JENESIS 1
1
Ka jingpynlong ïa ka pyrthei bad ïa u briew
1 #
Ïoan. 1:1. Ha kaba mynnyngkong U Blei u la thaw ïa ka bneng bad ïa ka khyndew. 2Bad ka pyrthei ka la long kaba khlem dur bad kaba suda, bad ka jingdum ka la long halor ka khmat ka jingjylliew, bad U Mynsiem U Blei u da khih halor ki um.
3 #
2 Kor. 4:6. Bad U Blei u la ong, “To long ka jingshai”, bad ka jingshai ka la long. 4Bad U Blei u la ïohi ïa kata ka jingshai, ba ka la long ka babha; bad U Blei u la pynïakhlad ïa kata ka jingshai na kata ka jingdum. 5Te U Blei u la khot “Ka Sngi” ïa kata ka jingshai, bad ïa kata ka jingdum u la khot “Ka Miet”. Bad kaba la janmiet ka la long bad ka step ruh ka la long, kawei ka sngi.
6 #
2 Pet. 3:5. Te U Blei u la ong, “To long ka suiñbneng hapdeng kita ki um, bad to ai ba kan pynkhlad ïa ki um na ki um.” 7Bad U Blei u la pynlong ïa ka suiñbneng, bad u la pynkhlad ïa kita ki um kiba hapoh kata ka suiñbneng na kita ki um kiba halor kata ka suiñbneng; te ka long kumta keiñ. 8Bad ïa kata ka suiñbneng, U Blei u la khot “Ka Bneng”. Bad kaba la janmiet ka la long, bad ka step ka la long, ka sngi ka ba-ar.
9U Blei u la ong ruh, “To long ba kin ïalang sha kawei ka jaka kita ki um kiba hapoh ka bneng, bad to ai kan paw ka ryngkew:” te ka la long kumta keiñ. 10Te ïa kata ka ryngkew, U Blei u la khot “Ka Khyndew”, bad ïa kata ka jingïalang ki um u la khot “Ki Duriaw”; bad U Blei u la ïohi ba ka la long ka babha. 11U Blei u la ong ruh, “To long ba ka khyndew kan pynmih speh, ba ki jhur kin pynsei symbai, bad ba ki dieng soh kin sei soh ha la ka jaid ka jaid, kiba don la u symbai hapoh jong ki, halor ka khyndew.” Te ka la long kumta keiñ. 12Kumta te ka khyndew ka la pynmih speh, bad ki jhur ruh ki la pynmih symbai ha la ka jaid ka jaid, bad ki dieng soh kiba pynsei soh ha la ka jaid ka jaid, kiba don la u symbai hapoh jong ki; te U Blei u la ïohi ba ka la long ka babha. 13Te kaba la janmiet ka la long, bad ka step ka la long, ka balai ka sngi.
14U Blei u la ong ruh, “To long ki jingshai ha ka sahit bneng ban pynïakhlad hapdeng ka sngi bad ka miet; bad to ai ba kin long ïa ki dak, bad ïa ki aïom, bad ïa ki sngi, bad ïa ki snem de: 15bad to ai ba kin long ki jingshai ha kata ka sahit ki bneng ïa ka ban pynshai ha ka pyrthei:” te ka la long kumta ruh. 16Bad U Blei u la pynlong ïa ki ar tylli ki jingshai kiba khraw; ïa kata kaba kham khraw ïa ka ban synshar ïa kaba mynsngi, bad ïa kata kaba kham rit ïa ka ban synshar ïa kaba mynmiet: bad u la thaw ïa ki khlur ruh. 17Bad U Blei u la buh ïa ki ha kata ka sahit bneng ïa ka ban pynshai ha ka pyrthei, 18bad ïa ka ban synshar ïa kaba mynsngi bad ïa kaba mynmiet, bad ïa ka ban pynkhlad ïa ka jingshai na ka jingdum: te U Blei u la ïohi ba ka long ka babha. 19Bad kaba la janmiet ka la long, bad ka step ruh ka la long, ha ka sngi ka basaw.
20Bad U Blei u la ong ruh, “To ai ba ki um kin ïaboi da kiei kiei ki kynja ba-im bapar, bad to ai ba kiei kiei ki kynja baher kin ïaher ha khmat ka sahit bneng.” 21Te U Blei u la thaw ïa kita ki dohkha khraw kiba heh, bad ïa ki kynja ba-im bapar baroh, da kiba kita ki um ki la ïaboi, ha la ka jaid ka jaid, bad ïa kiei kiei ki kynja baher ruh de ha la ka jaid ka jaid: te U Blei u la ïohi ba ka la long ka babha. 22Bad U Blei u la kyrkhu ïa ki, u da ong, “To da nang kha, bad to da nang roi, bad to da pyndap ruh ïa kita ki um ha ki duriaw, bad to ai ba kiei kiei ruh ki kynja baher kin ïa nang roi ha ka khyndew.” 23Te kaba la janmiet ka la long, bad ka step ruh ka la long, ha ka sngi ka basan.
24U Blei u la ong ruh, “To ai ba ka khyndew kan pynmih noh ïa kiei kiei ruh ki kynja ba-im baroh ha la ka jaid ka jaid, ïa ki jingri, bad ïa kiei kiei ruh ki kynja bapar, bad ïa u mrad khlaw jong ka ryngkew ha la ka jaid ka jaid:” te ka la long kumta keiñ. 25Kumta U Blei u la thaw ïa u mrad ka ryngkew ha la ka jaid ka jaid, bad ïa ki jingri ha la ka jaid ka jaid, bad ïa kiei kiei ruh ki kynja bapar baroh ha ka khyndew ha la ka jaid ka jaid: te U Blei u la ïohi ba ka la long ka babha.
26 #
Jen. 5:1,2; Mat. 19:4; Mrk. 10:6; 1 Kor. 11:7; Kol. 3:10; Jak. 3:9. U Blei u la ong ruh, “To ngin ïathaw ïa u briew ha ka dur jong ngi, katba kum ka jingsyriem jong ngi hi; bad kin synshar halor ki dohkha ka duriaw, bad halor ki sim bneng, bad halor ki kynja mrad, bad halor ka pyrthei baroh, bad halor kiei kiei ki kynja bapar baroh ki bapar halor ka khyndew.”
27 #
Jen. 5:1-2; Mat. 19:4; Mrk. 10:6. Kumta U Blei u la thaw
ïa u briew
ha ka dur jong u hi,
ha ka dur U Blei keiñ
u la thaw ïa u;
shynrang bad kynthei
u la thaw ïa ki.
28U Blei u la kyrkhu ruh ïa ki, bad U Blei u la ong ha ki, “To da nang kha, bad to da nang roi, bad to da pyndap ïa ka khyndew, bad to da pyndem ngon ïa ka: bad to synshar halor ki dohkha ka duriaw, bad halor ki sim bneng, bad halor kiei kiei ki kynja ba-im baroh bapar halor ka khyndew.” 29U Blei u la ong ruh, “Ha khmih, nga la ai ha phi, ban long ka jingbam, ïa u jhur baroh uba pynmih symbai, uba don halor ka khmat ka khyndew baroh, bad ïa u dieng baroh, uba don ha lade u soh jong u dieng uba pynmih symbai. 30Bad ha u kynja mrad baroh jong ka khyndew, bad ha ki kynja baher baroh jong ka suiñbneng, bad ha ki kynja bapar baroh halor ka khyndew, ba don ka jingim ha ki, nga la ai ïa u jhur bajyrngam baroh ban long jingbam:” bad ka la long kumta ruh. 31Hadien kata, U Blei u la ïohi ïa kiei kiei baroh ba u la lah thaw, ha khmih ruh, ka la bha eh. Te kaba la janmiet ka la long, bad kaba mynstep ruh ka la long, ha ka sngi ka bahynriew.
Voafantina amin'izao fotoana izao:
JENESIS 1: KHB
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
The Bible Society of India