1 Tantara 26
26
Ny mpiandry vavahady
1Ny amin’ny mpiandry vavahady, dia izao no fitsinjarana azy ho antokony:
Tamin’ny taranak’i Kôra dia i Meselemià zanakalahin’i Kôra sady zafin’i Abiasafa#26.1 Abiasafa: araka 9.19; fa Asafa kosa no tenenin’ny TM eto.. 2Nisy fito lahy ny an’io Meselemià io ny zanany: dia i Zakarià lahimatoa, i Jedihaela lahiaivo, i Zebadià fahatelo, i Jatniela fahefatra, 3i Helama fahadimy, i Jôhanàna fahenina, ary i Eliôhenay faralahy.
4Ny an’i Hôbeda-Edôma dia nisy valo lahy ny zanany: i Semahià lahimatoa, i Jôzabada lahiaivo, i Jôà fahatelo, i Sakara fahefatra, i Natanaela fahadimy, 5i Hamiela fahenina, i Jisakara fahafito, i Peholetahy faralahy; fa Andriamanitra efa nitahy an’i Hôbeda-Edôma#26.5 And 4-5: jereo 13.14; 2 Sam 6.11.. 6I Semahià zanany dia niteraka zazalahy maromaro izay samy olom-banona ka tonga mpanapaka tao amin’ny isam-pianakaviany avy. 7Ny zanakalahin’i Semahià dia i Hôtnỳ sy i Refaela ary i Hôbeda sy i Elzabada mbamin’ireo rahalahiny anankiroa izay samy olom-banona, dia i Elihò sy i Semakià. 8Anisan’ny taranak’i Hôbeda-Edôma ireo rehetra ireo. Ny taranaka ombàn-janaka sy havana dia nisy 62 lahy ny an’i Hôbeda-Edôma no mpiandry vavahady: samy olom-banona avokoa sady mahery fo amin’ny fanompoany.
9Ny an’i Meselemià#26.9 Jereo and 1-3. dia nisy 18 lahy ny zanany sy ny havany no mpiandry vavahady: samy olom-banona avokoa.
10Ny an’i Hôsà, izay anisan’ireo taranak’i Merarỳ, dia nisy efa-dahy ny zanany: i Simrỳ no voalohany (tsy lahimatoa izy kanefa nataon-drainy lohalaharana), 11i Hilkià faharoa, i Tebalià fahatelo ary i Zakarià fahefatra. Ny an’i Hôsà dia nisy 13 lahy ny zanany sy ny havany rehetra no mpiandry vavahady.
12Anjaran’ny antokon’ireo mpiandry vavahady sy anjaran’ny filohan’ireo vatan-dehilahy ireo ny manao fanompoana ao an-tranon’ny TOMPO, teo anilan’ireo levita rahalahiny. 13Nanao antsapaka izy rehetra, na ny kely na ny lehibe, araka ny fianakaviany, ny amin’ny vavahady tsirairay avy.
14Ny amin’ny vavahady atsinanana, dia azon’i Selemià#26.14 I Selemià eto sy i Meselemià ao amin’ny and 1 sy 9 dia tsy misy hafa fa olona iray ihany. ny antsapaka. Ny amin’ny vavahady avaratra, dia i Zakarià zanany, izay mpanolotsaina hendry, no niantefan’ny antsapaka natao. 15Ny amin’ny vavahady atsimo, dia azon’i Hôbeda-Edôma, ary ny amin’ny trano fitahirizana entana, dia azon’ireo zanany. 16Ny amin’ny vavahady andrefana mbamin’ilay vavahady atao hoe Saleketa izay eo an-tampon’ny lala-miakatra dia azon’ny Hôsà.
Nisy anjara fiambenana nifandimbiasana: 17ka tamin’ny vavahady atsinanana, nisy levita enina isan’andro; tamin’ny vavahady avaratra, nisy levita efatra isan’andro; tamin’ny vavahady atsimo, nisy levita efatra isan’andro; tamin’ny trano fitahirizana entana, nisy sokajy anankiroa samy levita roa avy; 18tamin’ny trano fanampiny#26.18 trano fanampiny: dkt tsy azo antoka loatra; ny voambolana hebreo dia mety manondro kianja na tokotany anankiray., teo andrefana, nisy levita efatra ho an’ny lalana ary nisy levita roa ho an’ny trano.
19Dia ireo no antokon’ny mpiandry vavahady tamin’ny taranak’i Kôra sy tamin’ny taranak’i Merarỳ.
Raharaha manokana nataon’ny levita sasany
20Ny levita naman’ireo#26.20 Ny levita naman’ireo: araka ny dkt grika tranainy Septoazinta; ny RM dia ahitana hoe ny levita Ahia. kosa dia nisy mpiandraikitra ny zavatra sarobidy tao an-tempolin’Andriamanitra, zavatra sarobidy izay voatokana ho an’Andriamanitra. 21Tamin’ny taranak’i Lahadàna, ilay Lahadàna zanakalahin’i Gersôna, dia i Jehielỳ 22sy ireo zanakalahin’i Jehielỳ, ary koa i Zetama sy i Jôela rahalahin’i Jehielỳ, samy loham-pianakaviany avy, no mpiandraikitra ny zavatra sarobidy tao an-tranon’ny TOMPO. 23Ho an’ny Hamramita sy Jitseharita ary Hebrônita sy Hozielita, 24dia i Sobaela, zanakalahin’i Gersôma sy zafin’i Mosesy, no mpiandraikitra ny zavatra sarobidy. 25Ny havan’i Sobaela, avy amin’i Elihezera (rahalahin’i Gersôma), dia ireto avy: i Rehabià zanakalahin’i Elihezera, i Jesahià zanakalahin’i Rehabià, i Jôrama zanakalahin’i Jesahià, i Zikrỳ zanakalahin’i Jôrama, ary i Selômôta zanakalahin’i Zikrỳ. 26Io Selômôta io sy ny havany no mpiandraikitra ny zavatra sarobidy voatokana ho an’Andriamanitra, dia ireo zavatra natokan’i Davida mpanjaka sy ireo loham-pianakaviany ary ny komandin-tafika mpifehy arivo sy mpifehy zato. 27Tamin’ny fitaovana azon’ireo tamin’ny ady mantsy no nisy nanokanany mba hoenti-miahy ny tranon’ny TOMPO. 28Ny zavatra rehetra, natokan’i Samoela mpaminany manam-pahitana sy natokan’i Saoly zanakalahin’i Kisy ary natokan’Abnera zanakalahin’i Nera sy natokan’i Jôaba zanakalahin’i Tseroià ho an’Andriamanitra, dia i Selômôta sy ny havany no mpiandraikitra ny fitahirizana azy.
29Tamin’ny taranak’i Jitsehara, dia i Kenanià sy ny zanany no voatendry hanao ny raharaha fandaminana teo amin’i Israely, ka ho mpifehy sy mpitsara.
30Tamin’ny taranak’i Hebrôna, dia i Hasabià sy ny havany, izay nisy olom-banona 1 700 lahy, no mpifehy ny faritr’i Israely andrefan’i Jôrdàna amin’ny raharaha rehetra momba ny TOMPO sy momba ny fanompoana ny mpanjaka. 31Tamin’ny taranak’i Hebrôna, dia i Jerià no filoha; ny taona fahefapolo nanjakan’i Davida no nanaovana fikarohana ny amin’ny taranak’i Hebrôna araka ny tetiarana isam-pianakaviana, ka nahitana vatan-dehilahy olom-banona tao Jahizera any Gilehada#26.31 Jahizera any Gilehada: tanàna tsy tena fantatra mazava ny aminy, kanefa ao anatin’ny faritr’i Ramôta no misy azy (jereo 6.62-66).. 32I Jerià mbamin’ny havany dia nisy 2 700 lahy, samy olom-banona loham-pianakaviany avy, ka notendren’i Davida mpanjaka hifehy ny Reobenita sy ny Gadita ary ny antsasam-pokon’i Manase amin’ny raharaha rehetra momba an’Andriamanitra sy momba ny mpanjaka.
Voafantina amin'izao fotoana izao:
1 Tantara 26: DIEM
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Dikanteny Iombonana Eto Madagasikara © Malagasy Bible Society, 2004.