tempoly. 9Ny faritra hatokanareo ho Ahy TOMPO dia hirefy 12 km sy sasany ny lavany ary 10 km ny sakany#48.9 ary 10 km: jereo 45.1 sy nta.. 10Ny ampahan’io faritra voatokana io dia homena ny mpisorona, ka hirefy 12 km sy sasany ny lavany avy any atsinanana no miankandrefana, ary 5 km ny sakany avy any avaratra no mianatsimo; ary eo afovoany no hisy ny tempolin’ny TOMPO. 11Izany faritra izany dia ho an’ny mpisorona voatokana avy amin’ny taranak’i Tsadôka#48.11 Tsadôka: jereo 40.46 sy nta. izay nitandrina an-tsakany sy an-davany ny fanompoana Ahy Tompo, fa tsy mba nivily nanaraka ny lalan-dison’ny Israelita tahaka ny nataon’ny levita. 12Noho izany, dia ho anjarany ny faritra masina tokoa amin’izay natokana ho an’ny Tompo; ary mifanolotra amin’ny faritanin’ny Levita izany. 13Ny anjaran’ny Levita dia hitovy amin’ny an’ny mpisorona. Samy hahazo anjara izay mirefy 12 km sy sasany ny lavany ary 5 km ny sakany izy roa tonta. 14Tsy azo atakalo na amidy na afindra ny tany amin’io faritra izay manan-danja indrindra io, satria voatokana ho an’ny TOMPO.»
Ny anjaran’ilay tanàna sy ny an’ny printsy
15«Amin’io faritany voatokana ho an’ny Tompo io dia mbola hisy tany sisa izay hirefy 2 km sy sasany ny sakany ary 12 km sy sasany ny lavany. Ho tany tsy masina io fa avela ho an’ilay tanàna; ny manodidina dia hisy ireo zana-bohitra sy ny kijana fiandrasam-biby, fa eo afovoany no hisy ilay tanàna. 16Ho efamira ny tanàna ka hirefy 2 250 metatra ny lafiny tsirairay. 17Isaky ny lafiny tsirairay amin’ny tanàna dia hisy toera-malalaka izay mirefy 125 metatra ny sakany. 18Manaraka ny halavan’ny faritra voatokana ho Ahy Tompo dia mbola hisy tany iray mirefy 5 km ny lavany eo atsinanan’ny tanàna, ary koa tany iray mitovy refy amin’izany eo andrefany. Ireo tany ireo no hanome sakafo ho an’ny mpiasa ao an-tanàna. 19Izay mpiasa ao amin’io tanàna io dia ho avy amin’ny foko israelita rehetra; ary izy ihany no hamboly ireo tany ireo. 20Ny fitambaran’ny faritra voatokana ho Ahy Tompo dia ho efamira izay mirefy 12 km sy sasany ny lafiny tsirairay avy; ary hakanareo ampahefany izany ho zaratany ho an’ilay tanàna. 21Ny sisa dia ho an’ny printsy filoha#48.21 Jereo ny naoty momba ny 44.3.. Ny anjara taniny kosa dia ho eo an-daniny roa amin’ny faritra voatokana ho Ahy Tompo sy ny zaratany ho an’ilay tanàna. Mifanolotra amin’ireo anjaran’ny sasany izany, ka mirefy 12 km sy sasany manomboka eo amin’ny faritra voatokana ka hatrany amin’ny sisin-tany atsinanana ary manomboka eo amin’ny faritra voatokana ka miankandrefana hatrany amin’ny Ranomasina Mediteranea. Ny faritra voatokana ho Ahy Tompo sy ny tempoly amin’izay dia ho ao afovoany. 22Ny zaratanin’ny levita sy ny zaratany ho an’ilay tanàna no hampisaraka roa ny tanin’ny printsy filoha izay ho tafatsofoka eo anelanelan’ny faritanin’i Joda eo avaratra ary ny faritanin’i Benjamîna eo atsimo.»
Ny anjaran’ireo foko any atsimo
23«Ny amin’ireo foko sisa mbamin’ny anjarany dia toy izao manaraka izao: ny anjaran’i Benjamîna dia miainga eo amin’ny sisin-tany atsinanana ka hatrany amin’ny Ranomasina Mediteranea any andrefana. 24Mifanolotra amin’ny faritanin’i Benjamîna, avy any atsinanana ka hatrany andrefana, no misy ny anjaran’i Simehôna; 25mifanolotra amin’ny faritanin’i Simehôna ny anjaran’i Jisakara, 26mifanolotra amin’ny faritanin’i Jisakara ny anjaran’i Zebolòna, 27mifanolotra amin’ny faritanin’i Zebolòna ny anjaran’i Gada. 28Ary mifanolotra amin’ny faritanin’i Gada kosa dia ny sisin-tany atsimo, hanomboka ao Tamara any atsinanana, dia hankany amin’ny ranon’i Meribà any Kadesy ary hanaraka ny ranon-driakan’i Ejipta#48.28 hanaraka ny ranon-driakan’i Ejipta: jereo Nom 34.5 sy nta. hatrany amin’ny Ranomasina Mediteranea. 29Izany no tany izay hozarainareo antsapaka ho fananan’ireo foko israelita, ary izany no ho anjarany avy. Teny hentitra avy amiko Tompo ANDRIANANAHARY izany.»
Ny vavahady roa ambin’ny folo ao Jerosalema
30-31«Ireto no fidirana roa ambin’ny folo hankao amin’ny tanànan’i Jerosalema, fidirana izay samy hitondra ny anaran’ny foko iray avy amin’i Israely. Amin’ny lafiny avaratra izay mirefy 2 250 metatra dia hisy vavahady telo: dia ny an’i Reobena sy ny an’i Joda ary ny an’i Levỳ#48.31 Momba ny and 30-34, ampit Apôk 21.12-13.. 32Amin’ny lafiny atsinanana izay mirefy 2 250 metatra dia hisy vavahady telo: dia ny an’i Jôsefa sy ny an’i Benjamîna ary ny an’i Dana. 33Amin’ny lafiny atsimo izay mirefy 2 250 metatra dia hisy vavahady telo: dia ny an’i Simehôna sy ny an’i Jisakara ary ny an’i Zebolòna. 34Ary amin’ny lafiny andrefana izay mirefy 2 250 metatra dia hisy vavahady telo: dia ny an’i Gada sy ny an’i Asera ary ny an’i Naftalỳ. 35Ny manodidina ny tanàna dia mirefy sivy arivo metatra.
«Manomboka hatreo ny tanàna dia hantsoina hoe ‹Ny TOMPO no ao#48.35 Ity anarana ity dia azo ampifanatonina amin’ny anarana Himanoela, jereo Is 7.14 sy nta.›. »
Voafantina amin'izao fotoana izao:
Ezekiela 48: DIEM
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Dikanteny Iombonana Eto Madagasikara © Malagasy Bible Society, 2004.