MATIUS 1
1
Daptar nenek muyang Isa Almasih
(Luk. 3:23-38)
1Injido daptar nenek muyang Isa Almasih, keturunan Daud, keturunan Abraham. Jak Abraham sampai Daud, gelar-gelar nenek muyang Isa sebagai reji:
2-6aAbraham,
Ishak,
Yakub,
Yehuda rik puari-puarini,
Peres rik Zerah (emak tian gelarni Tamar),
Hezron,
Ram,
Aminadab,
Nahason,
Salmon,
Boas (emakni yakdo Rahab),
Obed (emakni yakdo Rut),
Isai,
rik Raja Daud.
6b-11 #
2Raj. 24:14-15; 2Taw. 36:10; Yer. 27:20 Jak Daud sampai pada masa bangsa Israel ditokko di Babel tecatat gelar-gelar berikut inji:
Salomo (emakni yakdo bekas kajongni Uria),
Rehabeam,
Abia,
Asa,
Yosafat,
Yoram,
Uzia,
Yotam,
Ahas,
Hizkia,
Manasye,
Amon,
Yosia,
Yekhonya rik puari-puarini.
12-16Jak masa bangsa Israel ditokko di Babel sampai kelaheran Isa tecatat gelar-gelar berikut inji:
Yekhonya,
Sealtiel,
Zerubabel,
Abihud,
Elyakim,
Azur,
Zadok,
Akhim,
Eliud,
Eleazar,
Matan,
Yakub,
Yusuf kajongni Maria.
Rik jak Maria udido laher Isa sai disebut Almasih.
17Jadi jak Abraham sampai Daud, sunyinni wat pak belas keturunan. Jak Daud sampai masa bangsa Israel ditokko di Babel wat epak belas keturunan muneh. Jak masa bangsa Israel ditokko mik Babel sampai kelaheran Almasih wat pak belas keturunan.
Laher-Ni Isa Almasih
(Luk. 2:1-7)
18 #
Luk. 1:27
Injuk rejido kisah tentang laher-Ni Isa Almasih. Emak-Ni yakdo Maria, betunangan jama Yusuf. Kidang semakkung tian menikah, ternyata Maria radu ngandung. (Yusuf mak pandai bahwa Maria ngandung ulihni kuasa-Ni Ruh Allah.) 19Yusuf, tunanganni udi, yakdo jelma sai selalu menaati hukum agama. Jadi ia haga mutusko pertunanganni, kidang secara hema-hema, in Maria mak dapok liom di hadapan umum. 20Sementara Yusuf menimbang-nimbang hal seno, ia behanipi. Delom hanipini ano, ia ngeliak sai malaikat Tuhan cawa jama ia, “Yusuf, keturunan Daud, dang rabai menikah jama Maria; mani sanak sai delom kandunganni ano tejadi ulih kuasa Ruh Allah. 21#Luk. 1:31 Maria haga ngelaherko sai anak bakas. Sanak seno haga dikeni gelar Isa, mani Ia haga nyelamatko umat-Ni jak dusa tian.”
22Sunyinni seno tejadi injuk reno in telaksana api sai dicawako Tuhan liwat nabi-Ni, yakdo, 23#Yes. 7:14 “Sai muli haga ngandung rik ngelaherko sai anak bakas. Sanak udi haga digelarko Imanuel.” (Imanuel yakdo cawa Ibrani sai retini, “Allah wat jejama ram”.)
24Seraduni Yusuf minjak, ia ngelakuko api sai dicawako malaikat Tuhan udi jama ia. Ia menikah jama Maria. 25#Luk. 2:21 Kidang selama Maria makkung ngelaherko anakni ano, Yusuf mak becampor jama Maria. Rik seraduni sanak udi laher, Yusuf ngeni gelar-Ni Isa.
Voafantina amin'izao fotoana izao:
MATIUS 1: LAILJP
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
@ LAI 2002 Indonesian Bible Society (Lembaga Alkitab Indonesia)
