Wiwitan 6
6
Alané manungsa
6:1-8
1 #
Ay 1:6; 2:1 Nalika manungsa wis wiwit tambah-tambah ing bumi lan pada nduwé anak wadon, 2para anak Gusti Allah bareng weruh anaké wadon para manungsa kuwi pada ayu-ayu, banjur pada ngepèk bojo karo endi sing disenengi. 3Ing kono tembungé GUSTI: “Roh-Ku ora bakal selawasé manggon karo manungsa, awit uripé mung nuruti daging, mulané sak terusé umuré mung bakal 120 taun.” 4#It 13:33Waktu semono ing bumi ana bangsa sing pawakané gedé duwur; sakwisé kuwi ya ana, para anak Gusti Allah pada nuroni anaké wadon para manungsa lan kuwi pada nduwé anak, ya kuwi para wong sing gagah rosa-rosa ing jaman mbiyèn sing jenengé kesuwur.
5 #
Mat 24:37; Luk 17:26; 1Pet 3:20 Bareng GUSTI ngerti yèn gedé dosané para manungsa ing bumi, lan sak obahé atiné sakjeké urip mung ala waé, 6ing kono GUSTI getun nggawé manungsa ing bumi lan nyedihké ati-Né. 7Tembungé GUSTI: “Manungsa sing wis Tak gawé kuwi bakal Tak entèkké sangka lumahé bumi, manungsa kabèh kéwan-kéwan ingon-ingon, uga kéwan-kéwan mbrangkang, lan manuk ing awang-awang pisan; awit Aku getun enggon-Ku nggawé.” 8Nanging Noah kuwi olèh kawelasan ing ngarepé GUSTI.
Sejarahé Noah
6:9-22
9 #
2Pet 2:5
Iki sejarahé Noah. Noah kuwi wong bener tanpa tyiri ing antarané para wong sak jamané. Uripé mbangun turut marang Gusti Allah. 10Noah nduwé anak lanang telu: Sèm, Ham lan Yafèt. 11Bumi kuwi ing ngarepé Gusti Allah kétok wis rusak lan kebak penggawé ala. 12Gusti nyawang bumi, tenan-tenan wis rusak banget, awit sak rupané sing urip wis pada mblarah mlakuné ing bumi.
13Gusti terus ngetokké tembung marang Noah: “Aku wis mutusi bakal mungkasi kabèh sing urip, lan kabèh manungsa awit bumi wis pada dikebaki penggawé ala; mulané bakal Tak entèkké bareng karo bumi. 14Kowé nggawéa kapal kanggo kowé, sing digawé sangka kayu gofir, kapalé gawénen singget-singgetan, lan ing njabané lan njeruhné osèrana aspal sing kentel. 15Enggonmu nggawé kuwi mengkéné: dawané kapal telung atus éluh, ambané sèket éluh, duwuré telung puluh éluh. 16Kapalé dikèki tyendéla mubeng, leté sak éluh sangka payoné, lawangé sèlèhna ing awaké kapal. Enggonmu gawé kapal sungsun-sungsun, ngisor, tengah lan nduwur. 17Awit Aku bakal nekakké banjir sing ngelepi bumi, kanggo ngentèkké sak rupané sing urip lan nyawa ing sak ngisoré langit; sak kabèhé ing bumi bakal mati. 18Nanging karo kowé Aku gelem nggawé perjanjian-Ku, kowé bakal mlebu ing kapal kuwi, lan anakmu, bojomu lan bojoné anak-anakmu. 19Uga samubarang sing urip, sak rupané daging, kuwi gawanen mlebu ing kapal sak jodo-sak jodo, supaya pada bisa urip bareng karo kowé; lanang lan wédok. 20Werna-werna manuk lan kéwan-kéwan nusoni, uga werna-werna kéwan-kéwan sing mbrangkang ndlosor lan nggremet ing bumi, kuwi saben sak jodo sing bakal nekani kowé supaya bisa urip. 21Sak terusé kowé nglumpukna samubarang sing kena dipangan, digawé kanggo panganmu lan pangané kéwan-kéwan kuwi mau kabèh.” 22#Ibr 11:7Noah terus nandangi kabèh, manut apa préntahé Gusti Allah.
Voafantina amin'izao fotoana izao:
Wiwitan 6: KJS17
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Tèks © Surinaams Bijbelgenootschap 2018