मत्ती 3
3
यूहन्ना बपतिस्मा जिऊमिठाच गा खाबोर
(मरकुस 1:1-8; लूका 3:1-18; यूहन्ना 1:6-8; 15-34)
1-2डी दिनेन यूहन्ना बपतिस्मा जिऊमिठाच हेन एठा यहूदिया जिल्हा गा सुनसान जगान, “पापो गा मापो घल्जी एठा पापो टे मन बदलाए गा खाबोर जिऊ लज्जे, चोयाकी स्वर्ग गा राज्य मेरान हेन होय।”
3येटेन डीचका होय दियागा चर्चा यशायाह परमेश्वर गा कोनेटे मंडीमिठाच मंडीके डा, “सुनसान जगान नी म्या हाको मिठाच गा आवाज आजुमू लक्के होय, प्रभु गा हेजे गा घल्जी कोरा तैयारे एठा दिया घल्जी सळक्को सीधाए मेना डे लिंजेन डीच सेंदरावा होय।” #यशा. 40:3
4येटेन यूहन्ना बपतिस्मा जिऊमिठाच गा आंगी ऊँटो गा हुफटे आरुके डा। एठा देटेन हेजा मयांग गेन कतळे टे आरुके म्या पट्टा टोलके डा, एठा देटेन तोतोरकु एठा निलीकु डा जोजोम डा।#2राजा. 1:8 5मेटे यरूशलेम शहर गा कोनेटे सेबाई यहूदिया जिल्हा गा, एठा यरदन गडा गा आसो-पासो जगा टे कुरकू ओटजे डो यूहन्ना गा खाबोर आजोम हेन।
6एठा आपना-आपना पापो के काबुलटे यरदन गडान दियाटे बपतिस्मा सावे। 7मेटे यूहन्ना नी फरीसि कुरकू एठा सदूकी कुरकू जो यहूदी कुरकू गेन बरी रेंग्गो गा धर्मिक समूह होय, इंकुके बपतिस्मा सा घल्जी हेज कोनेन हेजे टे डोकेकु, मेटे डीचनी दिकुटे मंडीके, “आपे जो खतरनाक जहरमिंकू बिंजकु कोणकुटे रोंगो होय। जेनी आपेके परमेश्वर गा द्वारा हेजे मिनी दण्डो टे बचातिंजू घल्जी चतारायकेमी?
8इनिघल्जी येनोगो कामय डाए जो दर्शातिंजेवा कि आमनी सच्चोका पापो टे मन बादलाके। 9एठा आपना-आपना मनेन येटेन बाकी सोसाचातिंज, कि आलेके सजा बान जिऊ चोयाकी अब्राहम आलेगा जुना सनाकु होय। इंज आपेटे सच्चो मंडीवा मेना कि परमेश्वर आपेगा जगान अब्राहम गा घल्जी इनी घोटा टे भी कोणकु डाए सकतावा होय।
10परमेश्वर हारेक जेका गा भी न्याय दडा घल्जी तैयारके होय देटेन अमा-इंजा बान दडा डेनोगोका आखे मिठाच कोरो डी सिंज गा जळीके म्हा-म्हागा घल्जी तैयारके होय जो अच्छा फल बान जिऊ। हरेक कोरो जो डी सिंज गा रोंगो होय जो अच्छा फल बान जिऊ। डीके परमेश्वर गा द्वारा दोषी ठहारातिंजेबा एठा सिंगेलेन टेप्पाएवा।”
11“इंज आपेके डा टे पापो टे मन बबादला गा बपतिस्मा जिऊवा होय, देटेन इंजाटे शक्तीशाली होय, इंज दियागा बुट्टा तुटूल गा लायको बाऊ, देटेन आमके पवित्र आत्मा एठा सिंगेल टे बपतिस्मा जेबा। 12देटेन किसिंज द्वारा आनाजो टे भुसाके ओट गा घल्जी तैयारके होय। डाबोलटे देटेन हेजा गा खेरयान अच्छा टे साफागेवा, गुं केनी हेजा गोमटान जमाएबा, पेनो भुसाके डी सिंगेलेन जुलेबा जो चोलाकाभी हिरीजू बाने।”
यूहन्ना द्वारा यीशु मसीह गा बपतिस्मा
(मरकुस 1:9-11; लूका 3:21-22; यूहन्ना 1:31-34)
13डी टेमो यीशु गलील जिल्हा टे यरदन गडा गा धुरान यूहन्ना गा द्वारा बपतिस्मा सा हेन। 14पेनो यूहन्ना इनी मंडीटे डीचके रोराकातिंज लज्जे, “इंज्के अमागा टी टे बपतिस्मा सा गा जरुरी होय, एठा आम इंजागा मेरान हेन होय?”
15यीशु नी डीचके इनी जवाब जीके, “नका मेटे येनोगोका डा डाए, चोयाकी आलेके इनिका रिती टे सेबाई धार्मिकता के पुपरा साही होय।” मेटे डीचनी दियागा बातो आजुम्जे।
16एठा यीशु यूहन्ना गा द्वारा बपतिस्मा साटे जैसा डा टे ओलेट जेडो बल्लान हेन, एठा डोगे, दियागा घल्जी बदळा खुल्लायेन होय, एठा डीचनी परमेश्वर गा आत्मा के कबूत्तर गा रोंगो आगुरुटे एठा हेजा माठा टे हेजे डोके। 17एठा डोगे, येटेन स्वर्ग टे आवाज हेन, “येटेन इंजगा अच्छा कोण होय, दियाटे इंज ठायका खुशोके होय।” #भजन. 2:7
Voafantina amin'izao fotoana izao:
मत्ती 3: GOKNT
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Gowli (गवली) Bible by The Love Fellowship is licensed under Creative Commons Attribution-ShareAlike 4.0 License.
