Matthai Biehmaasa
Biehmaasa
Thuophaabie Matthai hing ta Zingsuv ca Khuotuv na ica za pi'a yi tapata biekuo ciepa hne Biekuohlung chunglie ta Khazing ta a cawsaa zaw bie a zaa kuopa a tlingnapa tana a cuo tapa kha malie a chang. Hing thuophaabie hing a za puvnapa hne khy a za sanapa Judah ming cuo dyi cuo li pata mingphang bangkhuo cuota a cuo.
Matthai caa-uv hing a raaringsa pata patluo pata capepa a cuo. Zingsuv puvnapa taata patha te, tiy aa naw napa hne pasupaliy a ang napa, cakhutaata Galilee ruo lie phung a rinapa, a pacuvnapa hne a patluosanapa kaw kha a cape. Cakhutaa ta Zingsuv Galilee taata Jerusalem luo a khytlawna kaw hne a hring chung a hnangcawce ningzaa lie a puvpa biethuo, cataata vieluo lie ama thienapa hne a thupakhaanapa lie a pachuo sa.
Hing thuophaabie hing ta Zingsuv ca pacuvtuv a the ciemuopa saya, Khazing nawbie siyluo ri khunapa naw a hnyituv hne Khazing penapa kaw pacuvtuv a cuona kaw kha a ri. A pacuvnapa hing che pangaa ta che khu a cuo.
1. Tluocung pacuvna chunglie hing vuoruo pena lie a awpa tie ama zyazaa, ama hrie riypa re, ama cu riypa hne amaa taw riypa (Chue. 5-7);
2. Ziytuv pahraahlyihning tie ama re kawlie pachang a hupa kaw (Chue. 10);
3. Vuoruo Pena kaw pakhingpuona (Chue. 13);
4. Ziytuv cuonapa siyluo pacuvna (Chue. 18);
5. Ata chuo a chuona riypa kaw hne Vuoruo Pena kaw (Chue. 24-25).
Abietluopuv
Zingsuv Khrih thukina hne puvna 1:1—2:23
Tiynawtuv Johan rehriena 3:1-12
Zingsuv Tiy-anawna hne pasupaliy angna 3:13—4:11
Galilee taa Jerusalem luo 19:1—20:34
A hnangcawce ningzaa chung Jerusalem hne a cahriy lie 21:1—27:66
Abyipa thupakhaana hne aa luonapa 28:1-20
Voafantina amin'izao fotoana izao:
Matthai Biehmaasa: LNT1
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
New Testament in Chin Lautu © Bible Society of Myanmar, 2015.