Hujii Ergamootaa 3
3
Namichi Laamshayaan Tokko Fayye
1Pheexroosii fi Yohaannisillee hennaa Rabbiin kadhatan sa'aatii sagalitti gara mana woyyu'uu dhaqan. 2#14:8; Yoh. 9:1 Worra mana woyyuu seenan irraa waa kadhatu'uuf, nama namoonni baadhatanii gara balbala mana woyyu'uu ka maqaan isaa «Midhaagaa» jedhamuu fidanii guyya guyya'aan achi kaayan tokkotu ture. Inni urga dhalate irraa jalqabee nafti isaa naafa. 3Inni Pheexroosii fi Yohaannisiin uduu gara mana woyyu'uu seena'aaran argee akka waa isaa kennaniif isaan kadhate. 4Isaan ija isaa keessa guuttatanii laalanii Pheexroos, «Mee gara keenna as laali!» jedheen. 5Innillee waa isaan irraa fudhatu'uuf jedhee gara isaanii laale. 6#3:16; 4:10; 16:18; Mar. 16:17-18 Pheexroos ammo, «Birri'ii fi Worqii hin qabu; waan qabu ammo sii kenna; maqaa Kiristoos Yesuusii Naazireeti'iitiin ka'ii deddeebi'i» jedheen. 7Harka mirgaatiin qabee ol kaaseen; yoma san luttinii fi mogoleen jabaate. Innillee yoosuu ol utaalee dhaabatee deddeemuu jalqabe, 8#14:10; Luq. 5:25; 17:15; Yoh. 5:14 Ol ka'ee qajeelee dhaabate; deema'aa isaan woliin gara mana woyyu'uu seene; utaala'aa Rabbiin galatoonfate. 9Baniin maruu hennaa inni Rabbiin galatoonfata'aa deddeemu arganiin. 10«Namni kun ka dur balbala mana woyyuu seenaniin keessa taa'ee kadhatu san akka ta'e beekanii waan isa irratti ta'e san maalala'aa baaseffachuu jalqaban.
Waan Pheexroos mana woyyuu Keessatti Dubbate
11 #
5:12; Yoh. 10:23 Namichi kadhatu ka fayye sun uduu inni Pheexroosii fi Yohaannisiin qabatee isaanitti maxxaneeru arganii, baniin maruu gara hulee isaan jiranii gara afoo «balbala Solomoon keessa deddeebi'uu» fiiga'aa dhufan. 12Pheexroos hennaa kana arge akkana isaaniin jedhe, «Isin namoota Israa'elii! Maaf waan kana maalalfattan? Yookaan waan hunna mataa keennaatiin yookaan Rabbiin sodaachuu keennaan akka waan inni ka'ee deemuu akka waan nu goonee maaf xiinxallitanii ija keessa laaltan?» 13#7:32; Ser. Ba'u. 3:6,15; Yoh. 13:32 Waandhi abboota teenna Abrahaamii, Yisaaqii, Yaaqoobii ilma ufii Yesuusiin hin kabajje; isin garuu akka du'uuf dabarsitanii kennitan; yoo Philaaxoos isa hiikuu barbaade san isin isa afo'otti isa waakkattan; 14#Mat. 27:15-23; Mar. 15:6-14; Luq. 23:13-23; Yoh. 19:12-15 Isin woyyichaa fi qajeelaa waakkattanii ka nama ajjeese akka gad isinii hiiku kadhattan. 15#2:32; 5:30 Ka mataa jireennaa ta'e hin ajjeeftan, isa ammo Rabbi du'aa kaase. Nu waan dubbii kanaatiif raga'a. 16#4:10 Namichi beettan ka argitan kun maqaa Yesuusiititti amanu'uun fayyee jabaate; waan maqaa Yesuusiititti amaneef isin maraa afo'otti fayyaa guutuu argate. 17#13:27; 17:30; Luq. 23:34; Qor. 1ffaa 2:8; Xim. 1ffaa 1:13 «Amallee obboleeyyan tiyya! Isin akkasuma akka bulchoota keessanii wollaalaan akka gootan beekeera. 18#Luq. 24:25-27,44,46 Rabbi ammo akka rakkinni Kiristoosiin irra gayu afaan raattota maraatiin dursee waan dubbate akkasuma raawwate. 19#2:38 Eeganaa Gooftaa biraa guyyaan jajjabeennaa akka isinii dhuftuuf, 20waan dura isinii file Kiristoos Yesuusiin akka isinii ergu akka cubbuun keessanillee isinii haqamu aagii galaa'a; deebi'aa'a. 21Rabbillee dur irraa jalqabee afaan raattota woyyu'uutiin waan dubbate maraa haga bara wonti maruu haarawoomuutitti ol samii irra turuu barbaachisa. 22#Kes. Deb. 18:15,18; Hu. Er. 7:37 Muuseen akkana jedheera, ‹Gooftaan Waandhi keessan raagaa akka kiyyaa isinii kenna; Waan inni isinitti himu maraa isa jalaa dhagayaa'a. 23#Kes. Deb. 18:19 Namni raaga san hin dhageenne maruu banii keessaa fooyamee haa baduu› jedhe. 24#10:43; Luq. 1:70-75 Lammeessoollee Saamu'eeliin irraa jalqabee isaaniin maayiillee akkasuma raattonni maruu waan ji'oota kanaa dubbatan. 25#Ser. Uma. 22:18; 26:4; Gal. 3:8 Isin ijoollee raattotaati; akkasuma Rabbi Abrahaamiin, ‹sanyii keetiin baniin biyya lafaa maruu eebbifama› jedhee worra waadaa inni kenne dhaalutu isin. 26#13:46; Rom. 1:16 Isiniif dursee Rabbi ilma ufii kenneera. Gari garii keessan karaa hamaa irraa deebisee isin eebbisu'uuf isa isinii erge.»
Voafantina amin'izao fotoana izao:
Hujii Ergamootaa 3: KitWoy
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra