Eksôdy 20
20
Ny didy folo
1Dia nanambara ireto teny rehetra ireto tamin’ny Israelita Andriamanitra ka nanao hoe:
2–Izaho no TOMPO Andriamanitrao, Izay namoaka anao hiala tany Ejipta, toera-nanandevozana anao.
3«Aza manana andriamani-kafa ianao, fa Izaho ihany.
4«Aza manao sarin-tsampy voasokitra ho anao, ampisehoanao endri-javatra izay eny amin’ny habakabaka ambony, na izay etỳ amin’ny tany ambany, na izay ao amin’ny rano ambanin’ny tany. 5Aza miankohoka eo anatrehan’ireny sampy ireny ary aza manompo azy#20.5 And 4-5: jereo 34.17; Lev 19.4; 26.1; Deot 4.15-18; 27.15., satria Izaho TOMPO Andriamanitrao dia saro-piaro amin’ny maha Andriamanitra Ahy. Raha misy olona meloka amin’izany ka mankahala Ahy, dia hofaiziko izy sy ny taranany hatramin’ny zafiafy sy ny zafindohalika; 6nefa kosa izay tia Ahy ka mitandrina ny didiko, dia hanehoako famindrampo hatramin’ny taranaka faharivo#20.6 nefa... hatramin’ny taranaka faharivo na nefa kosa olona an’arivo, dia izay rehetra tia Ahy ka mitandrina ny didiko, no hanehoako famindrampo. –And 5-6: jereo 34.6-7; Nom 14.18; Deot 7.9-10..
7«Aza manonom-poana ny anarako ianao fa Izaho TOMPO Andriamanitrao dia mitana ho meloka izay manao toy izany#20.7 Jereo Lev 19.12..
8«Tsarovy ny andro sabata mba hanokananao azy ho Ahy. 9Enina andro no hiasanao sy hanaovanao ny raharahanao rehetra. 10Fa ny andro fahafito dia sabata voatokana ho Ahy TOMPO Andriamanitrao; koa aza manao raharaha mihitsy amin’io andro io, na ianao na ny zanakao na ny mpanomponao na ny biby fiompinao na ny vahiny izay ao an-tanànanao. 11Fa enina andro no nanaovako ny lanitra sy ny tany ary ny ranomasina mbamin’izay rehetra ao aminy, dia nitsahatra Aho tamin’ny andro fahafito. Izany no nahatonga Ahy TOMPO nitahy ny andro sabata sy nanokana azy ho Ahy#20.11 And 8-11: jereo 16.23-30; 23.12; 31.12-17; 34.21; 35.2; Gen 2.1-3; Lev 23.3..
12«Hajao ny rainao sy ny reninao mba ho maro andro iainana ianao eo amin’ny tany izay omen’ny TOMPO Andriamanitrao ho anao#20.12 Jereo Deot 27.16; Mt 15.4; 19.19; Mk 7.10; 10.19; Lk 18.20; Ef 6.2-3..
13«Aza mamono olona#20.13 Jereo Gen 9.6; Lev 24.17; Mt 5.21; 19.18; Mk 10.19; Lk 18.20; Rm 13.9; Jak 2.11..
14«Aza manitsakitsa-bady na maka vadin’olona#20.14 Jereo Lev 20.10; Mt 5.27; 19.18; Mk 10.19; Lk 18.20; Rm 13.9; Jak 2.11..
15«Aza mangalatra#20.15 mangalatra: dkt hafa maka an-keriny; amin’izay ity didy ity dia mikendry ireo fanohintohinana ny fahafahan’ny hafa, izany hoe ny fakana olona an-keriny hatao andevo (jereo 21.16). Ny fanohintohinana ny fananan’ny hafa rehetra moa dia voararan’ny and 17. –Jereo koa Lev 19.11; Mt 19.18; Mk 10.19; Lk 18.20; Rm 13.19..
16«Aza mety ho vavolombelona mandainga hamelezana ny namanao#20.16 Jereo 23.1; Mt 19.18; Mk 10.19; Lk 18.20..
17«Aza mitsiriritra izay rehetra an’ny namanao, na ny tranony, na ny vadiny na ny mpanompony, na ny ombiny na ny borikiny#20.17 Jereo Rm 7.7; 13.9..»
18Samy nandre ny kotro-baratra sy ny feon’ny anjomara ny Israelita rehetra ary samy nahita ny tsela-baratra sy ny tendrombohitra nidona-tsetroka, hany ka nangovitra noho ny tahotra ary nihataka teny lavitra teny. 19Hoy ireo tamin’i Mosesy:
–Ianao ihany no mitenena aminay dia hohenoinay fa aoka tsy hiteny aminay mivantana Andriamanitra, fandrao maty izahay#20.19 And 18-19: jereo Heb 12.18-19..
20Namaly azy ireo i Mosesy hoe:
–Aza matahotra! Raha nanatona anareo Andriamanitra, dia ny mba hizaha toetra anareo; tiany hisy eo aminareo ny fanajana Azy mba tsy hanotanareo.
21Dia nijanona teny lavitra teny ny Israelita, fa i Mosesy kosa nanatona ny rahona matevina izay nisy an’Andriamanitra#20.21 rahona matevina: fomba fiteny hafa hanehoana ny andry rahona (jereo 13.21 sy nta). .
Lalàna momba ny alitara fanaovan-tsorona
22Hoy ny TOMPO tamin’i Mosesy:
–Izao no holazainao amin’ny Israelita: «Ianareo mihitsy no nahita fa avy any an-danitra Aho no niteny taminareo. 23Koa aza ataonareo ho toy ny andriamani-bolafotsy na volamena Aho, ary aza manamboatra ireny ho anareo. 24Alitara tany no hataonareo ho Ahy, ary eo amboniny no hanoloranareo ho Ahy ny ondry aman’osinareo sy ny ombinareo ho sorona dorana manontolo sy ho sorom-pihavanana. Ary Izaho dia ho tonga hitahy anareo amin’ny toerana rehetra izay anehoako ny fanatrehako. 25Fa raha hanao alitara vato ho Ahy ianareo, dia aza atao amin’ny vato voapaika; satria raha mipaika azy amin’ny fandraka ianareo, dia handoto azy#20.25 Jereo Deot 27.5-6; Jos 8.31. –Ny zavatra tefen’ny olona dia ahitana ny mariky ny tenany manokana amin’ny fampiasana ireo fitaovana ananany; koa ireo zavatra mijanona araka izay naharian’Andriamanitra azy ihany, izany hoe tsy mbola nokasihina fa ara-boajanahary, no azo ampiasaina amin’ny fanompoana an’Andriamanitra (ampit Deot 21.3-4).. 26Aza asiana tohatohatra hiakaranareo ho eo amin’ny alitarako mba tsy hiseho ny fitanjahanareo#20.26 Tany am-piandohana dia tsy nitondra afa-tsy sikina nahodidina ny tehezany ny mpisorona israelita mandritra ny fanaovana ny asany teo amin’ny alitara..»
Voafantina amin'izao fotoana izao:
Eksôdy 20: DIEM
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Dikanteny Iombonana Eto Madagasikara © Malagasy Bible Society, 2004.