यूहन्ना परचा
परचा
यूहन्ना के जसना संदेस नबा नियम हे चार किताब मसे अक्ठी हबै, जउन यीसु मसीह के जीवन के वरनन करथै, उन मसे सगलू के “संदेस” कहे जथै, जेखर मतलब हबै, “ निक्खा खबर।” हइ किताब मत्ती, मरकुस, लूका अउ यूहन्ना के दवारा यीसु के मिरतू के बाद लिखे गय रथै, यूहन्ना के जसना संदेस सायद चेला यूहन्ना दवारा यीसु के जनम के बाद करीबन 90 साल के बाद लिखे गय रथै, चाहे भले हइ किताब नेहको कथै कि यूहन्ना लेखक हबै।
लेखन सैली पहिले यूहन्ना, दूसर यूहन्ना, तीसर यूहन्ना के चिट्ठी के जसना हबै, कुछ सियान लेखक यूहन्ना के ई टेम इफिसुस सहर हे रथै, इहैनिता हइ संभावना हबै कि किताब इफिसुस हे लिखे गय रथै, यूहन्ना सही रूप लग कथै हइ किताब कर उदेस्य मनसेन के हइ बिस्वास दिलामै हे मदद करै के हबै कि यीसु मसीह हबै, जिन्दा भगवान कर टोरवा 20:31 हइ बिस्वास करके हम ओखर नाम हे जीवन जी सकथन, हइ किताब यहूदी अउ गैर यहूदी दोनो झन के निता लिखे गय रथै, यूहन्ना के संदेस कुछ मायने हे दूसर तीन संदेस लग बोहत अलगे हबै, ऊ उन चकित के काम हे धियान लगाइस जउन यीसु करे रथै अउ अपन किस्सा के बारे हे जादा नेहको लिखे रथै, यीसु के बतिस्मा अउ पतेरा हे लालच जसना दूसर खास घटना के हइ संदेस हे नेहको लिखे गय हबै।
रूप रेखा
1. यूहन्ना हे संदेस सुरू करथै। 1:1-18
2. फेर ऊ उन कइ चकित के काम के बारे हे लिखथै जउन यीसु करे रथै। 1:19—12:50
3. एखर बाद यूहन्ना यीसु के जीवन के कइठे घटना के वरनन करथै जउन ओखर मिरतू अउ फेरै लग जिन्दा होमै के बाद अगुवाई करथै। 13:1—20:31
4. यूहन्ना हे संदेस के समापत करथै, जेहमा यीसु के मिरतू लग जिन्दा होय के बाद अउ फेर किताब लिखे के अपन उदेस्य गुठेवत मनसेन के आगू परगट हुइस, टेम के बारे हे गुठेथै। 21
Voafantina amin'izao fotoana izao:
यूहन्ना परचा: NTBTP23
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
The New Testament in Bhumiya Language The Word for the World International and © 2023 Bhilali Bhasha Samiti, Madhya Pradesh