2 Tantara 8
8
Asa samihafa nataon’i Salômôna
(Jereo 1 Mp 9.10-28)
1Nony afaka ny roapolo taona nanorenan’i Salômôna ny tranon’ny TOMPO sy ny lapa ho an’ny tenany, 2dia namboariny ny tanàna izay nomen’i Hirama azy ka namponenany ny Israelita.
3Dia nanafika an’i Hamata-Tsôbà#8.3 Araka ny 2 Sam 8.3,9; 1 Tan 18.3, i Tsôbà sy i Hamata dia tanàna sady fanjakana anankiroa samy hafa. i Salômôna ka naharesy azy. 4Namboariny ny tanànan’i Tadmôra#8.4 Tadmôra: tanàna any amin’ny taniefitr’i Siria ka i Palmira no fiantso azy ankehitriny izao. tany an-taniefitra sy ny tanàna izay efa naoriny fahiny tao amin’ny faritr’i Hamata mba ho fitahirizam-bokatra. 5Namboariny koa i Bety-Hôrôna ambony sy i Bety-Hôrôna ambany#8.5 I Bety-Hôrôna ambony sy i Bety-Hôrôna ambany dia tanàna tokony ho 20 km ao avaratra andrefan’i Jerosalema no misy azy., izay samy tanàna mafy mimanda sady misy vavahady tsara hidy; 6toraka izany ihany koa i Bahalato#8.6 Bahalato: tanàna tokony ho 50 km ao andrefan’i Jerosalema no misy azy. sy ny tanàna rehetra fitahirizam-bokatra na fitobian-kalesy na fitoeran-tsoavaly. Natsangan’i Salômôna avokoa izay rehetra tiany haorina tao Jerosalema sy tany Libano ary manerana ny tany nofeheziny.
7Mbola nisy sisa tavela teo amin’ny tany ireo antokon’olona isan-karazany, dia ny Hetita sy Amôrita mbamin’ny Perizita sy Hivita ary Jebosita, izay samy tsy anisan’ny Israelita. 8Mbola nisy tavela teo tokoa ny taranak’ireo fa tsy naringan’ny Israelita, ka dia nampanaovin’i Salômôna asa fanompoana izay tohiziny mandraka androany. 9Ny Israelita kosa tsy mba nampanaovin’i Salômôna izany, fa narotsany#8.9 Ny Israelita... narotsany: araka ny stf hebreo vitsivitsy sy ireo dkt tranainy ary ny rijan-teny mirazotra ao amin’ny 1 Mp 9.22. ho miaramila na ho manamboninahitra na ho mpitondra kalesy na ho mpitaingin-tsoavaly. 10Ary ny isan’ireo mpanara-maso ny asa nampanaovin’i Salômôna dia nisy 250 lahy izay nanam-pahefana tamin’ny olona mpiasa.
11Nasain’i Salômôna niakatra avy any an-tanànan’i Davida ho ao amin’ny trano izay nataony ho azy ny zanakavavin’ny Farao; fa hoy i Salômôna anakampony hoe: «Na dia ny vadiko aza tsy hitoetra ao an-dapan’i Davida mpanjakan’i Israely, satria masina ireo toerana izay efa nidiran’ny Vatamasin’ny TOMPO.»
12Tamin’izay i Salômôna dia nanolotra sorona dorana manontolo ho an’ny TOMPO teo ambonin’ny alitara izay naoriny ho Azy teo anoloan’ny vavahadin’ny Toeramasina. 13Araka ny didin’i Mosesy dia nanatitra izay fanao isan’andro i Salômôna tamin’ny sabata sy ny voaloham-bolana ary ny fety lehibe telo isan-taona, izany hoe ny fety fihinanana mofo tsy misy leviora, ny fetin’ny Pentekôsta ary ny fetin’ny Tranotomboka#8.13 Momba ireo fety ireo, jereo ny FTS ao amin’ny voambolana hoe FANISANANDRO. Jereo koa Nom 28–29.. 14Araka ny fandaharan’i Davida rainy, dia notendren’i Salômôna ny antokon’ny mpisorona ho amin’ny fanompoany avy ary ny levita ho amin’ny raharahany, dia ny hidera ny Tompo sy hanampy ny mpisorona amin’ny fanompoam-pivavahana fanao isan’andro; notendreny koa ny mpiandry varavarana, araka ny antokony amin’ny isam-bavahady. Izany rahateo no nandidian’i Davida olon’Andriamanitra azy#8.14 Momba ny fitsinjarana asa ao anatin’ireo antokona mpisorona sy levita ary mpiandry varavarana, jereo 1 Tan 23–26.. 15Ary tsy nialan’ireo ny didin’i Davida mpanjaka momba ny mpisorona sy ny levita na amin’inona na amin’inona, indrindra fa ny amin’ny fitahirizan-drakitra.
16Toy izany no nahatontosana ny asa rehetra nokasain’i Salômôna, hatramin’ny andro nanorenana ny tranon’ny TOMPO ka ambaram-pahavitany; ka dia lavorary ny tranon’ny TOMPO.
17Tamin’izay i Salômôna dia nankany Hetsiôny-Gebera sy Elôta eo amoron’ny Ranomasin’ny Volotara any amin’ny tany Edôma. 18Dia nandefa sambo sy matilò mahay ranomasina i Hirama, tamin’ny alalan’ireo tandapany; ary nandeha niaraka tamin’ny tantsambon’i Salômôna ho any Ôfira ireo#8.18 Jereo 1 Mp 9.28 sy nta., ka nahazo volamena 13 taonina mahery ary nitondra izany ho an’i Salômôna mpanjaka.
Voafantina amin'izao fotoana izao:
2 Tantara 8: DIEM
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Dikanteny Iombonana Eto Madagasikara © Malagasy Bible Society, 2004.