1 Tantara 17
17
Ny teny fampanantenana nataon’Andriamanitra ho an’i Davida sy ny taranany
(Jereo 2 Sam 7.1-17)
1Taorian’izany i Davida dia nipetraka tao amin’ny lapany; ka hoy izy tamin’i Natàna mpaminany:
–Indro aho ity mipetraka amin’ny lapa vita hazo sedera kanefa ny Vatamasina mirakitra ny fanekempihavanan’ny TOMPO kosa ao anaty tranolay#17.1 lapa vita hazo sedera: jereo 2 Sam 5.11. –anaty tranolay: jereo 2 Sam 6.17.!
2Dia hoy i Natàna namaly an’i Davida:
–Tanteraho avokoa izay noeritreretinao hatao; fa momba anao Andriamanitra.
3Tamin’ny alina iny ihany dia nisy tenin’Andriamanitra tamin’i Natàna nanao hoe:
4–Ndeha lazao amin’i Davida mpanompoko fa Izaho TOMPO dia manambara izao hafatro izao: ‹Tsy ianao no hanao tempoly hitoerako. 5Fa tsy mbola nitoetra an-tempoly aho hatramin’ny andro nampiakarako ny Israelita avy any Ejipta ka mandraka androany; fa Izaho dia nifindrafindra lay ary nifindrafindra fonenana. 6Nandritra ny fotoana rehetra nifindrafindrako manerana an’i Israely, dia nanendry ireo mpitsaran’i Israely Aho mba ho mpiandry ny vahoakako; kanefa tsy nisy nomeko tsiny na dia anankiray tamin’ireo mpitsara ireo aza ka nilazako hoe: Nahoana Aho no tsy nanaovanareo trano vita hazo sedera?›
7«Noho izany, lazao koa amin’i Davida mpanompoko fa Izaho TOMPOn’izao rehetra izao no mampita hafatra hoe: Izaho no naka anao tao am-piandrasana ondry tany an-kijàna mba hataoko mpanapaka eo amin’ny Israely#17.7 tany an-kijàna: jereo 1 Sam 16.11. –mpanapaka eo amin’ny Israely: jereo 2 Sam 5.2. vahoakako. 8Nomba anao Aho tamin’izay rehetra nalehanao, ka nandripaka ny fahavalonao rehetra teo anoloanao; ary hataoko lehibe ny lazanao tahaka ny an’ireo olona ambony eto an-tany. 9Ary handraiketako toerana iray hampiorenako azy ny Israely vahoakako, ka dia honina tsy hanana ahiahy amin’izany izy. Fa tsy hisy firenen-dozabe hampahory azy intsony tahaka ny taloha, 10dia tamin’ny andro izay nanendreko ny mpitsara hifehy ny Israely vahoakako; ary haetriko ny fahavalonao. Ambarako aminao koa fa Izaho TOMPO no hanome taranaka ho anao#17.10 Eo amin’ny and 4-10 ny teny hebreo izay nadika araka ny mahazatra hoe «trano» dia sady milaza trano no milaza taranaka. Jereo 2 Sam 7.11 sy nta. –hanome taranaka ho anao: dkt hafa hanao trano ho anao. . 11Ary rehefa tapitra ny andronao ka lasa any amin’ny razanao ianao, dia hatsangako handimby anao ny anankiray amin’ireo zanakalahy naterakao ka haoriko mafy ny fanjakany#17.11 Jereo 1 Mp 2.12, 46.. 12Izy no hanao trano ho Ahy#17.12 Jereo 1 Mp 6., ary haoriko mafy mandrakizay ny sezafiandrianany. 13Izaho ho rainy, ary izy ho zanako; ka tsy hanesotra aminy na oviana na oviana ny fitiavako Aho tahaka ny nanesorako izany tamin’ilay mpanjaka talohanao#17.13 Izaho... ho zanako: jereo 2Kôr 6.18; Heb 1.5. –ilay mpanjaka talohanao: dia i Saoly; jereo 1 Sam 15.28.. 14Hataoko maharitra mandrakizay ao amin’ny tempoliko sy eo amin’ny fanjakako izy; ary ny sezafiandrianany tsy ho voahozongozona mandrakizay.»
15Dia nambaran’i Natàna tamin’i Davida avokoa izay rehetra nolazain’Andriamanitra azy nandritra io fahitana io.
Vavak’i Davida
(Jereo 2 Sam 7.18-29)
16Ary nankeo anatrehan’ny TOMPO tao an-tranolay i Davida mpanjaka, ka nipetraka sady nivavaka hoe:
–Ry TOMPO Andriamanitro ô, mba iza moa aho; ary mba inona ny fianakaviako no tonganao amin’ny toerana misy ahy izao#17.16 no nentinao hatratỳ aho? dkt hafa araka ny Septoazinta no dia notiavinao mandrakizay aho? ? 17Kanefa mbola kely izany eo imasonao, Andriamanitra ô, ka efa nanaovanao fampanantenana koa hatramin’ny taranako mbola any aoriana lavitra any; ary dia noheverinao ho olona ambony saranga aho. Ry TOMPO Andriamanitro ô, 18inona no mbola azoko lazaina aminao momba ny voninahitra nomenao ahy satria Ianao no mahalala ahy mpanomponao? 19TOMPO ô, noho ny amiko mpanomponao sy araka ny sitraponao no nanaovanao izao asa lehibe manontolo izao mba hampahalalanao ny zava-dehibe rehetra vitanao. 20TOMPO ô, tsy misy tahaka Anao, ary tsy misy Andriamanitra afa-tsy Ianao, araka izay rehetra ren’ny sofinay. 21Ary iza moa no firenena hafa eto ambonin’ny tany tahaka ny Israely vahoakanao, ka nandehananao Andriamanitra mba havotanao ho vahoakanao? Eny, nampalaza Anao ireo zava-mahagaga sy mahatahotra vitanao mba handroahanao ny firenena hafa tsy ho eo anatrehan’ny vahoakanao izay navotanao avy tany Ejipta. 22Ny Israely vahoakanao dia nataonao ho vahoakanao mandrakizay; ary Ianao kosa, TOMPO ô, no efa tonga Andriamaniny. 23Ankehitriny, ry TOMPO, ny fampanantenana nolazainao momba ahy sy ny taranako dia aoka ho tanteraka hatrany hatrany, ka ataovy araka izay efa nampanantenainao. 24Eny, aoka ho tanteraka izany, dia halaza mandrakizay ny anaranao, ka hatao hoe: «Ny TOMPOn’izao rehetra izao no Andriamanitra ho an’i Israely!»; ary aoka ny taranako haharitra tsy azo hozongozonina eo anatrehanao. 25Satria Ianao, Andriamanitro ô, efa nanambara tamiko fa hanome taranaka ho ahy; koa izany no maha eto ahy mba hivavaka manatrika anao. 26TOMPO ô, Ianao mihitsy no Andriamanitra, ary izaho mpanomponao no efa nampanantenainao izany zava-tsoa izany. 27Koa dia ho sitrakao ny hitahy ireo taranako mba hitohy mandrakizay eo anatrehanao; satria raha Ianao no mitahy, TOMPO ô, dia ho voatahy mandrakizay izy#17.27 satria raha... izy: dkt hafa satria Ianao no mitahy azy, Tompo ô, dia ho voatahy mandrakizay ny mpanjaka na satria Ianao no mitahy, Tompo ô, ka hankalazaina mandrakizay anie Ianao! .
Voafantina amin'izao fotoana izao:
1 Tantara 17: DIEM
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Dikanteny Iombonana Eto Madagasikara © Malagasy Bible Society, 2004.