ROM 3
3
1Amen begei ajeh, maloh iguna jadi mai Yahudi? Maloh iguna besunat ajeh? 2Mimang jeoi iguna! Petame, Jenang Kiog dikdij Iengrok nu mai Yahudi. 3Tapi mong engleg ju mai Yahudi de pek setie. Hal ajeh kibeh Jenang Kijadi pek setie jugaka? 4Tentuloh tok! Kerana, Jenang ajeh benar hamapen dikdij mai nailenglod. Begei de bicot ku kateh Alkitab,
“Bile Jenbelwal,
Enjen mimang benar.
Enjen selalo menang,
bile mong mai naidakwe ha Jen.”#Mzm 51:6
5Tapi mungken mong mai de kiurok, “Amen jenghat hik ajeh kibeh mai kilek lebeh bik naineng Jenang ajeh bor isengik ru setie, yama Jenang Kibelal amen hibeh jehat? Kek ajeh pek adelka amen Kihukom hik?” (Ku padeh eng ngbelwal ngguna peniker manusia.) 6Tentuloh tok! Amen Jenang ajeh pek adel, begeiharok Kek dapat Kipeadel ha dunia adeh?
7Tapi mungken lekat mong mai de kiurok, “Amen nelennon eng kibeh mai kilek lebeh bik naineng Jenang ajeh bor isengik ru setie lei naipateh ha Jenang, yama eng lekat bitudoh sebegei mai bedosa?” 8Mong mai de naiha-pitnah jik naiurok jibual begei adeh hamapen jik pek pernah jibual begei adeh: “Beiloh hibeh jehat supaye timul hal de bor.” Enai ajeh mimang patot bihukom ya Jenang kena ru bahneh liknai ajeh!
Pek Mong Numom Pen de Benar ku Mat Jenang
9Jadi, hik mai Yahudi lebeh borka ju mai de pek Yahudi? Tentuloh tok! Kerana ya ngpasal hal adeh: Baik mai Yahudika mai pek Yahudi, dikdij mai ya bikuasa ya dosa. 10Begei de bicot ku kateh Alkitab,
“Pek mong numom pen de benar ku mat Jenang, pek mong numom pen!
11Pek mong numom pen de kipaham ma de benar.
Pek mong numom pen de kikek ha Jenang.
12Dikdij mai ya naipernyak diri liknai ju Jenang.
Enai ya pek beguna nu Jenang.
Pek mong numom pen de bahbeh bor, pek mong numom pen!#Mzm 14:2-4; 53:2-4; Pkh 7:20
13Bengwal jehat ju empag enai begei ha penep de cengang.
Empag enai tebeg ya lengnon.
Ju nyinyui enai hol bengwal pitnah de begei ha bisa tijik.#Mzm 5:10; 140:4
14Empag enai tebeg ya celaka ru hal-hal de nej hicerngai.#Mzm 10:7
15Enai deras naiperhod ru naiperdat mai.
16Belok taleh de naicip, naipebinasa tempat ru naipesusah mai.
17Enai pek naipanei begeiharok naiha-sui aman.#Yes 59:7-8
18Enai langsong pek naisengoh ru pek naihormat ha Jenang.”#Mzm 36:2
19Hik ya hipanei tentang hal adeh: Dikdij ma de ya bicot ku kateh Hukom Taurat ajeh bicot ha sengoi-sengoi de naisui ku kerop kuasa hukom ajeh. Jadi, pek mong numom pen de dapat kiog alasan nij. Dikdij mai besalah ku mat Jenang. 20Pek mong numom pen de dapat kijadi benar ku mat Jenang ya tenaat nu Hukom Taurat. Kerana, Hukom Taurat ajeh had kiperneng manusia ajeh mai bedosa.
Care Hijadi Benar ku Mat Jenang
21Tapi hunen, Jenang ya Kiperneng nu hik icare begeiharok hijadi benar ku mat Ilei. Icare ajeh apeka ya tenaat nu Hukom Taurat tapi Jenang ya Kipasal icare ajeh ku kateh Hukom Taurat ru kitab Inabi-nabi entem. 22Hipecaya nu Yesus Kristus ajehloh icare de biog ya Jenang supaye hik hijadi benar ku mat Ilei. Jenang Kibeh begei ajeh nu dikdij mai, pek kira nu mai Yahudika nu mai pek Yahudi 23kerana dikdij mai ya naibedosa ru kemuliean Jenang ya nyep ju enai. 24Tapi, kerana ya bernor sengik Jenang, manusia naijadi benar ku mat Ilei. Hal ajeh naikep pecume melalui Kristus Yesus de Kiterlas dikdij enai ju nehukom dosa liknai. 25Jenang Kikorban Kristus supaye danan Yesus ajeh kibeh dosa dikdij mai biampon bile naipecaya nu Kristus. Jenang Kibeh begei ajeh Kaha-perneng Ilei ajeh adel. Kerana, entem Kibesabar ha dosa manusia lei pek Kihukom ha enai 26tapi hunen Kek Kihukom dosa manusia melalui danan Yesus Kaha-perneng Ilei ajeh adel. Begei ajehloh icare Kek Kiperneng Ilei ajeh benar. Kek Kiterima dikdij mai de pecaya nu Yesus sebegei sengoi-sengoi de ya naijadi benar ku mat Ilei.
27Kerana ajeh, hik pek buleh hibelagak. Yamaloh? Kerana, hijadi benar ku mat Jenang apeka ya tenaat nu Hukom Taurat tapi kerana hipecaya nu Yesus Kristus. 28Jik jiyaken nenumom ajeh kijadi benar ku mat Jenang kerana kipecaya nu Yesus Kristus, apeka ya tenaat nu Hukom Taurat.
29Jenang ajeh apeka Jenang ha mai Yahudi taleh. Kek ajeh Jenang ha mai pek Yahudi juga. 30Kerana, mong nek nanek Jenang taleh de bahbeh mai Yahudi ru mai pek Yahudi naijadi benar ku mat Ilei kerana naipecaya nu Yesus. 31Hal ajeh bemaksod hod hipej ha Hukom Tauratka kerana hipecaya nu Yesus Kristus? Tentuloh tok! Sebenarnye hik hijoi ha tujuan Hukom Taurat kerana hipecaya nu Yesus.
Voafantina amin'izao fotoana izao:
ROM 3: AEH
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
© 2023, Wycliffe Bible Translators, Inc. All rights reserved.
© 2023, Bible Society of Malaysia. All rights reserved.