मत्ती 4
4
ईसू की परीछा
(मरकुस 1:12–13; लूका 4:1–13)
1 #
इब्रा 2:18; 4:15 जाके बाद पबित्र आतमा ईसूए बेहड़ में ले गयौ जाते कै सैतान ईसू की परीछा लैबे। 2ईसू चालीस दिना और चालीस रात बिना खाए पिये रयौ और जाके मारे बाय भूंख लगी। 3तब परखबे बारे नें जौरै आयके बाते कही “कै अगर तू परमेस्वर कौ बेटाए तौ इन पत्थरन ते कैह दै कै जे रोटी बन जांय।”
4ईसू ने बाय जबाब दियौ, “पबित्र सास्त्र में लिखौ है कै, ‘आदमी केवल रोटी तेई जीबित नांय रैहबै, पर बू परमेस्वर के मोंह ते निकरबे बारे हरेक वचन ते जीबित रैहबै।’ ”
5जाके बाद सैतान बाय पबित्र नगर येरूसलेम में लै गयौ, और बड़े पिराथना घर की सबते ऊंची चोटी पै लै जायके खडौ करौ। 6और बाते कैहबे लगौ, “कै अगर तू परमेस्वर कौ बेटाए, तौ अपने आप कूं जा चोटी पैते नीचे गिराय दै। चौंकि जि लिखौए,
“‘बू तेरे काजै अपने सुरग दूतन नें आग्या दैबैगौ,
और बे तोय अपने हातई हातन में उठाय लिंगे,
और तेरे पामंन में पत्थर ते ठेस नांय लगेगी।’ ”
7ईसू नें बाते कही, “जेऊ लिखौ भयौ है, ‘तू अपने पिरभू परमेस्वर की परीछा मत करियो।’ ”
8जाके बाद सैतान ईसू कूं एक ऊंचे पहाड़ पै लै गयौ और बानें ईसू कूं दुनियां कौ सबरौ राज और बैभव दिखायौ। 9और कही, “अगर तू झुककै मोय दन्डबत करै तौ मैं जा सबरेय तोकूं दै दुंगो।”
10ईसू नें बाते कही, “हे सैतान दूर है जा चौंकि पबित्र सास्त्र में लिखौ भयौ है, ‘तू पिरभू अपने परमेस्वर कूं दन्डबत करियो और बई की सेबा करियो।’ ”
11तब सैतान ईसू के जौरैं ते चलौ गयौ और सुरग दूत आयकै वाकी सेबा करबे लगे।
ईसू की सेबकाई की सूरुआत
(मरकुस 1:14–15; लूका 4:14–15)
12 #
मत्ती 14:3; मर 6:17; लूका 3:19,20 जब जि बात ईसू नें सुनी कै यूहन्ना बपतिस्मा दैबे बारौ जेल में डार दयौए, तौ बू गलील कूं चलौ गयौ। 13#यूह 2:12और बू नासरत सहर छोड़कै कफरनहूम नगर में जायकें रैहबे लगौ, जो झील के किनारे जबूलून और नपताली पिरदेस में है। 14जाके मारे बू वचन जो परमेस्वर की बात बतायबे बारे यसायाह नाम के आदमी ने कहौ हतो, बू पूरौ होय।
15“जबूलून और नपताली पिरदेस,
झील के रस्ता ते यरदन नदी के पार,
गैर यहुदियन कौ देस गलील,
16जो लोग अन्धेरे में जि रहे हते,
बिन्नें बड़ौ उजीतौ देखौ,
और जो लोग मौत के साये में जि रहे हते,
बिनपे उजालौ चमकौ।”
17 #
मत्ती 3:2
बाई समै ते ईसू ने पिरचार करबौ सुरू करौ, और जि कही, “अपने पापन ते मन फिराऔ चौंकि सुरग कौ राज तुमारे जौरै आय गयौए।”
पहले चार चेलान कौ बुलायौ जानों
(मरकुस 1:16–20; लूका 5:1–11)
18एक बार ईसू गलील की झील के किनारे जा रयो हतो, तब ईसू नें दो भईयान कूं देखौ बिनमें ते एक कौ नाम सिमौन हतो, जाय पतरसऊ कैहतें और दूसरे भईया कौ नाम अन्द्रियास हतो। बे झील में जाल डार रये हते चौंकि बे मछुआरे हते। 19ईसू ने बिनते कही, “मेरे पीछे आओ मैं तुमें परमेस्वर काजै लोगन्नें लायबे बारौ बनांऊगो।” 20बे बाई समै अपने जालन नैं छोड़कै ईसू के पीछे है लिये।
21आगे जायकें ईसू ने याकूब और वाके भईया यूहन्ना कूं अपने पिता जबदी के संग नाव पै जाल समारते भये देखौ और बानें बिनकूं बुलायौ। 22और बे बाई समै नाव और अपने पिताए छोड़कै ईसू के पीछे चल दिए।
बीमार लोग ईसू नें चंगे करे
(लूका 6:17–19)
23 #
मत्ती 9:35; मर 1:39 ईसू सबरे गलील पिरदेस में डोलतौ और बिनके पिराथना घरन में सिछा देतौ। और परमेस्वर के राज के सुभ समाचार की बातन्नें बतातौ हतो, और लोगन की सब तरैह की बीमारी ठीक करीं और कमजोरीए दूर करतौ रयौ। 24सबरे सीरीया देस में वाकौ नाम मसहूर है गयौ, और लोग ईसू के जौरैं सब बीमार लोगन्नें और तरैह-तरैह की बीमारी और दुखन में फसे भए, और जिनमें दुस्ट आतमा हतकाई और कछू मिरगी के मारे और कछू फालेस के मारे हते,बिन लोगन्नें ईसू के जौरै लाए और ईसूने बिनकूं चंगौ करौ। 25गलील और दिकापुलिस#4:25 दस सहर और येरूसलेम और यहुदिया ते और यरदन के पार ते भीड़ की भीड़ ईसू के पीछे चलबे लगी।
Voafantina amin'izao fotoana izao:
मत्ती 4: BRAJ
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
NonCommercial-NoDerivatives 4.0 International (CC BY-NC-ND 4.0)
