Matius 3
3
Si Yohanes Menanarani
(Mrk. 1:1-8; Luk. 3:1-18; Yoh. 1:19-28)
1In toro niitu, wéwéhan si tou makangaran Yohanes Menanarani. Ni sia nimangé witi kapelasan witi Yudea a mahwoka' wia sé tou, 2#Mat. 4:17; Mrk. 1:15 “Itula'umola a singkéla' niou, pahpaan ung Kakolanoan ni Opo Empung é lelezokan!”
3 #
Yes. 40:3
Si Yohanes kenumo si im puuna paza'ila ni nabi Yesaya,
“Wéwéhan si tou si mengéré-ngérét witi kapelasan:
Imekela u lalan lampangan ni Mahpiara,
terénela u lalan lampangan-Na.”
4 #
2Raj. 1:8; Mrk. 1:6 Si Yohanes éng kimarai ung karai tonton kulit ni onta am wangunen wo un embetna éng kawal ni binatang. Ang kakanenna é sé koropit wo a rarina' wana an talun. 5A méyé wia ni sia sé tou lakez sé witi Yerusalem wo péléng sé witi tana' Yudea wo péléng sé witi makaliklik un tana' Yordan. 6Karia i makaulit a singkéla' néra, ni séra pahsaranin ni Yohanes witi so'so'an Yordan.
7 #
Mat. 12:34, 23:33 Taan i niileknala lakez sé tou wia sé sana réwok tou Farisi wo Saduki niméyé i mekisarani, ang kuana, “É kamu sé suzu ni ulé' melangu. Séi si kimuala wia ni kamu i ni kamu én toro tumingkasé witu un upi' ni Opo Empung u méyé. 8Niitumo, ipapa- ilekla wana am pahwangunen niou i ni kamu én timula'umola a singkéla' niou. 9#Yoh. 8:33 Tia' kamu mahgenangla in zéi'kan makailek un ukuman pahpaan ni kamu é suzu ni Abraham. Ikuakuma wia ni kamu, si Opo Empung én toro mangun am watu kenu maéndo suzu ni Abraham! 10#Mat. 7:19; Luk. 3:9 Um pati ém witumo un tuuz ung kai wo péléng ang kai zéi'kan mahwua'mé wangun ém wanti'en wo itia' witu un api. 11Ni aku é mahsarani ni kamu karia un zano, un tumuzu'mé ni kamu én timula'umola a singkéla' niou. Taan ni Sia si tumondongé ni aku, ni Siapé' si mahkawasa taan ni aku. Maan i muka uman u sapatu-Na#3:11 In toro niitu u sapatu én tanu uman u selop taan wéwéhan an talina., ni aku én zéi'kan wangun. Ni Sia masumarani ni kamu karia si Roh Lenas wo un api.#3:11 Im witu u sirita kenu, un api én ipahweresi un awak im wana a léwo'an, niitu é masuat wo un api i mangun um watu mas i maéndo mas nahas. 12Un tataap ém witumo u lengen-Na in tumaap ang gandum makaz i maweresi. Ang gandum wangun é réwoken-Na witi pelélé'osan ang gandum, taan péléng am pesel é la'ungen-Na witu un api zéi'kan mahpaté.”
Si Yesus sinarani ni Yohanes
(Mrk. 1:9-11; Luk. 3:21-22; Yoh. 1:32-34)
13A méyé si Yesus im witi Galilea. Ni Sia mangé witi so'so'an Yordan wia si Yohanes i saranin. 14Taan si Yohanes é soo i sumarani si Yesus, kuana, “Un ulitna, ni aku si léwo'zéi' i sarani-Nu, taan ni Ko é niméyé uman taré wia ni aku.”
15Ang kuan ni Yesus wia ni sia, “Iwayamola ni ko si sumaranimé ni Aku. Pahpaan karia i nimangunla niitu, ni kita é nimangunola péléng um paaz ni Opo Empung.” Kaitalingamé niitu, a si Yesus saraninala.
16I si Yesus sinaranimola, a Sia rengan mondolé im witu un zano. In toro niitukan, a mawukama u langit an ileken-Nama si Roh ni Opo Empung tanu si bombo timumpama witu um wawo-Na. 17#Kej. 22:2; Mzm. 2:7; Yes. 42:1; Mat. 12:18, 17:5; Luk. 9:35 An talingané u Nuwu' witi kasendukan ung kimuamé, “Si kenumo si Oki'-Ku si ikararaaté-Ku. Ni Siamo si mahwangun un até-Ku mahpaa-paaz.”
Voafantina amin'izao fotoana izao:
Matius 3: LAITOM
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
