Markus 5
5
1Ta tilo ḅayatso habiye avor njiya Garasina?-?wa.
2Nda dimma avor kwombe, ḅogong ḅogong ma ka rektsi pitso a peiyo kan, nda dimma di vor gwei avor mwotso,
3Ha ndasatsoden ne avor gwei a mwotso. Tá haka ma ndaḅa ḅweyeren ka malye;
4gibo miya ḅweyeren hananan ka gberrowe ka malye: nda tawa malye, nda ḅeiya gberrowe; tá ma do ka ha ḅa mban a ḅeyeren.
5Firefiro ka tukurtso ka fere gban ndadi wa kawahome a gwo mwotso.
6Naya nda na Yesu gara ḅong ḅong nda gibo a wudo hakan a fuko ahumwasen;
7Nda mar kwormungen kerker a tsan: “Mino ingi kow, Yesu Ndse da Pwa Ma‐ndukotso; na gbo kwako Pwa ḅé di ḍei sye á hula.”
8Gibo nda tsan a chi: “dimmago yedingen hye rektso pitso.”
9Nda ḍiyen a chi: “Kwakenga achiya?” Nda tsan a chi: “Kwaka ne gbowum, gibo hi ne yang hananan:”
10Nda ngisen hananan ḅé ndá omren avor njiya ano.
11Ahano tumburmye a lekko pus, tadi zemmo a gyenga mwei.
12Ten pelle kat ta ngisen a ḍiyeren: “Hye lenereino avor tumburmye, ma hina perro vorsen.”
13Yesu nda mwa. Rektso pitso kat ta dimmo a perro vor tumburmye, ten gban ta gibo a fuko vor habiye (ten ne hananan, basa alfin); ta mberro vor habiye.
14Miyedi‐jini a gyebo, ta boye miye avor garu ka hwadiye kat. Miya dimma ḅa na sa a ḍa.
15Miya si gaka Yesu, miya na ma ka pelle kenneng, ndadi ndsa; nda kala basyesye, tsi ne avor yedifemeden, ndi ma bowti pelle anangen kenneng; tadi hweyo.
16Miye nan ta boyeren leme ḍache miya ḍa ma ka pelle, ka leme da tumburmye gban.
17Miya tiya ngisen nda dimma a mbatso hada?-?ren.
18Naya nda perro vor kwombe, ndi ma ka pelle kenneneng nda ngisen, ma nda ndsa kan ḅwa.
19Ndá mwa, nda boyen: “Wudo hwodowno gaka miyedowno hye boyeren leme so gbanye Homen a ḍow, hye boyeren gban, lemonga a oren.”
20Nda muḍo a tiya boye leme avor Dikafolis, leme so gbanye Yesu a ḍan. Ḅware kat ta ndello.
21Naya Yesu a minna di basa ḅayatso, lektso miye a peiyo hakan; tsi ne a kwaka habiye.
22Ama geka miye‐gbanye hwodiye hiwotso, kwakengen Yayirus. Ndaḅa nan, nda fuko ahumwasen.
23Ndata ngisen kabagban adi tsan: “Ndsitso?-?dei kyengkyeng kwongno a kwamu wei, nadi elo gakow, hye si a pokerro tyefunga, nga ḍim pitso a nyero.”
24Ta wudo kan, miye lekki adi kwoden, ta ngyegren.
25Itsi metsi nedo gban, nga pukkado dsambe kyewatso bow a mbidi gbei,
26nga ḍim tonotso kabagban gaka miye ka ngumwe hananan, nga kiḍa ginetsodaro kat, ngá ḍim piyatso, otso a nduko.
27Naya nga kel leme Yesu, nga perro vor fure abesen, nga pa rukuteden.
28Nga tsa a chi: “Na hen pa basyesyeden henḅa nyero.”
29Ḅogong ḅogong pukko dsambedaro a mbo; nga kello avor siso, otso a mbo gerra.
30Ḅogong ḅogong Yesu a leyo avor yedingen nyeretso a dimmo avor yedingen, nda ḅiya avor lektso a tsa: “Wano pa basyesyedei?”
31Miyedi‐kwoden ta tsan a chi: “Hye na lektso miye a ngyegra, hye minna a ḍiyeino a chi: wano pei yo?”
32Ndi gban ndadi niyo ati ndaḅa na ma ḍa sano.
33Metsi ino nga si, hweyi kalatso a gerro, siso a wurero gekelo nga leyo sye miya ḍaro, nga fuko ahumwasen a boyen diyalemo yangkat.
34Nda tsara a chi: “Ndsitso, vodiyalemedow a mbo otso: weyo pe pe, ndsayang pe pe, hye piya ka otsodow.”
35Tsi ne di boye leme, miya si di haka hwoda magbano hwodiye hiwotso, ta tsa a chi: “Ndsi?-?tsodow a mberro, ya hyedi tonodo malam?”
36Yesu ḅo kel la miya boyo, nda tsa magbane hwoda hiwotso: “Ḅé hweyi, vo diyalome.”
37Nda wudo ka Bitrus ka Yaḳub ka Yohanna ndso‐nogo Yaḳub, ndá ḍaka ma som a kwoden.
38Ta si hwoda magbane hwodiye hiwotso; nda na miyedi ḍaw kwame tadi tuwo a wa kawahome.
39Nda perro hwodiye a tsaren: “Mine gowno, huna ḍaw kwame a wa kawahome? ndsitso ngá mberro, kwotedi chini.”
40Ta kyeḍegen. Nda dimmaden kat habwange, nḍa ngur bagen ndsitso, ka nogero, ka miye nda weyo karen, nda wudo haka ndsitso.
41Nda kit tuffo ndsitso a tsara a chi: “Talitha kumi,” zeregyeden no: “Ndsitso, na tsow a chi, maḍi.”
42Ḅogong ḅogong ndsitso a maḍo a weyo, gibo kyewatsodaro bow a mbidi gbei. Ta ndello kabagban.
43Nda hiwaren, nagi wano, ḅé ndá leyi ano. Nda tsa gban, na miya verro sizemtso.
Voafantina amin'izao fotoana izao:
Markus 5: BCYMRK
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
First published by the British and Foreign Bible Society in 1915.
