Hamôsa 2
2
1Izao no lazain’ny TOMPO:
«Fahotana mifanesy no vitan’ny mponin’i Môaba,
fa indrindra ity anankiray ity:
Nodorany ho sokay ny taolan’ilay mpanjakan’i Edôma#2.1 Môaba: fanjakana iray mifanila amin’i Israely, ka eo atsinanan’ny ranomasina Maty no misy azy. Momba ny Môabita dia jereo Is 15.1 sy nta. –nodorany... ny taolana: ny taolana dia maneho izay sisa tavela amin’ny olona. Noheverina fa tsy mahazo fialan-tsasatra any an-koatra ny fahavalo, rehefa dorana amin’ny afo ny taolambalony. Jereo koa Jer 8.2 sy nta..
Noho izany, dia tsy hahemotro ny sazy momba azy:
2Handefasako afo ny tanin’i Môaba
ka ho levon’izany koa ireo lapa ao Kiriôta#2.2 Kiriôta: tanàn-dehibe môabita voalaza ao amin’ny Jer 48.24 ihany koa, nefa tsy mbola voafaritra mazava ny toerana nisy azy.;
ho faty ao anatin’ny kotaba ny Môabita,
ho faty ao anatin’ny akoran’ady sy ny feon-trompetra.
3Haringako ilay mpitsara ao aminy
ary hovonoiko miaraka aminy koa
ireo manamboninahiny rehetra#2.3 Momba ny and 1-3: jereo Is 15–16; Jer 48; Tsef 2.8-11; Ezek 25.8-11..
Izaho Tompo no miteny.»
(Joda)
4Izao no lazain’ny TOMPO:
«Fahotana mifanesy no vitan’ny mponin’i Joda,
fa indrindra ireto:
Nanao tsinontsinona ny fampianarako izy
ary tsy nitandrina ny didiko
sady nanaiky ho voafitaky ny andriamanitra sampy
izay efa notompoin’ireo razany.
Noho izany, dia tsy hahemotro ny sazy momba azy:
5Handefasako afo ny tanin’i Joda
ka ho levon’izany koa ireo lapa ao Jerosalema#2.5 Momba ny and 4-5: jereo Lev 26.14-16; Jer 9.11-16; 2 Tan 36.14-20..»
(Israely)
6Izao no lazain’ny TOMPO:
«Fahotana mifanesy no vitan’ny mponin’i Israely,
fa indrindra ireto:
Namidiny ho andevo#2.6 Israely: jereo ny naoty tandrifin’ny 1.1 –Namidiny ho andevo: jereo Lev 25.39-43; 2 Mp 4.1; Is 50.1; Ne 5.1-5; Mt 18.25. ny olon-tsotra raiki-trosa
mba hamerenana ny volany;
ary namidiny ho andevo ny mahantra
satria tsy nahaloa na ny vidin-kapa iray lomisy aza.
7Hitsahiny eo ambony vovo-tany ny lohan’ny osa,
ary aviliviliny ny fitarainan’ny mpandefitra
eo amin’ny fitsarana.
Olona mianaka, dia mifandimby mandry
amin’ny zatovovavy iray ihany
mba hanevatevana ny anarako masina#2.7 Ampit Deot 22.28-29; Lev 18.15. Misy mihevitra fa filazana an-kolaka ny fijangajangana fanao eo anatrehan’ny sampy no ambara eto (jereo Deot 23.18; Hôs 4.14)..
8Lamba nomen’ny mahantra ho antoka
no itsilailaizany eny akaikin’ny alitara rehetra eny#2.8 Jereo Eks 22.25-26; Deot 24.10-13.;
ary divay azo avy amin’ny sazy
no sotroiny ao an-tempolin’ireo andriamaniny.
9Izaho anefa no nandringana ny Amôrita#2.9 Momba ny fandringanana ny vahoaka Amôrita: ampit Deot 3.8-11. teo anatrehany,
dia olona ranjanana tahaka ny hazo sedera
ary matanjaka tahaka ny hazo ôaka;
eny, nopotehiko avokoa na ny fotony na ny voany.
10Izaho koa no nampiakatra anareo avy tany Ejipta
sady nitari-dàlana anareo efapolo taona tany an-taniefitra
mandra-pahazoanareo ny tanin’ny Amôrita.
11Taoriana dia nisy natsangako ho mpaminany ny zanakalahinareo,
ary nisy nantsoiko ho Nazirita#2.11 ho Nazirita: izany hoe hanokan-tena ho Ahy amin’ny voady*; jereo Nom 6.1-21. ny zatovonareo;
ka mba tsy izany tokoa ve, ry taranak’i Israely?
Teny hentitra avy amiko TOMPO izany.
12Kanjo nampisotroinareo divay ireo Nazirita;
ary ny mpaminany noraranareo
tsy hampita ny hafatr’Andriamanitra.
13Noho izany, dia tsy hahemotro ny sazy momba anareo.
Indro hataoko mikonainaika#2.13 mikonainaika: tsy azo antoka ny hevitry ny matoanteny hebreo; misy mandika hoe voatsindry na taraiky. eo amin’izay misy anareo avy ianareo
tahaka ny ikonainaihan’ny sarety vesaram-bary.
14Ka ny haingam-pandeha tsy hahita fierena,
ny matanjaka tsy afaka hampiasa ny heriny,
ary ny miaramila voafantina tsy hahavonjy ny tenany.
15Tsy hahajoro ny mpandefa zana-tsipîka,
tsy ho afa-mitsoaka ireo faingan-tongotra,
ary tsy hahavonjy ny ainy ny mpitaingin-tsoavaly.
16Amin’izany andro izany,
na ny mahery fo indrindra
amin’ireo miaramila voafantina aza
dia hanary fiadiana ka handositra#2.16 Momba ny and 6-16: jereo 4.1-3; 5.11-13; 7.10-17; 8.4-7; Jer 2.4-7, 19..
Teny hentitra avy amiko TOMPO izany.»
Voafantina amin'izao fotoana izao:
Hamôsa 2: DIEM
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Dikanteny Iombonana Eto Madagasikara © Malagasy Bible Society, 2004.