Oˑi'waħ (Psalms) 1
1
OˑI'WAĦ SKĂ̱T. (FIRST PSALM.)
1Hodă̱oh nóˑgweh neh tă̱ħ'ă̱h neh huh haˑweħˑno̱o̱hˑdyĭĕħ neh tă̱ħ'ă̱h daˑwĕnˑni'yuħ, kaah nă̱ˑgă̱ˑo̱k kuh neħˑhuh dea'dă̱nˑdyĭĕħs heaˑdiˑgot noˑdiˑwaˑnehˑaˑgo̱h', tă̱ħ'ă̱h kuh neh huh deaˑdyă̱'do̱ˑneħs hă̱ˑnoˑdyă̱ˑdahˑgwah naˑdiħˑsgaˑhah'thaħ.
2Neh gwa huhˑniˑgo̱i'yʋsˑdahˑgo̱h' noˑyaˑnesˑha̱ˑgo̱ Naˑya'daˑgwĕnˑni'yoħ'; neh kuh noˑyaˑnesˑha̱ˑgo̱ hoˑdeˑyă̱hs'do̱ħ wă̱ˑnĭs'hă̱ˑdeˑnyo̱ħ wahˑso̱'daˑdeˑnyo̱ħ kuh.
3Neh naeh deˑsgaˑdyeˑă̱h haˑyah'daˑdeħ neh ga̱ˑit gaˑyă̱'twaħˑo̱h dos'gă̱h heˑniˑyo̱ħ' hneˑgahˑdă̱ˑdyo̱ noˑneˑgaˑnus, neh waˑda'yo̱ˑnih haˑya'daˑdyĭĕħ noˑnă̱h' heˑsgaes; neħ kuh noˑnă̱ħ'do̱n haˑyah'daˑdeħ thaˑgaˑdaˑgă̱e; neh kuh naˑdi'gwaˑnah' otˑnă̱o̱'dyĭĕħˑă̱ˑwa̱daˑwiˑyus.
4Neh gwaˑnehˑhă̱ħ'ă̱hˑdehˑnehˑnaˑwĕnˑnĭ'yo̱ħˑka tă̱ħ'ă̱h naeh dehˑneħˑhuh' dehˑohˑdă̱; neh naeh shaħ'gat noˑgae'dah ă̱ˑtga̱ă̱ħ oˑyahˑgih naeh hă̱ˑgaah.
5Da neħˑdih' gă̱o̱'nih neh tă̱ħ'ă̱h daˑwĕnˑni'yoħ kaa dehˑao̱h aˑgaˑdok' sho̱ noˑnă̱ħ' dă̱ˑswa'dyahˑdo'wet, kuh noˑdiˑwaˑneħ'a goh ne neħˑhuh' aˑdi'yahˑdaak heo̱'weħ ă̱ˑgă̱'dyuˑgwaˑyă̱'dok neh thoˑdiˑwaˑyeĭs'do̱h.
6Neh să̱ħ'ă̱h Naˑyaˑdaˑgwĕnˑni'yoħ hoˑno̱ˑdo̱ħˑji'wă̱h heˑyaˑgoˑtai'no̱o̱ neh dyĭĕħˑwaˑyeis; neh gwa heˑyotˑhai'no̱ neh tă̱ħ'ă̱h daˑwĕnˑni'yoħˑka neh naeh nă̱ˑgai'wahˑdo̱h.
Voafantina amin'izao fotoana izao:
Oˑi'waħ (Psalms) 1: SEE
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Gospels published by the American Bible Society in 1872, Psalms in 1892.