Mitteko MAWU AWAAMBA
MAWU AWAAMBA
Mitteko dda amurummwa tti ovirellella wa nibukhu na Luka. Nibukhu nenna nalembiwe ekaamba yoopaalla woonihella mitteko dda amurummwa ayo yamuthwanre Yesu voohoollelliwa ni Munepa Waweella, yaallalleya othenga waphaama wa Yesu, “mu Yerusalemu, mu Yudeya, owa o Samariya ni va ellapo yavatthi ettheene” (1.8). Ella sika epilli ya ovuwa wa echikhrisitu wi waambeelle ni athu a mulloko wa Ayuda nave waakhwaranya okhalla echikhulupililo ya va ellapo yavatthi ettheene. Namalemba a nibukhunna aapaallattho oowerengaayo edduwelle wi akhrisitu kheyaari mulloko wa endale wawoopopiha omwene wa o Roma nave wi echikhulupililo ya echikhrisitu yaari okwakhwanihiwa wa ellapello ya Ayuda.
Mittekonndda ddinaphwanella wi ddikawiwe vararu, woonihella wuullupalli nko othenga waphaama wa Yesu wallalleyiweewawo ni okeraatthihiwa wa mpingo. (1) Waambeya wa echikhrisitu mu Yerusalemu ophiyera owella oya oddullu wa Yesu, (2) Wunnuwa wiwa ophiyera mapuro o Palesitina, (3) Navettho wunnuwa woophiya o Enyanja Yuullupalli ya Meditareniya ophiyattho o ellapo ya Roma.
Ello yookhwaranya mu Mittekonndda tti meerello a Munepa Waweella, oyo awiille ni masivaaye va ookhulupilila a o Yerusalemu va nllapo na Pentekosite nave aavirellella waahoollella ni ollipiha mpingo ni oohoollellaaye ddookatamiha ddittheddene ddilembiwe mu nibukhunna. Othenga wa akhrisitu awaamba woolembiwa moothwaranathwarana ni ddaweereya ddene woonihella masiva othengoolla m'murimani mwa ookhulupilila ni omodda wa mpingo.
Miru dda muwarimmu
Okhozekella dda omboni 1.1-26
Ollotella ni olamulella woomalliha wa Yesu 1.1-14
Oovollowa munipuroni mwa Yudasi 1.15-26
Mboni mu Yerusalemu 2.1—8.3
Mboni mu Yudeya ni Samariya 8.4—12.25
Orumeyella wa Paulo 13.1—28.31
Olendwaaye wawaamba 13.1—14.28
Mutthukumano mu Yerusalemu 15.1-35
Olendwaaye waneepiilli 15.36—18.22
Olendwaaye waneeraru 18.23—21.16
Paulo aahiyiwa mundende o Yerusalemu, o Kaisareya ni o Roma 21.17—28.31
Voafantina amin'izao fotoana izao:
Mitteko MAWU AWAAMBA: MW2019
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
The Bible in Elhomwe © The Bible Society of Malawi, 2019.