1 KORINTUS 5
5
Bahneh Seks Niknej
1Mong mai naipasal tentang hal adeh nu eng: Numom ju jemaah engkek kibeh kelaku seks de niknej. Jemaah ajeh kigei sama ru iamek tiri begei kenah-gengsir. Mai de pek naikenal ha Jenang pen pek naibeh kelaku ihad niknej begei ajeh. 2Tapi engkebemegah begei mahentok de salah kateh jemaah-jemaah liengkek! Sepatotjeh engkerasa sedeh ru engkeperet sengoi de bahbeh nej ajeh ju engkap jemaah engkek. 3-4Hamapen eng nyak ju engkek, tapi peniker eng mong besama ru engkek. Jadi, sama begei eng mong ngbekumpol ru engkek, eng ya ngpejatoh hukom nu sengoi de bahbeh nej ajeh ya kuasa de biog ya Tuhan Yesus nu eng. Ku mase engkebekumpol, kelog eng ru kuasa Tuhan Yesus mong besama ru engkek, 5jadi engkek hod engkeog sengoi de bahbeh nej ajeh nu Ibles supaye iberog bipebinasa tapi ikelog buleh bipeselamat ku arik helnol Tuhan Yesus doh.
6Engkek pek patot engkebemegah kerana ragi de gek dapat kibeh dikdij tepong kijadi kembang. Begei ajehloh juga, sengoi de ikelaku niknej ajeh dapat kibeh jeoi jemaah engkek naibeh dosa. 7Sengoi de bedosa ajeh begei ha ragi de manah. Jadi, pejloh ragi de manah ajeh supaye engkejadi adunan pai de pek beragi ru berseh ju dosa. Sebenarnye Jenang ya Kibeh engkek berseh ju dosa liengkek kerana Kristus Yesus dombe Paskah hik ya bikorban. 8Jadi, beiloh hiraya Paskah ya ruti de pek beragi. Ruti de pek beragi ajeh kilambang sinui de kijoi heknod Jenang ru sengik de benar. Agokloh hiraya Paskah ya ruti de mong ragi manah. Ragi ajeh kilambang sinui niknej ru jenghat.
9Ku kateh surat eng de canuk, eng ngget engkek bekawat ru mai de naibeh kelaku seks de niknej. 10Sebenarnye, apeka ngget engkebekawat ru mai pek Kristian. Engkek hod engkedek ju dunia adeh amen pek engkeha-bekawat ru mai pek Kristian de naibeh kelaku seks de niknej, atao de tamak, atao de neklennon naiha-berkep ha duet, atao de naisembah ha behala. 11Tapi maksod engjeh, eng ngget engkebekawat ru mai de naiaku diri liknai mai Kristian tapi naibeh kelaku seks de niknej, naibekelaku tamak, naisembah ha behala, naipitnah mai kilek, nekbelnel, ru nekbelennon naiha-berkep ha duet. Gei cakcak ru mai de begei ajeh pen eng ngget engkebeh.
12-13Apeka hal eng ngha-pehukom mai de pek Kristian, Jenang Sendiri doh de Kipehukom enai ajeh. Tapi engkek hodloh engkepehukom jemaah-jemaah liengkek sendiri kerana mong bicot ku kateh Alkitab, “Peretloh mai jehat ju engkap liengkek.”#Ul 13:5; 17:7; 19:19; 21:21; 22:21-24; 24:7
Voafantina amin'izao fotoana izao:
1 KORINTUS 5: AEH
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
© 2023, Wycliffe Bible Translators, Inc. All rights reserved.
© 2023, Bible Society of Malaysia. All rights reserved.