Matayo 1

Kivali cha Jesu Kristo

(Luka 3:23-38)

1Ichi ni kivali cha Jesu Kristo, wa kivali cha Daudi, ewo wa kivali cha Abrahamu.

2Abrahamu kamvala Isaki, na Isaki kamvala Jakobo, na Jakobo kamvala Juda na wana wakwawe, 3na Juda kamvala Perezi na Zera (mee woluo ni Tamari), na Perezi kamvala Hezroni, na Hezroni kamvala Ramu 4na Ramu kamvala Aminadabu, na Aminadabu kamvala Nashoni, na Nashoni kamvala Salmoni, 5na Salmoni kamvala Boazi (mee woluo ni Rahabu), na Boazi kamvala Obedi (mee woluo ni Ruthu), na Obedi kamvala Jese, 6na Jese kamvala mzuri Daudi.

Na Daudi kamvala Solomoni (mee woluo ni muke wa Uria), 7na Solomoni kamvala Rehoboamu, na Rehoboamu kamvala Abiya, na Abiya kamvala Asa, na Asa kamvala Jehoshafati, 8na Jehoshafati kamvala Joramu, na Joramu kamvala Uzia, 9na Uzia kamvala Josamu, na Josamu kamvala Ahazi, na Ahazi kamvala Hezekia, 10na Hezekia kamvala Manase, na Manase kamvala Amoni, na Amoni kamvala Josia, 11na Josia kamvala Jokonia na wana wakwawe ngelo ya kusamiso Babuloni.

12Nao nyuma ya kusamiso Babuloni, Jokonia kamvala Shealtieli, na Shealtieli kamvala Zerubabeli, 13na Zerubabeli kamvala Abiudi, na Abiudi kamvala Eliakimu, na Eliakimu kamvala Azori, 14na Azori kamvala Zadoko, na Zadoko kamvala Akimu, na Akimu kamvala Eliudi 15na Eliudi kamvala Eliezeri, na Eliezeri kamvala Matani, na Matani kamvala Jakobo, 16na Jakobo kamvala Josefu mlume wa Mariamu, mee Jesu aitogho Masihi.

17Kwa hung'u vivali vose kufuma Abrahamu hata Daudi veluo vivali ikumi na vine, na kufuma Daudi hata kusamiso Babuloni veluo vivali ikumi na vine, na kufuma kusamiso Babuloni hata kuvalo Masihi ni vivali ikumi na vine.

Kuvalo kwa Jesu Kristo

(Luka 2:1-7)

18Nao kuvalo kwa Jesu Kristo koluo hung'u. Ilyi Mariamu eluo kekumbo ulanga ni Josefu. Hambiri seusilo, kaoneka uwo na kifu cha Roho wa Kuela. 19Naye Josefu uyu eluo kemusa, woluo mundu wa hachi na seshaile kungi kumfwisha waya, ela woshaile kumusigha kwa kiviso. 20Ela ilyi eluo keririkanya hung'u, Malaika wa Bwana kamjila kwa kuloteso kemuza, “Josefu wa kivali cha Daudi swaoghe kumusa Mariamu kukala mkwako, kwani kifu ewo nacho ni cha Roho wa Kuela. 21Naye ujevala mwana wa kialume, nawe ujemwita izina lyake Jesu, kwani ujewakiza wandu wake na kaung'a zawe.”

22Agha ghose ghanadeike kukatisa ghalye ghaghoriro ni Bwana kwa wana tondolo. 23“Loleni mchana ujengiza kifu na kuvala mwana wa kialume na izina lyake ujeito Imanueli” (kutambula kwake, “Mlungu uwo ngila mojori nesi”). 24Nao Josefu aghenda auka haring'eni kadea selyi Malaika wa Bwana amuzile, kamusa mkwake. 25Naye samumanyile kungi kimuli mpaka kavala mwana wa kialume, naye kamwita izina lyake Jesu.

Voafantina amin'izao fotoana izao:

Matayo 1: SAGALLANT

Asongadina

Hizara

Dika mitovy