Kèʼlo 10
10
Rám wón Noa
(1 Wòŋ 1.5‑23)
1Rám wón Noaá rə̀ne. Wón Noa vee vilume‑eè dzə̀ jii, Shem, Ham, à Jafet. Mo ndzə́ví‑iì kèʼèn, e mày fo kitu ke nsay, áwune nèn a dzə, a ker wón vee vilum, é bo vitúm vi ram fó fo jeéy jeéy.
2Wón Jafeti‑iì dzə̀ jii, Gomer wùn à Magog, à Maday, à Javan, à Tubal, à Meshek, e lì Tiras. Á wír ve vé‑eè kèʼèn vitúm ve ví kér yír sév. 3Vitúm vímóʼ ví nèn sàn fó Gomer, a ví dzə̀ jii, Ashkenas wùn à Rifat, à Togarma. 4A ve ví‑iì sanen fo Javan vi dzə̀ jii, Elisha wùn à Tarshish, à Kittim, à Dodanim. 5Dzə̀ áwune vin ve á yii dzə́ e ŋguùŋè *rìbà ndzə̀v. Á vitúm ve ví‑iì ràmèn fo Jafet, kimòʼón kimòʼón wùn à nsay yev, à lám wóví, à kfə́ə sév sí, mo á dzəə̀n aáwuné wòŋ si jeéy jeéy.
6Wón Hame‑eè dzə̀ Kush wùn à Mitsrayim#10.6: Mitsrayim; Kìn jii: Ejiv., à Put, à Kanan. Á wír ve vé‑eè kèʼèn vitúm ve ví kér yír sév. 7Vitúm vímóʼ ví nèn sàn fo Kush, a ví dzə̀ jii, Seba wùn à Havila, à Sabta, à Raama, à Sabteka, é bo vímóʼ ví kfən sàn fó Raama, a ví dzə̀ ji Sheba wùn à Dedan.
8Kush kfə̀n‑eè dzə̀ tàr à Nimrod. A Nimrod və̀n‑eè dzə̀ kintav ke wìr ke mbìy ki é shùu rər. 9Wù kfə̀n‑eè dzə̀ ŋgaà jwim wo tavín e Nyùy Tǎr si. Á kinyo ke kí yiìn, é bo á kú a lò, a yòŋ jii, kày dzə̀ ji «Nimrod.» 10Virə́ʼ ve Nimrod‑iì tòmbìy kèʼ, a saʼ vi‑iì dzə̀ Babel, Erek wùn à Akkad. Virə́ʼ vin vidzə̀m vi‑iì dzə̀ é wòŋ Shinar. 11Wù wìy lò, e fəə̀ fó fo, e dù e mbìv Assiriya, e bàʼrì Nineve wùn à Rehobot‑Ir, à Kala, à 12Resen. A Resen və̀n‑eè dzə̀ é kintìntìn ke Nineve wùn à Kala wo dzəə̀n ŋkàlaʼ ye kuʼùn.
13Vitúm ve ví‑iì ràmèn fó Mitsrayim vi dzə̀ jii, wír veé Lud, veé Anam, veé Lehab, veé Naftu, 14veé Patrus, veé Kaslu, fo wír veé Filistiàa‑aà ràmèn, e bóo lì veé Kaftor.
15Kanan‑eè dzə̀ tàr à Sidon, a yì‑iì dzə̀ wán və mbìy, e nèn kfə̀n lì Het. Á wír ve vé‑eè kèʼèn vitúm ve ví kér yír sév. 16Vitúm vímóʼ ví nen kfə̀n ràm sa fo Kanan, a ví dzə̀ jii, wír veé Jebus, veé Amor, veé Girgash, 17veé Hiv, veé Arek, veé Sin, 18à veé Arvad, veé Tsəmar, e lì veé Hamat. Lòo dzə fo bàm, kfə́ə Kanane nèn kèʼ, a ràm. 19A woŋ wìr veé Kanane‑eè kèʼ fó Sidon, e dù, e mèé e Gerar wo wù dzəə̀n é ghaa Gasa, e lò fo fo, e dù e mbìv Gomorra wùn à Admaa, à Tsəboyiim, e dù, e bàʼ e Lasha. 20Á vitúm ve ví ràmèn fo Ham kimòʼón kimòʼón wùn à kfə́ə sév sí, à lám sév sí, à ŋgvən sév sí mo á dzəə̀n aáwuné wòŋ si jeéy jeéy.
21Shem wo yì‑iì dzəə̀n mbìy Jafet‑iì kér sa wón. A wír veé Eber#10.21: wír veé Eber: Vé‑eè lò fó bàm, a yòŋ wír vìn ji wír veé Hibru. adzə̀me rám a dzə̀ fo wun. 22Wón Sheme‑eè dzə̀ Elam wùn à Asshur, à Arpakshad, à Lud, e lì Aram. Á wír ve vé‑eè kèʼèn vitúm ve ví kér yír sév.
23Vitúm ve ví‑iì ràmèn fo Aram vi nén a dzə jii, Us wùn à Hul, à Geter, à Mash. 24Arpakshad nen wìy a dzə tàr à Shela, a Shela dzə̀ tàr à Eber. 25Eber‑iì dzə̀ə́ wón vee vilum abaà. Yír wùmòʼó dzə̀ Peleg#10.25: Peleg: E Lǎm Hibru, yír rə́ne koó fo kisuŋnìn moo jí yee «javsìn.». Vé‑eè shù bey, bìʼ fo wír veé kitu ke nsayi‑iì jàvsìn e wun ghan, a dzə jeéy jeéy. Yír fə̀rí nén a dzə ji Joktan. 26Vitúm ve ví‑iì ràmèn fo Joktan vi nén a dzə jii, Almodad wùn à Shelev, à Hatsarmavet, à Jera, 27à Hadoram, à Usal, à Dikla, 28à Obal, à Abimael, à Sheba, 29à Ofir, à Havila, e lì Jobav. Vitúm vìn vi‑iì ràm fo Joktan vidzə̀m. 30A nsay ye wír vìne‑eè dzə́ sho‑oò kèʼ fó Mesha, a dù e mbìv ye shùy yii tó fo fo, e bàʼ e Sefar e mbìv agwan. 31Á vitúm ve ví‑iì ràmèn fo Shem, kimòʼón kimòʼón wùn à kfə́ə sév sí, à lám wóví, à ŋgvən yev mo á dzə́ aáwuné wòŋ si jeéy jeéy.
32Á mo rámé‑eè fəən fo wón Noaá, e fèr vitúm jeéy jeéy. Kèʼ mo ndzə́ví‑iì màyìn fó kitu ke nsay, wìr dzə̀m nèn lò a dzə̀ fó ram fóo fèy, bó a dzə e wòŋ si jeéy jeéy.
Voafantina amin'izao fotoana izao:
Kèʼlo 10: LNB
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
© 2022 CABTAL